Yowel 3:5 - NQAARIIT NE ROOG

⁵ A koom, oxuu ƴufginoorna gon le no Yaal oxe, xan a muc. Ne o Yaal oxe a laytuuna, xan a jeg waa ndaɗna took o joong ole Siyoŋ, waa mucna kam Yeerusaleem. Den ndefu we o Yaal oxe a xoyna.

Yowel 3:5 Referans Kwoze

2 Maad we 24:13

Nebukadnesaar a janga halal fee no Mbind ne no Yaal oxe fa fee no mbind no maad ne. A gefa xa ƥaxañ wurus axe o maad Salomo a fi’in’ina kam Mbind ne no Yaal oxe. Neene, ke o Yaal oxe a lay’ina a fadnooxa.

2 Maad we 16:8

Ahas a janga xaaliis fee fa wurus fee ndeeƭna kam Mbind ne no Yaal oxe fo na kamba le no mbind no maad ne, a lultin o maad oxe Asuur nen ci’it.

2 Maad we 12:18

No camaane kaaga, Hasa’el fee o maad Araam a gara a song teeru fee Gaat. A cinj ye ta jaɓuuna, a waajana a Yeerusaleem.

Dañel 11:38

Ke ta bugko faɗooxaa kañ refu roog fee no teeru cegu saŋe ke, daan um a and’eerna. Xan a niwtan wurus fa xaaliis fo a ƥil a cafeñu fo tig oo tig cegu o njiriiñ.

Yeremi 51:11

Lakyo a kas ake, mayƭand a tungaar ake! O Yaal oxe a xiira maad we Medi na xire, yaam kaa bug o gef a Babilon tuƈ. Ndabdinax no Yaal oxe yoo, ndabdinax ne na yaq fee no Mbind ne ten.

Yeremi 50:28

Nan-gilooxyo! Xa buuq axe no ƴuuƴuf we, axe no we ndaɗitna no saax le Babilon, owe yegnitaa kam Siyoŋ ee: «O Yaal oxe Roog in a rabdinooxa, a rabdinooxana yaq fee no Mbind ne ten.»

Esayi 11:11

A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.

Yeremi 23:7

O Yaal oxe kaa tee: «Ten taxu ñaal key a ngaraa kaa o leng a laykateerna yee: ‹O Yaal oxe xe ñoowaa, ten oxe sutitna Ii-isra’el we no saax laa Misira.›

Heseki’el 37:12

Ten taxu jo’tanaam a den ee: Keeke o Yaal oxe na refkaa boo faw a layu: Nuun xeet es, xam wet poy ke nuun, inatinit a nuun teen, soo nomtiid a nuun no fiisel ole Isra’el.

Abjaas 1:17

Kaa koy, xan a jeg waa ndaɗna took o joong ole Siyoŋ na tedkataa. Xa taan axe Yakoob xan a njangatin lanq ke den njaɓ’eena.