Yowel 2:13 - NQAARIIT NE ROOG

¹³ Ba nu mbaar toki nuun, ndaa mbaaryo a qeeñ nuun soo nomtooxiid no Yaal oxe Roog nuun, yaam kaa yirmaa, a laabiir, a muñantaa, a may fo o paaxel too kaa ricooxaa taamaala ke ta heblitiidna.

Yowel 2:13 Referans Kwoze

A kim a tedu ke 86:15

Wo o Yaal oxe o mat, Roog fa mayu yirmande refo, yaaj kam, muñantaa, may fo o mbeq fo ngor.

A kim a tedu ke 34:18

Jofu we a ƈufginooxangaa, o Yaal oxe kaa nanaa a den soo a sut a den no naqad den fop.

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

A kim a tedu ke 86:5

Wo o Yaal oxe, kaa o faax soo yaaj kam, may fo o mbeq no fop we na ƈufginooxang.

A kim a tedu ke 103:8

O Yaal oxe kaa jeg yirmande, a yaaj kam, a muñantaa soo a may fo o mbeq.

Yoona 4:2

Keeke refu ke ta xeɗ’ina o Yaal oxe: «O Yaal oxe, keene o mat saɗaroogum, ye maad’uuma o refaa no saax es, too ten taxu um ñof’u o ƴufaa farna fa Tarsis. Andaam koy ee Roog fa laabiiru fa mayu yirmande refo. Kaa o muñ, may fo o paaxel, too kaa o ricooxaa paaxeer ke yuuɓoona.

Esayi 66:2

Keene fop o ɓay es fi’un, too neene a sakoortu. Kaa koy, ke haalaxama refu o toroxu xe gooyna, a nan-gilooxaa fa lay es fo diid soo a sendaa.

2 Sami’el 1:11

Maaga, Dawid a faara toki ke ta rokoox’ina, soo we ndeeƭna fo ten fop a mbi nen o ten.

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

A kim a tedu ke 51:17

O Yaal oxe, weti muuceek es, ndax o don es a simatong.

2 Maad we 22:19

boo ta duq xeeñ of. Neewandooxaa mbaambir o Yaal oxe, ye nanoona ke fosooxan’uuma o mbiñ onqene fo we ngenna teen. Faaraa toki of, lool ciic mbaambir es, ye nanoona yee o mbiñ onqene xan a refat juum kefatin, we ngenna teen a ndefat saloor. Ten taxu mi o Yaal oxe, mexe yegnang ee nanaaxoong.

Efees 2:4

Kaa koy, o paaxel ole Roog fo o mbeq onqe ta jegna na in kaa magin lool.

A kim a tedu ke 106:45

A wetandooxa ngiɓoor um fa den, ndax ta jiriiñ a den, too a yirma a den no mbeq o maak um.

Ke bindeena no xe ne’eena YOB 1:20

Maaga, Yob a inooxa, a faar sabadoor ne ten, a ruusoox ɓula, a gung a lanq

A lim ale 14:18

‹Mi refu o Yaal oxe na muñantaa soo may fo o paaxel. Kaam waasantaa njofaƭar fo tooñ, ndaa kaam xawaa oxe tooñna soo rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer.›

Nehemi 9:17

a mbañ o nananong, a mbeecit comlaand ke fi’anoona a den. Kaa saƭik a qoox soo kam siiknoor den, da njilan a qoox den o aa-adax, ndax da nomtoox no mbaƭ naa den. Wo o mat, Roog faa na waasantaa refo, faa yaajna kam too may yirmande, faa na muñantaa too may fo o mbeq. Waasiro a den,

1 Timote 4:8

yaam a poƭtax cer a jega o njiriiñ ndaa mayee. O reef a Roog o mat, kaa jiriiñ no fop. Kaa fof ndegit ne no ñoow oleeke sax sax fo no ñoow ole na garaa.

Nahum 1:3

O Yaal oxe kaa muñantaa, doole um a magin, ndaa ñakkee o xaw oxe tooñna. O Yaal oxe kaa ñaaƴaa kam a saaqul ale, a ƭat um a ref kam a und ale, a eel ake a ndef fo ut ole a caf um a yetnaa.

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

2 Maad we 6:30

Ye o maad oxe a nanna a ƭelem akaaga no tew oxe, a faara toki um. Took faa a reeƭu, too we na teeru fee fop ndeeƭna a lanq a nga’’a yee o saaku a adin’u no cer um.

2 Maad we 5:7

Yaa o maad oxe Isra’el a jangna o leetar ole boo a ƴut, a faara toki um, a lay ee: «Ndax kaam ref Roog, boo waag o war o kiin mbaat um ñoownin, boo a tax ta lultiidaxam o kiin ee ndax um wodandin na tik-a-maak um. Refee xire rek a bugu, a waaƭaa maa ta jegitna a ƭat na mi.»

1 Maad we 21:27

Ye Ahab a nanna fa lay fee Eliya, a dalfooxa o faar tikoorik um, a deroox o saaku soo a ref no koor. O saaku leene a wondoortoogu sax, too a ñaaƈ ale ten kaa niid’atu.

Mberaand 37:34

Yakoob a dalfooxa o faar toki um, a deroox o saaku, soo a ñaawooxaa boo ñaal mayu.

Mberaand 37:29

Ruben a nomtooxiida no gamb laa, soo a ga ee Yoseef reeƭatee taaga. A dalfooxa o faar toki um yaam naqad,

Esayi 58:5

Ndax keene refu koor ne buguuma, ñaal ne o kiin oxe a damna cer um? Yoorin xoox nen xeet, deroox o saaku, wondoox kam ndaw, ndax no ndigil keene nu nqoyaa koor, ñaal naa felna o Yaal oxe?

2 Maad we 22:11

Ye o maad oxe a nanna fa lay fee no safe le no kebil ke, a faara toki um.

Yeremi 41:5

goor qarɓeen ɓetuu tadik waa inoortiidna Sikeem, Silo fa Samari a matiida Mispa. Kaa nduus’u xa taatam den, a nquuy toki den soo a ñaasoox. Kaa saq’u sadax tuufe-duufe fa cuuraay, ndax da ƥoxot a den kam Mbind ne no Yaal oxe.

Yeremi 42:10

‹Nu saxangaa tigi no saax lene, xam maxatin a nuun nu ndefat xeet too yaqkatiim a nuun, xam jimb a nuun too fuurkatiim a nuun. Maaga, xam ricoox paaxeer ke fi’uuma a nuun.

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

2 Caloori ke 6:27

nan-giloorti a den na asamaan, waasanit pakaad no dag of ndefna ndef Isra’el fee xeet of. Aqatini a den a ƭat a paax ale da mbarna o ndeef soo deɓiid no lanq ke ci’oona xeet of nen lam.

Yeremi 36:7

Xeƈa xan a tax da nqeɗoox o Yaal oxe, oxuu refna a fes a cinj a ƭat a paaxeer um, yaam fuux le fo say ole o Yaal oxe a regdinooxna xeet fene a magna.»

Yoona 3:9

Neene, xeƈa xan Roog a supit pexey, a waas fuux maak le ten, soo a fañ o warnoor a in.»