Yoona 3:4 - NQAARIIT NE ROOG

⁴ Yoona a ñaaƴa ñaal leng kam teeru faa, a yegnitaa yee: «Ndeer mene fo ñaal qarɓeen nahik, xan Niniif a gefel tuƈ.»

Yoona 3:4 Referans Kwoze

A cangatin ale 18:22

A soƥangaa yee kaa o tuleer a yegin a nuun tig no gon no Yaal oxe, too keene fadnooxee, fat nu and ee nduleer um naaga inooree no Yaal oxe. O nga’atinax um soom taxun o yegnit keene, too ba nu saɗarin.»

Yoona 3:10

Roog a ga’a ne wiin we Niniif a mbesoorna, too a ga’a yee a mbesa a pi a paaxeer ake den a cinj. A ricooxa paaxeer ke ta bug’ina o fi a den, soo a waasan a den.

2 Maad we 20:6

Xam ɓaat no ñoow of xa kiid xarɓaxay fo xa kiid xa ƥetaq. Xam muclong, wo fo we ngenna Yeerusaleem na xa ƥay axe no maad oxe Asuur, too xam saytoox teeru fee yaam mi fo o tag es Dawid.› »

2 Maad we 20:1

Na jamaane faaga, o maad Hiskiya a jira boo a ref ndeer xon fo ñoow. O tuleer Esayi fee o ƥiy Amoc a gara me ten, a layin ee: «O Yaal oxe kaa tee: ‹Regdinooxi mbind of, yaam wodkatiro, ndaa xan o xon.› »

Mace 12:41

Na bes faa no nqel naa Roog, xan Niininiif we a inoox mbaambir no xeet fene, a soq a den, yaam a mbes’a pakaad den a cinj ye Yoona a waare’na a den. Oxe na layaa fa nuun koy hupu a Yoona.

YEGIL MBAAX NE YEESU ne Lik a bindtuuna 11:30

Ne Yoona a refit’ina o anddiloor no Niininiif waa, neene o Ƥeenqe no kiin oxe a refitkaa o anddiloor na xeet fene.

YEGIL MBAAX NE YEESU ne Lik a bindtuuna 11:32

Na bes faa no nqel naa Roog, xan Niininiif we a inoox mbaambir no xeet fene, a soq a den, yaam a mbes’a pakaad den a cinj ye Yoona a waare’na a den. Oxe na layaa fa nuun koy hupu a Yoona.»

Esayi 30:18

Yaag oo toox de, o Yaal oxe kaa cungaa, ndax ta yirim a nuun. Neene, xan a inoox, a jeg o liir na nuun, yaam o Yaal oxe Roog fa njofu a refu. Fop we yaakaaruuna a ƭaaya.

Yeremi 42:10

‹Nu saxangaa tigi no saax lene, xam maxatin a nuun nu ndefat xeet too yaqkatiim a nuun, xam jimb a nuun too fuurkatiim a nuun. Maaga, xam ricoox paaxeer ke fi’uuma a nuun.