Yowel 1:7 - NQAARIIT NE ROOG

⁷ A mbiitna a ƭing taxar biiñ ale mi boo ta fes a pec, tun ke mi, da yaq a den pic. Kaa ŋereñ a den, a mbereƴ a den, boo a nqaƴat meen xa car xa tan xa ƥor.

Yowel 1:7 Referans Kwoze

Amos 4:9

Xawtaam a nuun xa ƥuus fo xa qomb, tooroog ke a yen na xa qol nuun fo na ƭing nuun, ndaa dara teen taxee nu naang cook nomtooxiid me mi. Mi o Yaal oxe layun.

Esayi 5:6

Xam xaƴin ta ñar. Calaskataand mbaat ta xooxel, tomb fo takar-ñiig xan a saxik teen, too xam xañit a eel ake da ndeɓ took um.

Yowel 1:12

Taxar biiñ ke a mbeera, tun ke a leeƥ, taxar goronaad ke fo tandarma ke fo taxar pom ke itam neen. Taxar tiirim ke fop kaa naang ŋayam, o ɗaay oluu refna a ñuf ɗuƭ a ndeer no wiin we.

Habakuk 3:17

Ndun ne fiɗkatee, ndaxar biiñ ne rimkatee tus, xa tim ndaxar oliiw a ñak, xa qol axe mbatkatee ñaamel, paal ke fo pambe ke a mooc na ked ake, too naak njegkatee na xa siir axe.

Hoose 2:12

Ndiiki koy, xam wolin ƭuc na kid na xa pes um, too o leng yaqankiraam o fi’in.

Yeremi 8:13

O Yaal oxe kaa tee: «Xam ɓoor a den, too ndaxar biiñ ne saqkatee o rim o leng, ndun ne jegkatee o run o leng, a naf ake xan a leeƥ. Xam coox a den waa na ñafaƭooxkaa a den.»

Esayi 24:7

Biiñ fa mbelu fee oxe no ñaawax, ndaxar biiñ ne a leeƥaa. Fop we njeg’ina o ɗaay na qeeñ den, owe iinaa.

A kim a tedu ke 105:33

A yaqa taxar biiñ ke den fo tun ke den soo a maaf taxar no jegel ole den.

A sutax ale 10:15

Kaa muur’u lanq ke fop ne da mbodeena, too lanq ke fop kaa ƥalig’atu. Tooroog ke a ñaama daaƭ le fo xa tim axe no taxar ke fop a teƥ ale a xaƴ’ina, too kaa na xuƥaa yoq’atee no taxar ke fo na xa qol axe no saax le Misira fop.

A sutax ale 10:14

Tooroog ke a ndoka kam saax le Misira fop, a ñipoox muu refna. Kaa may’u bo ta hup. Kaa nandna neene mosee o jeg too moskatee o jeg.

Esayi 32:12

Ndiqooxyo no ngang, loolan xa qol xa neepu xe fo taxar biiñ tiirim ke.

Malaki 3:11

Mi o Yaal oxe Hupna fop, kaam ee: Xam xañtan a nuun tooroog ke da yaq duufe nuun mbaat da yaqan a ƭing taxar biiñ ake nuun da ndim.