Yowel 1:13 - NQAARIIT NE ROOG

¹³ Nuun saasadax we, nderooxyo xa saaku too naqadiloox! Nuun we saqna calel ke no sadaxand ole, ƭomatooxyo! Ngaryo mbe fo xa saaku xe, nuun we na njalanaa a Roog es, yaam sadax tuufe-duufe fa sadax biiñ ƥisiidataand no Mbind ne na Roog nuun.

Yowel 1:13 Referans Kwoze

Yeremi 4:8

Ten taxu, nderooxyo xa saaku, ƭomatoox soo iin, yaam fuux ɗomu le no Yaal oxe waasee a in.

Yowel 2:17

Fat saasadax we na njalanaa o Yaal oxe a lool kam Mbind Roog ne ndeer begax ne fo o sadaxand ole soo a nqeɗooxin ee: «O Yaal oxe, wuusi a in, in we xeet of! Ba o ci a in gaci, boo a tax qeet lakas ke a nqaadnooxaa a in. Xar na taxkaa ta layeel a ndeer a saax ake yee: ‹Taa Roog den?› »

Heseki’el 7:18

Xan a nderoox xa saaku, soo diid a dam a den. Xan mukit ke fop a seeƈaar, a qoox ake den fop a ƥuurel.

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

1 Maad we 21:27

Ye Ahab a nanna fa lay fee Eliya, a dalfooxa o faar tikoorik um, a deroox o saaku soo a ref no koor. O saaku leene a wondoortoogu sax, too a ñaaƈ ale ten kaa niid’atu.

2 Korint 11:23

Ndax kaa ndef jaajal Kiristaa? Um lay a nuun ƭof boog, yaam mi moƴun o ref a den. Kaam moƴ o jal a den, moƴ o ɓekel a den kaso, moƴ o xawel, boo kaam gen’u sax no ñaaƴaa took a semb es.

2 Korint 6:4

Kaa jolna keene, kaa i laltaa no fop ee dag Roog i ndefu. Kaa i ndoxondooxaa fo o muñ coono ke fo naqad ke fo a yogorlax ake.

2 Korint 3:6

Roog waagnooru a in, i ndef jaajal no ngiɓoor nqas ne, reefeerna no kebil ke mbindeena ndaa no Yiif Tedu le. Kebil ke mbindeena kaa mbarnooraa, ndaa Yiif le o mat kaa ci’taa o ñoow.

1 Korint 9:13

Ndax kaa a yiif nuun a naax ee we na ndagooxaa a Roog kam Mbind Roog ne fop, teen a ñoowtaa, we payna no sadaxand ole a ñoowtaa ke ɓoxotiideena no sadaxand ole?

1 Korint 4:1

A soƥangaa yee neene tige a saxtu koy, kaa nu mbar o ƭeet a in nen dag Kiristaa waa ndoxneena o ndaawnaa lakas we kunpa ke ndefna na Roog.

Esayi 61:6

Xan nu nqoyeel saasadax no Yaal oxe soo ne’el jaajal we Roog in. Xan nu ñoowtaa kalal ke na saax ake soo nqaaƴoor o ndam den.

2 Sami’el 12:16

Dawid a xeɗooxana o goor ole a Roog. A refa no hooraa, too a mbanuu ta xaad’ina no mbind um, no dung o ɓor ole a fe’oogu.

A lim ale 29:6

Sadax keene fop mbogirkee fa sadax fa ndoxel fee na fi’eel bes fuu refna fo sadax toxel ke na mbi’eel na bat ale no nqool onquu refna, a yoonandteel sadax tuufe-duufe ke fa fee na biiñ fee. Sadax toxel keene xan a mbel tuñ bo no Yaal oxe.»

Mbeeñil 11:3

Xam luliid seede ɗik we mi da njo’tanaxam, a ñaawoor xa saaku boo ñaal juni fo ñaal teemeed ƭik fo ñaal qarɓeen ɓetuu fa leng.»

Esayi 22:12

A koom, o Yaal oxe na refkaa boo faw Hupna fop kaa sim’u a nuun nu lool, ƭomatoox, nduusoox soo nderoox xa saaku,

Heseki’el 21:12

Maaga, yaa da laamitkang ee: ‹Xar o iinaa?› Fat o doon a den ee: Kaam daaw o nan o feleer olaa na taxkaa nof ke fop a mboof, xa ƥay axe fop a yaar, a yiif ake fop a njaq, kuɓay ke fop a nand fa foofi. Oxe garaa too xan a fadnoox. Mi o Yaal oxe na refkaa boo faw layun.»

Hoose 9:5

Xar nu mbi’kaa na bes fee no ndoofeen ne, na bes fee na xew fee no Yaal oxe?

Yowel 2:14

Xeƈa xan o Yaal oxe Roog nuun a supit a qalaat soo a barke duufe le nuun. Maaga, xan nu mbaagahinin o ƥisiid sadax tuufe-duufe fa sadax biiñ.

A lim ale 28:4

O mbaal o leng onqe fat a ɓoxoteel nqes, soo o lakas onqe a ɓoxoteel na kid-a-caɓru.

A lim ale 28:7

O mbaal onqe na ɓoxoteel nqes ne, fat a yoonandteel o liitar fa genwal biiñ fa nqaaɗu, a ɓoxoteel o Yaal oxe kam o Mbiñ o tedu nqe.

A lim ale 28:14

Njegel nuu refna fat a yoonandtel itam sadax biiñ: nqoox nuu refna xa liitar xa tadaq, suk mbaal le xa liitar xa ƭaq, soo o njuk mbaal onquu refna o liitar fa genwal. Keene ndefu sadax ke na mbugko ƥoxoteel na bat ale no nqool onquu refna no hiid ole.

Heseki’el 27:31

Xan a nqanqoox no ƭuf yaam wo, a nderoox xa saaku. Xan a loolong boo kam den a fag tak, a ƭomatooxong.

Yowel 2:12

O Yaal oxe kaa tee: «Nomtooxiidyo me mi na qeeñ nuun fop, yaam a waagooxa boo fa ndiik. Ngooryo, lool soo ƭomatoox.»