Yoona 1:10 - NQAARIIT NE ROOG

¹⁰ Cinj kaaga, Yoona a yegna a den ke xew’ina fo ten. Maamaag we a ndiid’a lool, yaam a and’a yee Yoona kaa ƴufaa mbaambir no Yaal oxe, too a laya a Yoona yee: «Ndi xar taxu o fi keene?

Yoona 1:10 Referans Kwoze

Yoona 1:3

Kaa koy, Yoona a inooxa ndax ta ƴuf Tarsis maa goƭna o Yaal oxe. A reta Yope, too a soƥa maaga a kaal alaa retoogna Tarsis. A rabda njootin ne, a rok na kaal ale, ndax ta yoon fo we ndetoogna Tarsis, maa goƭna o Yaal oxe.

Ke bindeena no xe ne’eena YOB 27:22

A yena took um too yirmiran, ta jeemaa o god o joor, ndax ta woñin.

YEGIL MBAAX NE YEESU ne Saŋ a bindtuuna 19:8

Yaa Pilaat a nanna a ƭelem akeene, a moƴa o diid.

2 Sami’el 24:3

Yowab a doona o maad oxe yee: «Daali maad, yaasam o Yaal oxe Roog of a mayƭand xeet fee boo a caf teemeed na kid of! Kaa koy, wo o maad oxe o yaal es, xar taxu o bug keene?»

Yosuwe 7:25

Yosuwe a laya a Akaan ee: «Wo o mat gartu taamaala fee in! Ndiiki koy, xan o Yaal oxe a doonong taamaala.» Maaga, Ii-isra’el we fop a mbartaan a kac, ten fo wiin um fop soo a ndox a den.

Yoona 1:11

Xar i mbi’kang ndax o maag ole a riim?» Yaam o maag ole kaa moƴ’u o jumbaa rek.

Mberaand 3:13

Maaga, o Yaal oxe Roog a laamta o tew oxe yee: «Xar taxu o fi keene?» O tew oxe a doonaan ee: «Fangool fee mat naxaxam bo um moɗ o rim ole no ndaxar ne.»