Yowel 1:2 - NQAARIIT NE ROOG

² Nuun maak we, nan-gilooxaamoo! Nuun fop we ngenna no saax le Yudaa, ndungyo nof nuun! Ndax keeke a mosa xew no ñoow nuun mbaat no ñoow no daan nuun?

Yowel 1:2 Referans Kwoze

Yowel 2:2

Kaa ref ñaal o niɓaan fo a sisaaƥ, ñaal a eel fo a kuy. Xeet fee mayna bo too a jeg doole kaa garaa nen mbeet naa na leeliidaa took xa coong axe. Kaa nandna neene mosee o jeg, too moskatee o jeg muk no suk ke na ngaraa.

Hoose 5:1

Nuun saasadax we, nan-gilooxyo kene! Nuun mbind Isra’el, naangyo tek! Nuun mbind ne no maad oxe, ndungyo nof nuun! Nuun o mat ngel’e o layoor, yaam kaa nu ndeeƭu mbog kam Mispa, mbaal letne took o joong ole Taboor

Yeremi 30:7

Ndaw naqad! Ñaal nene a jaaxɗandta, jegee lakas naa nandna fo ten. Jamaane naqad oo na Yakoob, ndaa xan a muc teen.»

Ke bindeena no xe ne’eena YOB 8:8

Laamti suk ke mbaafna, nan-giloox a paax a cangin ale no daan we.

Mace 24:21

Yaam a koom, xan a jeg coono fa maak faa moseerna o jeg yaa adna godeena ɓaax boo ndiik, too jegkatee nandu neene boo muk.

Mace 13:9

Oxuu jegna nof fat a nan-giloox!»

Mise 3:9

Nuun kelfa ke no mbind Yakoob, nuun gelwaar we no mbind Isra’el, nan-gilooxyo kene: Kaa nu sib o cofel ole, ƭapaa fop ke refna a ƭat.

Mise 3:1

Maaga, layaam ee: Nuun kelfa ke na xa taan axe Yakoob, nuun gelwaar we no mbind Isra’el, nan-gilooxyo! Mee ndax nuun mbaru and ke jofna!

Mise 1:2

Nuun qeet ke fop, nan-gilooxyo! Lanq ke fo ke refna teen, ndungyo nof nuun! O Yaal oxe na refkaa boo faw xan a layoor fa nuun, a inoortiid no Mbind tedu ne ten.

Amos 5:1

«Nuun mbind Isra’el, nan-gilooxyo a ƭomatax es took nuun.

Amos 4:1

Moxolaare ke Samari, naangna suquƈ nen xa pi naak axe Basan, nuun we na ñagadilaa we toroxna, jegeer we nu ngefaa den, soo ngeleeroox, lay gor nuun ee: «Langinyo xa moon axe i yer!»

Amos 3:1

Nuun we xa taan Isra’el, o Yaal oxe a laya yee nu nan-giloox ke ta layna took nuun, nuun we ta sutitna no saax laa Misira.

Yowel 1:14

Simityo koor, nqoyit o xet o tedu. Mbokatyo maak we fo we ngenna no saax le fop kam Mbind ne no Yaal oxe Roog nuun soo ƈufginooxin.

Hoose 4:1

Nuun Ii-isra’el we, nan-gilooxyo fa lay fee no Yaal oxe. O Yaal oxe a jega fa nuun layoor, yaam o damax fa yirmande fo o and a Roog njegee kam saax le.

Dañel 12:1

Malaaka fee a layahinaxam ee: «Na jamaane faaga, xan Mika’el fee refna kelfa fee no malaaka ke a feeñ, ten fee na saytooxaa xeet of. A koom xan a jeg coono fa maak faa moseerna o jeg naa xeet a sosooxu boo ndiik. Maaga, fop we mbogna na xeet of, too a kon den a mbindel no safe le no ñoow ole, xan a muc.

Yeremi 5:21

Nan-gilooxyo kene, nuun xeet fa ƥodaxu too a ñak-yiif. Nu njega a kid, ndaa nu mbaagee a ka, njeg nof, ndaa nu mbaagee o nan.

Esayi 34:1

Nuun a saax ake, matiidyo nan-giloox! Nuun qeet ke, naangyo tek! Fat lanq ke fop a nan-giloox, ten fo ke refna teen fop, adna fa muum fo ke saxna teen fop!

Esayi 7:17

O Yaal oxe xan a hebliid took of fo took xeet of fo took mbind faap of ñaal kaa moseerna o njeg no kaa xotitna na bes faa Efrayim a xaajoorna fa Yudaa. Xan a hebliid o maad oxe Asuur ta dal took of.

A kim a tedu ke 49:1

O yaal a ƭat ale no jeejeek we a xoolne yee a kim a tedu lene kaa fog na ke no Kookoora we.

Ke bindeena no xe ne’eena YOB 21:7

Xar taxu soxodu we a nqaƴel a ñoowaa? Xar taxu da nogoyaa, o sedel den a ɓaatooxaa?

Ke bindeena no xe ne’eena YOB 15:10

No maak waa i nqottu o and ole in, no nogoy waa ngupna a faap of xa yeng.

Ke bindeena no xe ne’eena YOB 12:12

Ndax refee yee nogoy we saqu o and, o jeg-yiif a ref no xuuɗ-o-ñis?»

Mbeeñil 2:7

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, xam ci’in ta ñaam no ndaxar ne no ñoow ole refna kam a ƭing ale Roog.› »