Yoona 4:6 - NQAARIIT NE ROOG

⁶ O Yaal oxe Roog a saxna mbatarpooli ta yooroox a Yoona, a yookan, too a ɓoosdand fuux um. Yoona a ɗaay’a lool no mbatarpooli naaga.

Yoona 4:6 Referans Kwoze

1 Korint 7:30

we ndefna na xa kooniit, a mbi nen looleer, we njegeerna baneex, a mbi nen waa na mbelakinooxaa, we na njikaa a mbi nen jegeer,

YEGIL MBAAX NE YEESU ne Lik a bindtuuna 10:20

Ndiiki boog, ba nu mbelakinoox yaam ne cini ke a nananaa a nuun, ndaa mbelakinooxyo yaam ne a kon nuun a mbindeena na asamaan.»

Esayi 39:2

Hiskiya a dalna waa luliid’eena, soo a lal a den o mbiñ onqe tikoorik cegu njiriiñ ke ndefna xaaliis fee fa wurus fee fo pelu tuñ ke fa diwliin fa njafeñu fee a ngeek’eena. A lala a den itam ngeekand ne no ƥonax ke ten fo ke reeƭna no tap ke ten fop. Ɗasin’ee a den dara, ta ref no mbind um mbaat no maat um boo ta xet.

Esteer 5:9

Na bes faaga, yaa Haamaan a inooraa no mbumbaay naa Esteer, a sawar’a bo, kam um a may muut fo o ɗaay. Kaa koy, ye ta ga’na a Mordokay no mbind no maad ne, too oxeene inoox’ee geenoox too ci’iran cer leng, Haamaan a dalfooxaan o fuuxan fuux maak.

Amos 6:13

Kaa nu mbelakinooxan cegeer, soo layaa yee: ‹Ke i njegna, ndax kaa i ndaawtiran no onj in fa doole in?›

Xa peƭit axe 23:5

A kid of a ngaanangaa teen, ta naag mes, yaam halal o mat kaa saxaa a nafir, a yet fir farna fa asamaan nen a canjiik.

Yoona 4:5

Yoona a sutooxa teeru faa, a moof no batand naa Niniif. Maaga, a geenna ƭiif, a moof no yook naa, a cungaa o ga ke na xewkaa kam teeru fee.

Yoona 4:7

Kaa koy, no feet olaa, yaa a kid akaa a nqooliidaa, Roog a hebliida ngusax ta ŋereñ mbatarpooli ne, too a weera.

Ke bindeena no xe ne’eena YOB 7:2

Kaa nand nen o paɗ oxaa na talaa yook, nen o saadlaand oxaa na cungaa ndabid um.