Yowel 1:12 - NQAARIIT NE ROOG

¹² Taxar biiñ ke a mbeera, tun ke a leeƥ, taxar goronaad ke fo tandarma ke fo taxar pom ke itam neen. Taxar tiirim ke fop kaa naang ŋayam, o ɗaay oluu refna a ñuf ɗuƭ a ndeer no wiin we.

Yowel 1:12 Referans Kwoze

Esayi 24:11

A coytax oxe jibaa no ped ke yaam biiñ fee dangna, o ɗaay ee mes, o mbelakinax onqe a raxel saax le.

Esayi 16:10

O ɗaay fo o mbelakinax a ñufa na ƭing ake nuun, too a kim fo o mbelakinax nantataand na ƭing taxar biiñ ake nuun. O niinir o leng nootatee xa biiñ axe na xa nirir axe, too xa ƈeel axe a ndiima.

Yowel 1:16

Ñaamel ke a njaɓe na kid in, o ɗaay fo o mbelakinax a suudel no Mbind ne na Roog in.

Yowel 1:10

Xa qol axe kaa mbiitnel, lanq ke a naqadiloox, yaam bele jegatee, o ngoon onqe na xa tim biiñ axe ga’ataand, diwliin ne’aand.

A kim ale na kim ake 2:3

Nen ndaxar ndiirim ndeer taxar koor ke no suungaan le neene oxe buguuma bug a nandu ndeer mbes ke. Yaawaam o moof no yook um, too o rim um kaa fel no don es bo.

Safe le no tuleer AGE 2:19

Ndax ax a maada njegaa kam tap ke? Ndaxar biiñ ne sax fo ndun ne fo ndaxar goronaad ne fo ndaxar oliiw ne mbatee tus. Kaa koy, no ke xotitna xaye xam fudin barke es took nuun.»

Yeremi 48:33

O ɗaay fo o mbelakinax a ñufa na ƭing ake fo no saax le Mowaab. Jegatee biiñ na xa nirir axe, duuduut we nduutatee xa biiñ axe. Xa ƈeel axe den a ndiima.

Yeremi 48:3

O wuuq a nannoorta Horonayim, yaq fo boom na xewaa maaga.

Esayi 9:3

Yaam kadoor ke da ngadneena fo o cap ole da nqawteel no ndiiñ fo o samb ole no xe na ñaatlandaa a den, xan o yaq a den, nen a koom alaa fo ñaal naa Majan.

A kim ale na kim ake 4:13

Kaa o ref a ƭing taxar goronaad alaa mayna fo xa tim axaa mbelna lool fo fudand fo naar,

A kim a tedu ke 92:12

Kaam fuudaa fañ es we maafeena, nof es a nanaa xa paɗax no soxodu we songiid’axama.

A kim a tedu ke 4:7

Jaaku owe ndamtin ee: «Ndi an na ɗaaynoorkaa a in?» O Yaal oxe, fi’i ndax a qoolaand ale na mukit of a naag dañ took in.

A lim ale 13:23

A mbadiida na yulanq alaa no Tuunq biiñ kaa, a ƥolit maaga a naaq alaa saqna tuunq xa biiñ. A naaq aleene koy, kaa juux’el a teex, soo ɗik a ngadooxin. A mbaaƭa itam xa goronaad fo xa tun.

Esayi 24:7

Biiñ fa mbelu fee oxe no ñaawax, ndaxar biiñ ne a leeƥaa. Fop we njeg’ina o ɗaay na qeeñ den, owe iinaa.

Yoona 4:7

Kaa koy, no feet olaa, yaa a kid akaa a nqooliidaa, Roog a hebliida ngusax ta ŋereñ mbatarpooli ne, too a weera.

Malaki 3:11

Mi o Yaal oxe Hupna fop, kaam ee: Xam xañtan a nuun tooroog ke da yaq duufe nuun mbaat da yaqan a ƭing taxar biiñ ake nuun da ndim.