Yowel 2:1 - NQAARIIT NE ROOG

¹ Njibinyo a tuluɓ kam Siyoŋ, mbangin a luuƥ took o joong o tedu le Roog. Fat we ngenna no saax le fop a send, yaam ñaal ne no Yaal oxe xe garaa too a matiida sax.

Yowel 2:1 Referans Kwoze

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

Yowel 2:15

Njibinyo a tuluɓ kam Siyoŋ, simit koor soo nqoyit o xet o tedu.

Yowel 1:15

Cey, ndaw ñaal o njom’andaand! Ñaal ne no Yaal oxe a matiida, a ref yaq faa hatiidna no Cegu katil oxe.

Sofoni 3:11

«Wo Yeerusaleem, a koom jegkatiro gaci na pi of ake tooñtaxamoona fop. Xam watin na wo we a magnandax a ɗaaynooraa, too ga’atinooxkatiro muk took o joong o tedu le mi.

Sofoni 1:14

Bes fa maak fee no Yaal oxe a matiida. A matiida, too oxe fadiidaa no ñofu. Bes fee no Yaal oxe xe fangooxaa, soo a salma-koor ake sax a njibin xa paɗax.

Yeremi 5:22

Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

Esayi 66:2

Keene fop o ɓay es fi’un, too neene a sakoortu. Kaa koy, ke haalaxama refu o toroxu xe gooyna, a nan-gilooxaa fa lay es fo diid soo a sendaa.

1 Tesalonik 5:2

Yaam nu andooda xil ee bes fee o Yaal oxe a garkaa, xan a nand nen o kuuɗ o inooxu kam o yeng.

Abjaas 1:15

Ñaal ne o Yaal oxe a hate’kaa qeet ke fop a matiida. A koom, xan o fi’el leng kut ke fi’oona lakas we, nomtel paaxeer ke fi’oona.

Amos 3:6

Ndax jiin a waaga o jeg no saax, too tig xewee? Ndax sabab a waaga o xew na teeru, too o Yaal oxe yoonee teen?

Hoose 5:8

«Njibinyo a tuluɓ kam Gibe’a, mbaŋin a luuƥ kam Rama! Njibinyo xa buuq xire kam Bet-Awen! Bensame, woxe daabeel de!»

Heseki’el 7:12

Hap fee xe garaa, bes fee a matiidaa! Baa o ciijik oxe a felakinoox, baa o ciijikax oxe a ɗomatoox, yaam fuux ɗomu le a biltooxana faan le na teeru fee.

Yeremi 4:5

Yegnityo kam Yudaa, lambin kam Yeerusaleem, luuƥ kam saax le, njibin xa buuq, lay ee: «Mbokatooryo, i ndet no teeru cegu saŋe ke!»

Saak 5:8

Nuun itam, muñityo naaga, saƭik, yaam bes fee o Yaal oxe a nomtooxiidkaa a mata.

Filip 2:12

Fog es we fexuuma, naa nu moofu kaa nu nananaam. Ten taxu, kaa nu mbar o ƭofit o ñoow nuun no ngim a duuf, nu ngebooxin fo a qalaat fo o saɗar a Roog. Keene koy, baa ref soom yaa nu mbaagaxama o ndoon a ngid. Kaa nu mbar o moƴ o njofnoox teen ndiiki fee goƭuuma a nuun,

Sofoni 1:16

bes faa a tuluɓ ake fo xa buuq xire a njibankaa teeru cegu saŋe ke fo taax-took koƭu took ke.

Amos 8:2

soo a layaam ee: «Amos, xar ga’o?» Um doonin ee: «A ƭamba laa yipna xa tim xa pooru.» O Yaal oxe a layaxam ee: «A saxad ale mi took Isra’el fee xeet es a fadiida de, yaam a baasan es fo ten a faafa.

Hoose 8:1

O Yaal oxe kaa tee: «Jibni a tuluɓ ale! O njakad onqey yaaraa took Mbind es nen a canjiik, yaam xeet es kaa ƭeg ngiɓoor es, a mbañ a cangin es.

Heseki’el 33:3

o koor oxeene a ga’angaa xire a garaa took saax le, fat a jibin a luuƥ, a maƭoox xeet fee.

Heseki’el 12:23

Layi a den boog ee: Keeke o Yaal oxe na refkaa boo faw a layu: Xam ñuf oleene feƭit, o don ne’katiran muk kam Isra’el. Layi a den kañ ee: Ñaal ke a matiida, kaa peeñil ke fop a mbadnooxkaa.

Heseki’el 7:10

Ñaal ne xey! Oxey a garaa! Wo yoqte. Kañaan ne a fiɗa, o nga’atinax onqe xe gañ.

Dañel 9:20

«Maad’aam o xeɗaa, weejlaa pakaad es fo ke na Isra’el fee xeet es soo diisaa o Yaal oxe Roog es kaa farna no joong o tedu le ten.

Dañel 9:16

O Yaal oxe, naa moofo a pi of kaa njof. Ngela ɓoosdandi fuux of fo ngañak of, mandaxin xeeñ of na Yeerusaleem fee teeru of, o joong o tedu le wo, yaam pakaad in fo tooñ ke no daan in taxu boo we mbidna a in fop a nqeef a Yeerusaleem fa xeet fee wo.

Dañel 6:26

Maaga, o maad Daryus a binda wiin we no qeet ke fop fo na saax ake fop fo no lak ke fop, ngenna na adna fee yee: «Yaasam Roog a ci a nuun jam!

