Yowel 2:11 - NQAARIIT NE ROOG

¹¹ O Yaal oxe xe fangnaa o ñuxur um mbaambir xiixire um. A yaj um kaa magin lool, we na mbadnaa fa lay um a njeg doole. Ñaal ne no Yaal oxe kaa magin too a saɗarnoox. Ndi, an na waagkan o haŋ?

Yowel 2:11 Referans Kwoze

Malaki 3:2

Ndi an na hatilkaa bes feene ta garkaa? Kaam ee an na geenooxkaa naŋ, yaa ta feeñna?, yaam kaa nand fo fiɗel no paal o qaaxaw soo a ran-gandaa taw nen xeme.

Nahum 1:6

Ndi an waagu geenoox, yaa ta fuuxna? An waagu waag o foñ fuux ɗomu le ten? Ngañak ne ten kaa biltooxaa nen fiɗel, soo a ƥil ake a qaacooxaa mbaambir um.

Mbeeñil 18:8

Ten taxu, no ñaal leng kut taamaala ke ta geekaneena a ndalkan. Den ndefu jir waawar fo ñaawax fo biim. A koom xan a saŋkitel fiɗel. Yaam o Yaal oxe Roog fee hate’uuna a maya katil.»

Mbeeñil 6:17

yaam bes fa maak fee da nqawkaa a in a fadiida, too an na waagkan o haŋ?»

Yeremi 30:7

Ndaw naqad! Ñaal nene a jaaxɗandta, jegee lakas naa nandna fo ten. Jamaane naqad oo na Yakoob, ndaa xan a muc teen.»

A kim a tedu ke 46:6

Roog oxey kam fee, sendkee muk. Kaa ƴufgan no ke xotitna no mbeet ne.

Amos 5:20

Ne laytanuuma a nuun, bes fee no Yaal oxe, bes o niɓaan a refkaa, jegkee a qoolaand a leng.

Yowel 1:15

Cey, ndaw ñaal o njom’andaand! Ñaal ne no Yaal oxe a matiida, a ref yaq faa hatiidna no Cegu katil oxe.

Yeremi 50:34

Kaa koy, mi o baawat den, jegaam katil, mi fee gon es a refna o Yaal oxe Hupna fop. Xam farit a den, ndax um ci saax le o yaadax, soo jaaxland we ngenna Babilon.»

Esayi 42:13

O Yaal oxe xe ɓeriidaa nen a salma-koor, a fapooxan a ñoq ale nen o qiixire soo a jibin o wuuq xire o jegu doole, a maaf fañ um.

Esayi 13:4

Nan-gilooxyo combol le took xa coong axe. O nanangaan ee faan jegu doole. Nan-gilooxyo fangax leene no maat ke fo a saax ake mbokatoorna. O Yaal oxe Hupna fop na horooxaa xiixire we na ñoxorkeel.

A lim ale 24:23

Balam a dakooxa o lay ee: «Ndi an na muckaa, yaa Roog a dalinkaa keene?

Yeremi 25:30

O Yaal oxe a layahinaxam ee: «Yegnanaam a den a ƭelem akeene fop soo ɓaat teen ee: ‹O Yaal oxe xe bumbtaa maaga took-ee-took, o ñuxur um a fangoortaa no ngenand tedu ne ten. Oxe bumbanaa o suufnand um, ne we na nduutaa xa tim ndaxar biiñ no nirand a njibnitaa xa buuq, neene a wuuqantaa fop we ngenna na adna fee.

Amos 5:18

Ndaw sabab took nuun, nuun we na tayaa bes fee no Yaal oxe! Xar nu cungtan, ye ta refeerna bes a qoolaand, ndax a ref bes o niɓaan?

Amos 1:2

Keeke refu ke Amos a layna: «O Yaal oxe xey a bumbtiidaa Siyoŋ, o ñuxur um a fangoortaa Yeerusaleem: A biinj ake fop a leeƥa, o jul ole Karmel a weer boo ŋayam.»

Yowel 2:25

O Yaal oxe kaa tee: «Xam rafooxan a nuun xa kiid axe soƈ ke fo xa benq axe fo tooroog ke fo kusax ke a ñaamna, xiixire mayu we mi hebliid’uuma took nuun.

Heseki’el 22:14

Ndax xan njambaar of a maadaa? Ndax xa ƥay of xan a saƭik a koom alaa um inooxankang? Mi o Yaal oxe layun too xam fadnin.

Esayi 7:18

Na pe akaaga, xan o Yaal oxe a wuuƴ buƈ ke ndefna no cat ke no xuluɓ ole Niil fo quuraand ke ndefna no saax laa Asuur,

1 Tesalonik 4:16

Xan o Yaal oxe fa xoox um a fangoox. Xan i nan o ñuxur no leng no kelfa ke no malaaka ke, soo a luuƥ ale Roog a jibit na asamaan. A koom, xan o Yaal oxe fa xoox um a fudoortiid na asamaan, soo we nqonna no ngim na Kiristaa a eet o nqontoox.

Yowel 1:6

Xeet a inooxana saax es, a njeg doole bo, too mbaagaand o lim. A ñiiñ ake den kaa nandtaa a ñiin njogoy, a kaaɓaaɓ ake a saq a paƥ njogoy ƥasil.

Yowel 2:1

Njibinyo a tuluɓ kam Siyoŋ, mbangin a luuƥ took o joong o tedu le Roog. Fat we ngenna no saax le fop a send, yaam ñaal ne no Yaal oxe xe garaa too a matiida sax.

Yowel 2:2

Kaa ref ñaal o niɓaan fo a sisaaƥ, ñaal a eel fo a kuy. Xeet fee mayna bo too a jeg doole kaa garaa nen mbeet naa na leeliidaa took xa coong axe. Kaa nandna neene mosee o jeg, too moskatee o jeg muk no suk ke na ngaraa.

Abjaas 1:15

Ñaal ne o Yaal oxe a hate’kaa qeet ke fop a matiida. A koom, xan o fi’el leng kut ke fi’oona lakas we, nomtel paaxeer ke fi’oona.

A kim a tedu ke 18:14

O Yaal oxe a ɗuuɗta na asamaan. Oxe Took-ee-took a fangna o ñuxur um, ta yoon fo a kalam a ƥuuɓu fo a kaagaañ fiɗel.

A kim a tedu ke 68:18

Roog a jega a sareet-xire cuni-cuni. Kam o tedel um o Yaal oxe xey inoortiidaa no joong olaa Sinayi.