Yowel 2:2 - NQAARIIT NE ROOG

² Kaa ref ñaal o niɓaan fo a sisaaƥ, ñaal a eel fo a kuy. Xeet fee mayna bo too a jeg doole kaa garaa nen mbeet naa na leeliidaa took xa coong axe. Kaa nandna neene mosee o jeg, too moskatee o jeg muk no suk ke na ngaraa.

Yowel 2:2 Referans Kwoze

Yowel 1:6

Xeet a inooxana saax es, a njeg doole bo, too mbaagaand o lim. A ñiiñ ake den kaa nandtaa a ñiin njogoy, a kaaɓaaɓ ake a saq a paƥ njogoy ƥasil.

Yowel 2:5

O nanangaan ee ɗuuɗ a sareet-xire kaa na mboolaa took xa cul axe na xa coong axe, a ratataa nen ƈulfaan fiɗel laa na raaɓaa boob. O ga’angaan ee xeet fa njegu doole faa jagandooxanna a ñoq.

Yowel 2:25

O Yaal oxe kaa tee: «Xam rafooxan a nuun xa kiid axe soƈ ke fo xa benq axe fo tooroog ke fo kusax ke a ñaamna, xiixire mayu we mi hebliid’uuma took nuun.

Dañel 12:1

Malaaka fee a layahinaxam ee: «Na jamaane faaga, xan Mika’el fee refna kelfa fee no malaaka ke a feeñ, ten fee na saytooxaa xeet of. A koom xan a jeg coono fa maak faa moseerna o jeg naa xeet a sosooxu boo ndiik. Maaga, fop we mbogna na xeet of, too a kon den a mbindel no safe le no ñoow ole, xan a muc.

Esayi 8:22

cinj kaaga, da ƭeet a lanq, ndaa nga’kee lakas, a refangee naqad fo o niɓaan fo coono. Xan a ref na den o yeng olaa niɓaanna tit.

Esayi 5:30

A koom, xan a ŋuuranan nen ŋurŋur le no maag ole. Muu ɗeetoona no saax le, o niɓaan fa naqad doŋ o ga’kaa teen, a eel a ƥaal ɗok a niɓaanin njeeƈ ne.

Yudaa 1:13

Kaa nand fo a yag-ee-yag ake no maag ole na ndiñaa a puur. Neene wiin weene a suttaa a pi a cednooxu ke den itam. Kaa nand nen xa qoor xa mo’u. Roog a geekana a den ɓaal-ee-ɓaal le no niɓaan ole boo faw.

Hebre 12:18

Nen a xeet fee Isra’el, nu matiidee o joong ole waraandeena o duq: O joong oleene refu o Joong ole Sinayi, fiɗel um a sumna boo jip, a sisaaƥ, a niɓaan boo tit, a doon teen a undaa,

Mark 13:19

Yaam no ñaal kaaga, xan a jeg coono fa maak faa moseerna o jeg naa Roog a saku adna fee boo xaye, too jegkatee nandu neene boo muk.

Amos 4:13

yaam oxe sakna xa coong axe fo nqeñ ne too a feeñlaa o kiin a qalaat um, kaam ee, oxe na suptaa mbeet ne, a fi’in o niɓaan, too a ñaaƴaa took xa coong axe, gon um refu o Yaal oxe Roog fee Hupna fop.»

Dañel 9:12

Fadnaa ke yegnit’oona took in fo took kelfa ke ƭoxoogna a in, ɓisiid a in taamaala fa maak kam Yeerusaleem, too fa nandu neene mosee jeg sen took lanq ke.

Yeremi 13:16

Ƥoxotyo o Yaal oxe Roog nuun o ndam boo ta helko fo niɓaanaa, soo nu tolof na xa coong axe na kid-a-caɓru ke. Xan nu cungaa a qoolaand ale, ndaa xan a suptin o niɓaan, a fi’in a sisaaƥ.

A kim a tedu ke 97:2

Eel fo o niɓaan kaa mbidin, uum-maamaad um a diƈoox no cofel fo na ƭat.

A kim a tedu ke 10:6

Kaa layaa no xeeñ um ee: «Waagaandeem tig, too taamaala dalkiraam boo muk.»

A cangatin ale 32:7

Mbetandooxyo a pe ake yaaga, ƭeetatin xa kiid axe no suk ke mbaafna. Laamteenoo paap nuun, too xan a andnoorin a nuun, laamtin nogoy we nuun, too xan a layin a nuun.

A sutax ale 20:21

Xeet fee kaa mbod’u koƭu, ndaa Moyiis o mat kaa matik’u eel niɓu le Roog a reeƭna.

A sutax ale 10:14

Tooroog ke a ndoka kam saax le Misira fop, a ñipoox muu refna. Kaa may’u bo ta hup. Kaa nandna neene mosee o jeg too moskatee o jeg.

A sutax ale 10:6

Xan a ndok kam pind of fo kam pind no dag of fop fo no pind ke no Miimisira we fop. Daan of fo we ndimna a den sax mosee o nga taamaala faa nandna neene, yaa da ndimeena boo no ñaal roog ne xaye.› » Maaga, Moyiis a riƈatooxa, a sutoox mbind Firawon fee.

Mace 24:21

Yaam a koom, xan a jeg coono fa maak faa moseerna o jeg yaa adna godeena ɓaax boo ndiik, too jegkatee nandu neene boo muk.

Mbeeñil 9:2

Maaga, o xoor ole a weta a ngas fiɗel alaa, too fo suun olaa nandna nen fo suun ndoxand a sutoorta teen boo a niifaarin njeeƈ ne fo nqeñ ne.

A ƭomatax ake 1:12

«Nuun um laytaa, nuun fop we na njoonaa mene! Ƭeetyo too ngoroox a paax! Ndax a jega o ƭomel olaa nandna fo ole mi, fodna fo ole fadeema? O Yaal oxe a fi’axam ƭomu a koom alaa fo fuux ɗomu le ten.

Heseki’el 32:7

Yaa o naagkaa ɗuƭ, xam sing asamaan fee, niifaarin xa qoor axe ten. Xam singit njeeƈ ne eel too o nqool onqe cooxitkatee a qoolaand um.

Heseki’el 34:12

Ne o kaynaak a fokattaa o siir um, yaa paal um a pasaroorna, neene um topatooritkaa paal es. Xam waaƭik cegel es no fo mbiñ ne da pasaroox’ina, a jopir ñaal a kuy fo o niɓaan.

Heseki’el 38:9

Xan o fadtiid nen a und, ref nen eel laa na muurkaa saax le, wo fo a yaj no xiixire of fo qeet pagkatar ke yoonna fa wo.

Yeremi 13:6

Cinj a pe a mayu, o Yaal oxe a layaxam ee: «Inooxi ret Ofrat, xotik o kumnoor ole hebil’oonga o ɗasnin maaga.»

Yowel 3:4

Boo ñaal maak saɗarnooxu ne no Yaal oxe a helko fo garaa, xan njeeƈ ne a suptoox o niɓaan, soo o nqool onqe a suptoox fo’oy.

Sofoni 1:7

Naangyo cuxus mbaambir no Yaal oxe na refkaa boo faw, yaam bes fee no Yaal oxe a matiida. A jaganda sadax, a tedland we ta xurna.

Sakari 14:6

A koom, a qoolandir jegkatee mbaat a ƥuuɓ mbaat galaas.