Yowel 2:12 - NQAARIIT NE ROOG

¹² O Yaal oxe kaa tee: «Nomtooxiidyo me mi na qeeñ nuun fop, yaam a waagooxa boo fa ndiik. Ngooryo, lool soo ƭomatoox.»

Yowel 2:12 Referans Kwoze

Hoose 12:6

O Yaal oxe refu Roog fee Hupna fop, gon um a ref o Yaal oxe.

Yeremi 4:1

O Yaal oxe kaa tee: «Wo Isra’el, o nomtooxiidangaa, kaam ee o nomtooxiidangaa me mi, o watnangaa nitaal roog cakalaaru ke wo mbaambir es, waas a coqooyax ale,

Hoose 6:1

«Ngaryo i nomtoox maa no Yaal oxe, yaam a saara a in, ndaa xan a wodand a in. A fada a in, ndaa xan a laxasan a in a uut ake in.

1 Sami’el 7:6

A mbokatoora Mispa, a ƈeew foofi, a ƥaxin mbaambir no Yaal oxe soo a ngoor ñaal naaga fop. Maaga a laytu yee: «I tooña o Yaal oxe!» Maaga Sami’el a hate’toogu itam we ndaawroogna na xeet fee.

1 Sami’el 7:3

Naaga, Sami’el a laya Ii-isra’el we fop ee: «A soƥangaa yee fo a qeeñ nuun fop nu nomtoortiidaa me no Yaal oxe, ndeɓyo roog can ke nu mbaɗooxaa fo xa taaƴ axe Astarte, soo ndam no Yaal oxe fo a qeeñ nuun fop too mbaɗooxan ten doŋ. Neene, xan a mucil a nuun na xa ƥay no Fiifilista we.»

A pi ake 26:20

Kaa koy, kaam eet o waare we ngenna Damaas fo we Yeerusaleem. Cinj kaaga, waare’aam we ngenna no jegel olaa Yudee fop fo we mbogna no qeet lakas ke. Xeɗaam a den da supit o ñoowooƭ, a nomtoox farna fa Roog, too a mbi’aa a pi akaa lalitna yee a suptooxa tigi.

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Haahate we 20:26

Xeet fee Isra’el fop a ndeta Betel, a loolik soo a moof maaga mbaambir no Yaal oxe. A ngoora no ñaal naaga boo no kirand naa, a ƥoxot sadax toxel fo sadax camsa’oor mbaambir no Yaal oxe.

Sakari 7:3

soo a laamit saasadax we no Mbind ne no Yaal oxe Hupna fop fo duleer we yee: «Ndax i mbara o ƭomatoox soo ngoor no nqool o ƥetkandeer onqe, ne i meruuna o mbi’taa xa kiid xa mayu?»

Esayi 22:12

A koom, o Yaal oxe na refkaa boo faw Hupna fop kaa sim’u a nuun nu lool, ƭomatoox, nduusoox soo nderoox xa saaku,

Sakari 7:5

«Layi xeet fee no saax le fop fo saasadax we yee: ‹Ye nu ngooraa soo ƭomatooxaa no nqool o ƥetkandeer fo no ɓetuu ƭikandeer onqe boo xa kiid qarɓeen ɓetuu ƭik a gar fa xaye, ndax no ndigil mi nu ngooranoogu?

Esteer 4:16

«Reti o fokat Yaawuur we ndefna kam Suusaan fop, nu ngoor yaam o sagu es. Ba nu ñaam too ba nu yer boo ñaal tadik fo xa yeng den. Mi fo jeefeer we mi xan i ngoor soo um sogkaa o ret maa no maad oxe, ke bargal ke a ci’teeruuna fop oo. Um naagangaa xonkaa rek, um xon.»

Esayi 58:4

Koor nuun no nqasir fo ñimatir a ɓekaa a nuun fo no unreel xa kurpeeñ. A qeƭ nuun waagee o fadiid me mi, yaa nu ngoortaa neene.

Yeremi 4:2

daaɓoortaa o Yaal oxe na ñoowaa fo ndigil fo a ƭat fo o cofel, maaga qeet lakas ke sax na wo a mbarke’itkeel soo a mbakoortaxam.»

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Dañel 9:3

Maaga, xeɗaam o Yaal oxe Roog es, ƴufginooxin, yoonandtin koor, deroox o saaku, yipoox ndaw.

Malaki 1:9

Ndiiki koy, njeemyo o nqeɗoox a Roog, ndax ta yirim a in! A woora yee jaaɓkee a nuun yaam sadax ke nu ƥoxotan. Keene o Yaal oxe Hupna fop a layu.

A sutax ale 33:5

O Yaal oxe a hebil’a a Moyiis ta lay Ii-isra’el we yee: «Xeet fa saƭku a qoox nu ndefu. Boo yoon’uuma fa nuun o ngap onqaa fi’na ñaf-fo-ƭeet soom, saŋikkoogaam a nuun. Ndiiki koy, mbolyo kelax ke nu ndokooxna, soo um ɗeetkaa ke um fi’kaa a nuun.»

Haahate we 2:4

Ye malaaka fee no Yaal oxe a layna Ii-isra’el we fa lay faaga, den fop a njibna xa paɗax.

2 Sami’el 24:10

A cinj ye Dawid a limna xeet fee, o laaw um a dalfooxa o ref no fiiƭaa. A laya o Yaal oxe yee: «Fi’aam bakaad fa maak, ye fi’uuma keene! Ndiiki koy, o Yaal oxe, waasanaam tooñ neene, mi fee o tag of, yaam kaam fesoor nen o ƭof.»

2 Caloori ke 6:27

nan-giloorti a den na asamaan, waasanit pakaad no dag of ndefna ndef Isra’el fee xeet of. Aqatini a den a ƭat a paax ale da mbarna o ndeef soo deɓiid no lanq ke ci’oona xeet of nen lam.

2 Caloori ke 30:6

We o maad oxe a lul’ina a ndeta kam Isra’el fa Yudaa fop, a ƥis xa leetar axe o maad oxe fo kelfa ke a mbind’ina yee: «Nuun Ii-isra’el we, nomtooxiidyo no Yaal oxe Roog fee Abraham fa Isaak fa Yakoob, ndax ta nomtooxiid me nuun, nuun yoqatin we ƥostoorna no ɓay no maad we Asuur:

Yeremi 3:22

Nomtooxiidyo me mi, nuun xa ƥiy xa kore’aƭaru xe, too xam wodand a nuun no ngore’aƭar nuun.» Xeet fee a doona yee: «In wey ngaraa me wo, yaam wo refu o Yaal oxe Roog in.

Yeremi 36:7

Xeƈa xan a tax da nqeɗoox o Yaal oxe, oxuu refna a fes a cinj a ƭat a paaxeer um, yaam fuux le fo say ole o Yaal oxe a regdinooxna xeet fene a magna.»

Hoose 12:7

Ndiiki koy, nuun xa taan axe Yakoob, nomtooxiidyo me Roog nuun, ngay o mbeq fo o cofel, too yaakaar kili a Roog nuun.

Yowel 1:13

Nuun saasadax we, nderooxyo xa saaku too naqadiloox! Nuun we saqna calel ke no sadaxand ole, ƭomatooxyo! Ngaryo mbe fo xa saaku xe, nuun we na njalanaa a Roog es, yaam sadax tuufe-duufe fa sadax biiñ ƥisiidataand no Mbind ne na Roog nuun.