Yoona 3:5 - NQAARIIT NE ROOG

⁵ A koom sax, we ngenna na teeru faaga fop, a ngimu na Roog. A lambna yee koor a wara o jeg. Oxuu refna, a xotit no wiin maak we boo no fo mboƭomsogor ne, a deroox o saaku, ndax ta lalit ee a ricooxa.

Yoona 3:5 Referans Kwoze

YEGIL MBAAX NE YEESU ne Lik a bindtuuna 11:32

Na bes faa no nqel naa Roog, xan Niininiif we a inoox mbaambir no xeet fene, a soq a den, yaam a mbes’a pakaad den a cinj ye Yoona a waare’na a den. Oxe na layaa fa nuun koy hupu a Yoona.»

Mace 12:41

Na bes faa no nqel naa Roog, xan Niininiif we a inoox mbaambir no xeet fene, a soq a den, yaam a mbes’a pakaad den a cinj ye Yoona a waare’na a den. Oxe na layaa fa nuun koy hupu a Yoona.

Dañel 9:3

Maaga, xeɗaam o Yaal oxe Roog es, ƴufginooxin, yoonandtin koor, deroox o saaku, yipoox ndaw.

Yowel 1:14

Simityo koor, nqoyit o xet o tedu. Mbokatyo maak we fo we ngenna no saax le fop kam Mbind ne no Yaal oxe Roog nuun soo ƈufginooxin.

2 Caloori ke 20:3

Diid maak a dama a Yosafat soo ta heboox o waaƭ o Yaal oxe. A yegnita koor kam xeet fee no maat ne Yudaa fop.

Hebre 11:1

O ngim kaa ref ke na woornaa o kiin yaakaar ne ta jegna, a andnooran itam ee ke jegna too ga’iran ndigil kak oo.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

A pi ake 27:25

Ten taxu nuun qaariit es, saƭakinooxyo, yaam jegaam yaakaar na Roog ee xan a jegit ne layteema o ten.

A pi ake 8:10

No ke xotitna no mboƥ ne boo no maak we, kaa mbuudoogun, a layaa yee: «Oxeeke refu katil fee Roog na xoyeel Katil fa Maak.»

Yeremi 42:8

Maaga, Yeremi a xoya a Yohanan fee o ƥiy Kare’a fo aa-adax we no xiixire we fop yoonna fo ten fo wiin we ndeeƭna maaga fop, a xotit no xe moƴna o neew boo no xe moƴna o maak.

Yeremi 42:1

Aa-adax we no xiixire we fop, moƴtaa sax Yohanan fee o ƥiy Kare’a fa Asariya fee o ƥiy Hosaya, fo wiin we ndeeƭna maaga fop, a xotit no xe moƴna o neew boo no xe moƴna o maak, a ngara

Yeremi 36:9

Keene xe xew’a no hiid o ɓetkandeer ole no maat Yoyakim fee o ƥiy Yosiya, too a ref o maad Yudaa, no nqool o ɓetuu nahkandeer onqe. Fop we ngenna Yeerusaleem fo fop we ngenna no teeru ke Yudaa kaa nqoy’el no Mbind ne no Yaal oxe, ndax da ngoor mbaambir no Yaal oxe.

Yeremi 31:34

O leng na den soxla’katee o jangnaa gend um mbaat ta layaa fog um ee: ‹Andyo o Yaal oxe!›, yaam fop xan a andaam, no ke xotitna no xe moƴna o neew boo no xe moƴna o maak, yaam xam waasanit tooñ den too wetandooxkatiim pakaad den. Mi o Yaal oxe layun.»

Esdaraas 8:21

Maaga, paam o xuluɓ olaa Ahawa heblitaam koor, ndax i neewandoox mbaambir Roog in, nqeɗin ta ci a in, in fo xa ƥiy in fo o jeg in fop, a ñaaƈ a pelu.

Mbeeñil 11:3

Xam luliid seede ɗik we mi da njo’tanaxam, a ñaawoor xa saaku boo ñaal juni fo ñaal teemeed ƭik fo ñaal qarɓeen ɓetuu fa leng.»

Esteer 4:1

Ye Mordokay a yegna fop ke xew’ina, a faara toki um, a deroox o saaku, a yipoox ndaw no xoox, a widaa kam teeru fee soo a jibnaa xa paɗax.

Yoona 3:7

Maaga, o maad oxe fo we ndeefanuuna a ngeblita ta lambnel kam teeru faa yee: «Wiin we fo cegel ke baa ñaam tus, too baa yer.

A sutax ale 33:6

Yaa Ii-isra’el we a nanna kaaga, a mbola kelax ke da ndokoox’ina. No kaa xotitna no joong olaa Horeb ndokoox’atee kelax leng.

2 Maad we 19:1

Yaa o maad Hiskiya a yegna kaaga, a dalfooxa o faar toki um, a deroox o saaku soo a ret no Mbind naa no Yaal oxe.