Yowel 3:4 - NQAARIIT NE ROOG

⁴ Boo ñaal maak saɗarnooxu ne no Yaal oxe a helko fo garaa, xan njeeƈ ne a suptoox o niɓaan, soo o nqool onqe a suptoox fo’oy.

Yowel 3:4 Referans Kwoze

Yeremi 47:4

Ñaal ne Fiifilista we fop a saŋikkeel a fadiida. Yoqkatee o leng oxaa dimle’na a Tiir fa Sidoŋ, yaam o Yaal oxe xe gefaa Fiifilista we, yoqatin weene no fimb le Kaftoor.

Esayi 59:18

Xan a rabid pindeef ke a pi den, fuux um a yen no noon um, ta xaw fañ um soo a rabid we ngenna na pimb ake a pi den.

Esayi 34:8

yaam bes a tabdinax oo no Yaal oxe. O hiid ole Siyoŋ a rabdinooxankeel oo.

2 Tesalonik 1:6

Ndigil oo kañ: Roog kaa rabdaa naqad we na naqadilaa a nuun,

A pi ake 9:4

A yena a lanq, too a nana o ñuxur olaa layooguuna yee: «Sool, Sool xar taxu o ñagadilaxam?»

YEGIL MBAAX NE YEESU ne Lik a bindtuuna 18:7

Ndax kaa Roog dimle’kee xeet um, na nqeɗan ñaal fo o yeng? Ndi kaa yapatilkaa a den?

Mace 11:21

«Ndaw sabab took of, wo Korasiin, ndaw sabab took of, wo Betsayda, yaam a pi katil ake mbi’eena me nuun a mbi’’ange kam Tiir fa Sidoŋ, a mbeskooga pakaad den a cinj yaaga, too a nderoox xa saaku, a moof no ndaw, ndax da lalit ee a ndicooxa.

Yeremi 51:6

Ƈufyo sutoox a Babilon, oxuu refna a mucil o ñis um, ndik nu saŋkoox na qaw ale ten, yaam waxtu a tabdinax no Yaal oxe yoo. Xan a rabdin a pi um.

2 Caloori ke 21:16

O Yaal oxe a riña Fiifilista we fo Araab we ndefna gentand no Kuukuus we da nqire’iid fa Yehoram.

Haahate we 11:12

Yefta a hebla duleer maa no maad oxe no Aa-amon waa, ndax da layin ee: «Xar i nqetu boo o inooxanaam, ndax o xire fo saax es?»

A cangatin ale 32:35

Mi ndabdinax a helu, too mi na rabdaa. Xa caf den xan a send, yaam ñaal ne na naqad den a matiida, ke na cungaa a den a faambnoox.

Mace 11:22

Ten taxu mexe layaa a nuun ee na bes faa no nqel naa Roog, Tiir fa Sidoŋ na moƴkaa o yooɓiɗ a nuun hate.

YEGIL MBAAX NE YEESU ne Lik a bindtuuna 10:13

«Ndaw sabab took of, wo Korasiin, ndaw sabab took of, wo Betsayda, yaam a pi katil ake mbi’eena me nuun a mbi’’ange kam Tiir fa Sidoŋ, a mbeskooga pakaad den a cinj yaaga, a nderoox xa saaku, a moof no ndaw, ndax da lalit ee a ndicooxa.

YEGIL MBAAX NE YEESU ne Lik a bindtuuna 10:14

Ten taxu, no nqel naa Roog, Tiir fa Sidoŋ na moƴkaa o yooɓiɗ a nuun hate.

Esayi 14:29

Nuun Fiifilista we fop, ba nu mbelakinoox, yaam ne o cap ole nu nqawtoogeena a yaqeena. Na fangool fa nqonu feene xan sax a sutoor teen, soo Niŋki-naŋka fee na yetaa a sutoor no ɓoof um.

Yeremi 47:1

Keeke refu fa lay fee o Yaal oxe a daawinna o tuleer Yeremi, ta jagin no Fiifilista we, yaaga Firawon fee xawafulee a Gaasa.

Yowel 2:2

Kaa ref ñaal o niɓaan fo a sisaaƥ, ñaal a eel fo a kuy. Xeet fee mayna bo too a jeg doole kaa garaa nen mbeet naa na leeliidaa took xa coong axe. Kaa nandna neene mosee o jeg, too moskatee o jeg muk no suk ke na ngaraa.

Yowel 2:10

Lanq ke kaa sendaa mbaambir den, asamaan fee a yo’noox, njeeƈ ne fo o nqool onqe a nuk, soo xa qoor axe a ñak a qoolaand den.