Yeremi 9:25 - NQAARIIT NE ROOG

²⁵ ndefna Miimisira we, Yuuyudaa we, Ee-edoom we, Aa-amon we, Moomowaab we fo we ngenna na koƥ-a-ƥor ale, na nduusaa took fee na xa ƭek axe den. Qeet keene fop fo Ii-isra’el we fa qoox den nqucooxee na qeeñ den.»

Yeremi 9:25 Referans Kwoze

Amos 3:2

Kaa tee: «Kaam ɗeet a nuun ndeer qeet adna, jil a nuun. Ten taxu xam xaw a nuun a qaw alaa moƴna o ɗom yaam njofaƭar nuun.»

Heseki’el 28:10

Xan o xon fa nqon fee na qucooxar ake na pexey o ɓay ole no wiin jan we, yaam mi o Yaal oxe na refkaa boo faw layun.»

O leetar ole Pool a bindna GIMU WE NGENNA ROM 2:28

O Yaawuur tigi refee oxe nandna fo ten, nquc tigi itam refee ke waageena o ga no cer ke.

O leetar ole Pool a bindna GIMU WE NGENNA ROM 2:29

O Yaawuur tigi refu oxe refuuna kam um, a xucoox no xeeñ. Nquc neene koy, inooree no ke bindeena kam kebil ke, ndaa kaa refit na pexey Yiif le Roog. Yaawuur tigi neene koy, o ndam um naagee o hataa no wiin we ndaa na Roog.

A paɗax ale 26:41

Pakaad keene o mat tax’u mi itam, um siiknoor fa den soo ɗox a den no saax le no fañ den. Yaa da neewandooxkaa, a njaɓ a qaw ale no tooñ ke den,

1 Sami’el 14:6

Yoonatan a laya o tag oxe saqoogna ƥonax ke ten ee: «Gariidi i ndet boo no daland olaa na qucooxar akeene. Xeƈa xan o Yaal oxe a farit a in, yaam dara waagiran o yaqan ta ci’it o ndam wiin we maya mayeer.»

1 Sami’el 17:26

Dawid a laamta xiixire waa ndeeƭna paam um ee: «Oxe na warkaa o Fiifilista xene, ndax ta watin o nqas onqe ta xasaa Ii-isra’el we xar a daawkaa? Ndi an o Fiifilista qucooxar oxene a foogu yee ten a refu boo a saɗ o wenaa xiixire we Roog fa ñoow jok fee?»

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

Heseki’el 31:18

Ndi an waag’ee o nandandit no ndam fo o magnel a ndeer taxar ke Edeen? Xan o fudnandoorel fo taxar ke Edeen kam xooɗ-ee-xooɗ le no lanq ke. Xan o wondoox a ndeer a qucooxar ake fo we laƥ a ñaamna. Keene na dalkaa a Firawon fee fa xeet fa mayu um. Mi o Yaal oxe na refkaa boo faw layun.»

A paɗax ale 19:27

Nu nqaƴkee dup no xoox nuun, too nu nduuskee itam xa lak axe no raatam nuun,

Yeremi 25:23

– we ngenna Dedaan, Teema, Buus fo we na nduusaa took fee na xa ƭek axe den,

Yeremi 49:32

Keeleemb den xan a ngindrel, xa siir xa mayaan axe den a lasrel. Xam feesit a den qeñ ke fop, den we na nduusaa took fee na xa ƭek axe den. Xam ɓisiid taamaala took den, ta inoor o saax oo saax. Mi o Yaal oxe layun.

Heseki’el 44:7

Nu ƥeka kam Mbind ne mi xa kataakoon axaa nqucooxeerna na qeeñ den, nqucooxee no cer den, ndax nu maasand Mbind ne mi. Ye nu ƥoxotaxam ñaamel es, neebam fee fo fo’oy le no sadax ke, nu ƭega ngiɓoor ne mi na pexey a pi a cednooxu ke nuun fop.