Heseki’el 33:6

Kaa koy, o yeeyetax oxe a ga’angaa xire a garaa too jibnee a luuƥ, xeet fee a maƭooxangaand boo xire a gar a ñaam o leng na den, oxeene xan a xon yaam tooñ um, ndaa xam laamit o yeeyetax oxe fo’oy um.

Yeremi 16:10

O yegnangaa xeet fene keene fop, xeƈa xan a laamtong ee: ‹Xar taxu o Yaal oxe a maƭoox a in taamaala fa maak feene fop? Xar refu tooñ in fa bakaad in boog i mbakaaditna no Yaal oxe Roog in?›

Yeremi 16:7

We na ñaawooxaa ndoxkaand, too we ñakna a faap den mbaat ya den ci’kaand a yer. O leng yaalkee a den.

Esayi 66:5

Nan-gilooxyo ke o Yaal oxe a layna, nuun we na sendaa yaam diid yaa nu ndaawna fa lay um: «Fog nuun we sibna a nuun soo a ndaxaa a nuun yaam gon es kaa nqaadnoortaa a nuun ee: ‹Fat o Yaal oxe a lalit o ndam um, too yaaga xan i nga o ɗaay nuun!› Ndaa kañ, den o mat na neewandkeel.»

Esayi 2:12

Bes fee no Yaal oxe Hupna fop xan a dal took fop ke magnandooxna fo ke ga’atinooxna, a fudin fop ke yoɗooxna.

A kim a tedu ke 119:120

Cer es kaa sendaa, yaam o diidlandaam, um saɗar kate of.

A kim a tedu ke 87:1

A kim a tedu laa fogna na ke no Kookoora we yoo. A kim oo. O Yaal oxe a sinja teeru fee ten took xa coong xa tedu.

A lim ale 10:3

Boo a luuƥ a ƭak akeene a njibnandooreena, fat fop a mbokatoor paam of, no ndokand ne no Ƭiif ne um xetteel, mi o Yaal oxe.

Sakari 8:3

Xam nomtoox Siyoŋ, gen a ndeer Yeerusaleem. Yeerusaleem xan a xoyateel ‹Teeru fa ngore’u fee›, soo o joong ole mi a xoyeel ‹o Joong o tedu le›. Mi o Yaal oxe Hupna fop layun.

1 Caloori ke 15:28

Ii-isra’el we fop a ƥisiida arka ne no ngiɓoor ne no Yaal oxe kam Yeerusaleem, a yoonandtin xa soroxole fo a seeluumb fo a luuƥ fo mbak ne na qiin ake fo fo nqilimb ne fo a tiiti ke.

1 Korint 14:8

A soƥangaa yee famb xire laa ŋaayin ne a fudooxna yoo, an na nankaa tig boo a inooxanaa xire?

Mbeeñil 6:17

yaam bes fa maak fee da nqawkaa a in a fadiida, too an na waagkan o haŋ?»

A sutax ale 10:14

Tooroog ke a ndoka kam saax le Misira fop, a ñipoox muu refna. Kaa may’u bo ta hup. Kaa nandna neene mosee o jeg too moskatee o jeg.

Heseki’el 30:3

Bes fee a matiida, bes fee no Yaal oxe a matiida. Bes a eel a refkaa, waxtu fee no qeet ke.

Yowel 2:11

O Yaal oxe xe fangnaa o ñuxur um mbaambir xiixire um. A yaj um kaa magin lool, we na mbadnaa fa lay um a njeg doole. Ñaal ne no Yaal oxe kaa magin too a saɗarnoox. Ndi, an na waagkan o haŋ?

Amos 5:18

Ndaw sabab took nuun, nuun we na tayaa bes fee no Yaal oxe! Xar nu cungtan, ye ta refeerna bes a qoolaand, ndax a ref bes o niɓaan?

Sakari 14:1

Wo Yeerusaleem, bes fee no Yaal oxe xe garaa, too a koom, xan o jangalel, kalal ke wo a lasritel a ndeer of.

A lim ale 10:2

«Xawni a luuƥ a ƭak xaaliis. Den na mbugko nqoyteel mbokatax ne, soo a yegnaa a yaj a pogreer ake yee a tet a fada.

Esayi 13:6

Ƭomatooxyo, yaam ñaal ne no Yaal oxe a matiida. Oxe garaa, a ref yaq faa hatiidna no Cegu katil oxe.

Esayi 13:9

Ñaal ne no Yaal oxe ney garaa, a ñak yirmande, a ƴaxooxaa, soo fuux um a raaɓaa. Xan a yaq lanq ke bo da mbes a pec, a saŋik baabakaad we ngenna teen.

Heseki’el 21:12

Maaga, yaa da laamitkang ee: ‹Xar o iinaa?› Fat o doon a den ee: Kaam daaw o nan o feleer olaa na taxkaa nof ke fop a mboof, xa ƥay axe fop a yaar, a yiif ake fop a njaq, kuɓay ke fop a nand fa foofi. Oxe garaa too xan a fadnoox. Mi o Yaal oxe na refkaa boo faw layun.»

Sofoni 1:7

Naangyo cuxus mbaambir no Yaal oxe na refkaa boo faw, yaam bes fee no Yaal oxe a matiida. A jaganda sadax, a tedland we ta xurna.