Yowel 2:10 - NQAARIIT NE ROOG

¹⁰ Lanq ke kaa sendaa mbaambir den, asamaan fee a yo’noox, njeeƈ ne fo o nqool onqe a nuk, soo xa qoor axe a ñak a qoolaand den.

Yowel 2:10 Referans Kwoze

Mace 24:29

«Ndak fo ndak, a cinj coono fa maak faaga, xan njeeƈ ne a nuk, a qoor ale a niifaar, soo xa qoor axe a yenit na asamaan, too xan katil ke ndefna na asamaan a yo’noox.

Esayi 13:10

Xa qoor axe na asamaan fo xa kulook axe ten meleƈinkatee a qoolaand den. Njeeƈ ne oxaa wataa, a ɓalig ɗok, a qoor ale a niifaar.

A kim a tedu ke 18:7

Kam naqad es ƴufginoox’aam o Yaal oxe, falaloox a Roog es. A nanta o ñuxur es no mbind um, too o wuuq es a nannooxa no nof um.

A pi ake 2:20

Boo ñaal maak mayu o ndam ne no Yaal oxe a helko fo garaa, xan njeeƈ ne a suptoox o niɓaan, soo o nqool onqe a suptoox fo’oy.

Mbeeñil 6:12

Cinj kaaga, ga’aam o Mbaal onqe a ñaƥtaa o ñaas ɓetuu fo lengandeer ole. Maaga, a jeg’a yo’nax lanq maak, njeeƈ ne a ɓalig ɗok nen ndoki ñaawoor, a qoor ale a yaxig coy nen fo’oy,

Yeremi 4:23

Ɗeetaam lanq ke, ga da yoq o ƥor, saxit’ee nen dara, um ɗeet a asamaan, a qoolaand ale ten a ñuf ɗuƭ.

Mbeeñil 8:12

Cinj kaaga, malaaka fa nahkandeer fee a luuƥa. Naaga, a qaaj a tadkandeer ale na qoor ale fo ale na xa qoor axe a nqawe, boo oxuu refna na den, a qaaj a tadkandeer ale na qoolaand um a mo. Jeg’atee a qoolaand na qaaj a tadkandeer ale no ñaal ne fo ale no yeng ole.

Nahum 1:5

Xa coong axe kaa sendaa mbaambir um, a ñaang ake a sooyaa. Kaa yo’naa lanq ke, adna fa muum fo we ngenna teen fop.

Esayi 34:4

Katil ke ndefna na asamaan xan a ngef, asamaan fee a fokatoor nen a kayit a tore, soo juq le na xa qoor axe ten a yurdooxiid ne a naf ndaxar biiñ a yurdooraa, ne a naf ndun a ƥoorooraa.

A kim a tedu ke 114:7

Lanq ke, sendyo mbaambir no Yaal oxe, mbaambir Roog fee Yakoob,

Mace 27:51

Na waxtu faaga, mbaƴ naa fegit’eena o mbiñ o tedu nqaa no Mbind Roog naa a naagta faceet took boo a sipoox a lanq. Lanq ke a yo’nooxa, soo a ƥil ake a qaacoox.

Amos 5:8

An saku xa Kulook axe fo Ndaalaand ne? Kaam ee, an saku xa qoor axeene? An na suttaa mbeet no niɓaan, ñaal ta dugandtin o yeng, a fokat poofi ke no maag ole, soo a picit a den took lanq ke? Mee ndax ten ne’e o Yaal oxe!

Yowel 2:2

Kaa ref ñaal o niɓaan fo a sisaaƥ, ñaal a eel fo a kuy. Xeet fee mayna bo too a jeg doole kaa garaa nen mbeet naa na leeliidaa took xa coong axe. Kaa nandna neene mosee o jeg, too moskatee o jeg muk no suk ke na ngaraa.

Mbeeñil 20:11

Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.

Mbeeñil 9:2

Maaga, o xoor ole a weta a ngas fiɗel alaa, too fo suun olaa nandna nen fo suun ndoxand a sutoorta teen boo a niifaarin njeeƈ ne fo nqeñ ne.

Esayi 5:30

A koom, xan a ŋuuranan nen ŋurŋur le no maag ole. Muu ɗeetoona no saax le, o niɓaan fa naqad doŋ o ga’kaa teen, a eel a ƥaal ɗok a niɓaanin njeeƈ ne.

Yowel 3:4

Boo ñaal maak saɗarnooxu ne no Yaal oxe a helko fo garaa, xan njeeƈ ne a suptoox o niɓaan, soo o nqool onqe a suptoox fo’oy.