Yowel 2:16 - NQAARIIT NE ROOG

¹⁶ Mbokatyo xeet fee, mbi mbokatax tedu. Kolityo maak we, mbokat xa caaƈ axe boo na xa qeq axe maadna o numaa sax. Fat o kor-no-kulook oxe a sutooxiid a ndok um, o kulook oxe a sutooxiid me ta wegeena.

Yowel 2:16 Referans Kwoze

2 Caloori ke 29:5

A laya a den ee: «Nuun Leelewi we, nan-gilooxaamoo! Tedlandooxyo, tedland Mbind ne no Yaal oxe Roog fee no daan nuun soo fop ke xoolaƭarna nu sutin o mbiñ o tedu nqe.

2 Caloori ke 20:13

Yuuyudaa we fop boo no rew we fo xa caaƈ axe kaa ngeenoox’u mbaambir no Yaal oxe.

1 Korint 7:5

Ba o leng a goƭ o lakas oxe, a refangeerna kaa laytin, yaa da mbugna o nqeɗ. Cinj kaaga, fat a ndakoox na yoon, yaam ne da mbaagkateerna o ngarin a qoox den, soo Saytaane a rokatiloox, a fog a den.

Yowel 1:14

Simityo koor, nqoyit o xet o tedu. Mbokatyo maak we fo we ngenna no saax le fop kam Mbind ne no Yaal oxe Roog nuun soo ƈufginooxin.

1 Sami’el 16:5

Sami’el a doona a den ee: «Ii, jam soom oo. Kaam gar ɓoxotiid o Yaal oxe sadax. Tedlandooxyo boog too ngar ndeer fa mi na sadax fee.» Sami’el a tedlanda a Isay fo xa ƥeem soo a xur a den na sadax fee.

A sutax ale 19:22

Saasadax we mbaagaxama o matiid sax, a mbara o tedland a qoox den, mbaat xam saŋik a den.»

A sutax ale 19:10

O Yaal oxe a dakooxa o lay a Moyiis ee: «Nomtooxi na xeet faa, tedland a den xaye fo o feet. Fat a ndap teen tikoorik den.

Mace 9:15

Yeesu a doona a den ee: «Ndax we na ngulookaa a mbaaga ñak o sawar yaa o kor-no-kulook oxe a refna fa den? Ñaal ke o kor-no-kulook oxe a refkateerna fa den owe ngaraa, too yaaga xan a ngoor.

A kim a tedu ke 19:5

Yaqanee koy, xa ñuxur den a njoota boo me lanq ke a ndayna, fa lay den a nannoox boo no cat adna, maa Roog a ɗiifanna njeeƈ ne.

Ke bindeena no xe ne’eena YOB 1:5

Ñaal ke no mbumbaay ne a mbaaf’angaa, Yob a lultooga xa ƥeem da ngar soo ta ɓogid a den. No feet olaa, a inooxooga ƥiiɓ teel, a ɓoxotan oxuu refna na den sadax fa ndoxel, yaam kaa xalaatoogu yee: «Xeƈa xa ƥees axe ñakee o mbakaad, a saloox a Roog na qeeñ den.» Neene deŋ Yob a fi’toogun kili.

2 Caloori ke 35:6

Mbaryo paal ke na Colandax ale, tedlandoox, mbaajan o fog ole, mbi’tin naa mengoorna fo ne o Yaal oxe a heblituuna, a reefandin na Moyiis.»

2 Caloori ke 30:19

fop we mbosooxna na qeeñ den o mbaaƭ o Yaal oxe Roog fee no daan den too ndaaw’afulee o tedlandoox.»

2 Caloori ke 30:17

Ne andoona koy ee a jeg’a wiin mayu waa tedlandooxeerna kam mbokatax naa, Leelewi we a nqirsana a den fop fo mbaal den ne na Colandax ale ndax ta kesanel o Yaal oxe.

Yosuwe 7:13

Ndiiki boog, inooxi, fi boo xeet fee a tedlandooxan o feet, yaam o Yaal oxe Roog fee Isra’el kaa tee: ‹Nuun Ii-isra’el we, no ke war’eena o yaq a jega teen kaa refna a ndeer nuun, too nu mbaagkatee o nqox fañ nuun, a refangee kaa nu sutin saŋe ne.›

A sutax ale 19:15

Cinj kaaga, a laya xeet faa yee: «Boo ñaal ndadkandeer ne a fadiidaa, fat a soƥ nu ƈut a cagandax. Ba o leng a fog fo o teem njong.»

Mace 21:16

Kaaga a taxa da lay a Yeesu yee: «Ndax kaa naniro ke da layaa?» Yeesu a doona a den ee: «Nanaanum moos! Ndax kaa nu mosee o njang kene: ‹Xottaam a simat na xa ton axe na xa teɓandoong xa tutuuñ axe fo no we na xa qeq axe›?»

Yosuwe 8:35

No ke Moyiis a heblit’ina fop, yoq’ee teen dara kaa Yosuwe a jangeerna mbaambir mbokatax ne Isra’el fop boo no rew we fo xa teɓandoong axe fo xa kataakoon axe ngenoogna a ndeer den.