Yowel 3:2 - NQAARIIT NE ROOG

² No ñaal kaaga, xam fudniid Yiif es took no faɗ we sax, goor fo rew.

Yowel 3:2 Referans Kwoze

Sofoni 3:8

Ten taxu cungaamoo, cungyo bes fee um inooxkaa, ndax um jamb a nuun, yaam hebooxaam o fokat qeet, fosoox o korol maat ke, ndax fuux es a biltooxan a den, fuux ɗomu le mi fop. Saax le fop xan a raaɓtel fiɗel le no naal ne mi. Mi o Yaal oxe layun.»

Esayi 66:16

O Yaal oxe xan a hate’it wiin we fop fiɗel fo laƥ, too xan a saŋik jaaku na den.

Heseki’el 38:22

Xam layoor fo ten na pexey piste fo fo’oy. Xam ɓisiid mbuyaam maak fo a kalam a ƥuuɓu fo fiɗel fo nqeen took um, took a yaj no xiixire ke ten fo took qeet pagkatar ke yoonna fo ten.

Mbeeñil 16:16

Cini ke kaa mbokat maad we no mbiñ onqe na xoyeel na hebre: Harmagedon.

Heseki’el 39:11

A koom, xam ci a Gog maa ta gaseena kam Isra’el, ta ref a yulanq no dak-a-faaf we no batand ne no maag o Xanju le. Xan a weg a ƭat ale no ñaañaaƴ we. Maaga Gog fo a yaj um a ngaskeel too xan a xoyeel a yulanq ale na yaj ale Gog.

Heseki’el 35:10

Feek kaa o lay ee: ‹Xam jaɓ qeet ƭik kene, ndefna Isra’el fa Yudaa fo a saax a ƭak ake den, too xam jegat a den›, ke o Yaal oxe a genna teen fop oo,

Yeremi 25:31

Fangax le a nannooxa boo no cat adna, yaam o Yaal oxe xe layooraa fo qeet ke, a hate’aa pindeef ke fop, soxodu we ta ɓoxot a den da saŋkitel laƥ.› » O Yaal oxe layun.

Mbeeñil 20:8

Maaga, xan a sutoox ndax ta nax qeet ke kam adna fee fop. Den ndefu Gog fa Magog. Xan a fokat a den, da mayit nen pep lanq na ƥeeraamb o maag, da ndet a ngomrikel.

Mbeeñil 16:14

Cini keene koy na mbi’aa xa anddiloor, kaa ndet farna fo maad we na adna fee fop, ndax da mbokat a den, da ñoxorkel no ñaal maak ne Roog fee jegna katil.

Mbeeñil 16:6

Yaam kaa ƥax fo’oy le no we mbogna na Roog fo le no duleer we. Ndiiki koy cooxaa a den fo’oy fo yerel. A ndaawa a las den!»

Amos 1:11

Keeke o Yaal oxe a layu: «Felaam o jaf no Ee-edoom we a caf a tadak boo na nahak sax, ta dak no paaxeer. Kaa ndaabaa fog den fo laƥ, yirmande a ñuf na qeeñ den, fuux den a raaɓaa ñaal fo yeng a sax a paƴ na den. Ten taxu o ɓay es ole yoɗooxna waagee ñak o dal:

Heseki’el 36:5

No ndigil kam fuux ɗomu le mi, xam xasan qeet lakas ke fa Edoom boo ta xet, den we njegooxna saax le mi fo o ɗaay ole na qeeñ den fop fo o xeefel ole na xa laaw den, ndax da mbalit xa suufand axe. Mi o Yaal oxe na refkaa boo faw layun.

Heseki’el 25:8

Keeke o Yaal oxe na refkaa boo faw a layu: «Feek Mowaab fa Seyiir kaa lay ee: ‹Mbind Yudaa leng kut oo fo qeet lakas ke›,

Yeremi 49:1

Ke yegniteena no Aa-amon we. Keeke o Yaal oxe a layu: «Ndax kaa Isra’el jegee xa ƥiy xa koor, ndax jegee jeg o lam? Xar taxu Milkom a lam o fiisel ole Gaad soo xeet um a ngen teeru ke ten?»

Yeremi 12:14

Keeke o Yaal oxe a layu no gentand faaxeer we na xeet es: «A nduqa ke jeg’uuma, o fiisel ole lasrand’uuma a Isra’el fee xeet es. Xam fuurit a den no lanq den, fuur a ndeer den itam wiin we Yudaa.

2 Caloori ke 20:26

No ñaal nahkandeer naa, a mbokatoora na yulanq ale na barke fee ndax da ngidim o Yaal oxe. Ten taxu o mbiñ onqaaga a xoyeel a yulanq Barke le boo no ñaal roog ne xaye.

Mbeeñil 11:18

Qeet ke fop kaa mbuux’u boo a mbuɓaa, ndaa waxtu fee waroona o fuux fa waxtu fee waroona o hate we nqonna a fadiida. Waxtu fee waroona o saɗig dag we wo na njo’tanang, waxtu fee o saɗigkaa we mbogna na wo, a saɗarong, ta ref yaal toole ke mbaat we neewna doole, a fadiida. Waxtu fee waroona o gef we na ngefaa adna fee a fadiida.»

Esayi 66:18

ten oxe andna a pi den fo a qalaat den. O Yaal oxe kaa tee: «Mexey garaa fokatiid wiin inooru na xeet fuu refna fo na lak fuu refna, ndax da mbuudaa o ndam es.

Yeremi 50:17

Isra’el kaa reeƭu mbaal mo’u, cogoy ke a ndaxan. O maad oxe Asuur eetun o lisit, soo oxe falakna o duguñaa xa kiiƈ um a ref Nebukadnesaar fee o maad oxe Babilon.

Heseki’el 34:6

Paal ke mi we njoqooyooxaa took xa coong axe fop fo took a ñaang a ciig ake fop. Paal ke mi a pasarooxa kam saax le fop, o leng topatooxee a den, o leng waaƭee a den.

Heseki’el 36:1

«Wo fee o ƥiy no kiin, jo’tanaam xa coong axe Isra’el! Fat o lay ee: Nuun xa coong axe Isra’el, nan-gilooxyo fa lay fee no Yaal oxe!

Mise 4:12

Kaa koy, andee a qalaat no Yaal oxe, yuuƥ ke ten a kunpa a den. Andee yee kaa o Yaal oxe a fokat a den nen a kusax no cukand.