Yowel 1:14 - NQAARIIT NE ROOG

¹⁴ Simityo koor, nqoyit o xet o tedu. Mbokatyo maak we fo we ngenna no saax le fop kam Mbind ne no Yaal oxe Roog nuun soo ƈufginooxin.

Yowel 1:14 Referans Kwoze

Yoona 3:8

Fat wiin we fo cegel ke a nderoox xa saaku. Fat oxuu refna a ƴufginoox a Roog, a fes a cinj a pesoorooƭ a paaxeer um fo a pi a yednu ke ta fi’taa xa ƥay um.

2 Caloori ke 20:13

Yuuyudaa we fop boo no rew we fo xa caaƈ axe kaa ngeenoox’u mbaambir no Yaal oxe.

A paɗax ale 23:36

Ñaal nuu refna, fat nu ƥoxotaxam sadax kaa ndoxeena boo ñaal ɓetuu ƭik. No ñaal ɓetuu ndadkandeer ne, fat nu njeg o xet o tedu, too fat nu ƥoxotaam sadax toxel. Keene na refkaa a beg ale na xew fee, too nu njalkee teen dara.

Nehemi 8:18

No ñaal oo ñaal, no ke xotitna no ñaal eetaand ne boo no ñaal mbalakaand ne, Esdaraas a jangooga kam safe le no kebil ke Roog. Xew fee a roofande boo ñaal ɓetuu ƭik, soo no ñaal ɓetuu ndadkandeer ne ta wegtel mbokatax, ne ta dalniteena.

2 Maad we 10:20

Yehu a hebla yee: «Nqoyityo mbokatax tedu naa na fi’ankeel a Baal.» A ndalfooxaan o nqoyit.

Esteer 4:16

«Reti o fokat Yaawuur we ndefna kam Suusaan fop, nu ngoor yaam o sagu es. Ba nu ñaam too ba nu yer boo ñaal tadik fo xa yeng den. Mi fo jeefeer we mi xan i ngoor soo um sogkaa o ret maa no maad oxe, ke bargal ke a ci’teeruuna fop oo. Um naagangaa xonkaa rek, um xon.»

Yeremi 36:9

Keene xe xew’a no hiid o ɓetkandeer ole no maat Yoyakim fee o ƥiy Yosiya, too a ref o maad Yudaa, no nqool o ɓetuu nahkandeer onqe. Fop we ngenna Yeerusaleem fo fop we ngenna no teeru ke Yudaa kaa nqoy’el no Mbind ne no Yaal oxe, ndax da ngoor mbaambir no Yaal oxe.

Yowel 1:2

Nuun maak we, nan-gilooxaamoo! Nuun fop we ngenna no saax le Yudaa, ndungyo nof nuun! Ndax keeke a mosa xew no ñoow nuun mbaat no ñoow no daan nuun?

Yoona 3:5

A koom sax, we ngenna na teeru faaga fop, a ngimu na Roog. A lambna yee koor a wara o jeg. Oxuu refna, a xotit no wiin maak we boo no fo mboƭomsogor ne, a deroox o saaku, ndax ta lalit ee a ricooxa.

Sofoni 2:1

Nuun xeet fee naangeerna sedaa, ƭeetaqinyo a qoox nuun, ƥek a yiif nuun na adna,

Yeremi 14:2

«Xeet fee Yudaa kaa naqadiloox, teeru ke ten ee yereng, we ngenna teen a ngooy, a moof a lanq. O wuuq ƭomatax a yoɗoora Yeerusaleem.