Yeremi 9:23 - NQAARIIT NE ROOG

²³ Kaa koy, fat oxe bugna o fakoox, a fakoorit kene: O jeg-yiif fo o andaam, yaam mi refu o Yaal oxe na fesoortaa o paaxel, a ƭat fo o cofel took lanq ke. Keene soom felaxam.» O Yaal oxe layun.

Yeremi 9:23 Referans Kwoze

Esayi 5:21

Ndaw naqad took no we na ƭeetaa a qoox den nen waa njegna o and, soo a mbi’ooxaa jegu yiif.

O baawaare xe 9:11

Ga’ahinaam took lanq ke yee moƴ o ñof taxee daɗ no ndaƭatir, moƴ o ref o qir o say taxee rax na xire, jeg yiif itam taxee o jeg ñaamel, o ƴiƴ taxee o jeg halal, too jeg o and taxee niwel, yaam fop, pelu fo peƭaru na ndalaa a den.

O leetar ole Pool a bindna GIMU WE NGENNA ROM 1:22

Kaa mbi’ooxaa yaal o and, too a ndef ɗof say.

Heseki’el 7:19

Xan a ndeɓ xaaliis den no ped ke, soo wurus den a refat ƭaaq. Xaaliis fa wurus mbaagkee o mucil a den no ñaal ne no fuux le no Yaal oxe. Mbaagkee o safin a peep den, mayƭand o fud den ne’aand, yaam kaa ndef ɓil le na tolofnooraa a den, took o ngar fo tooñ den.

Xa peƭit axe 11:4

Na bes fee no fuux le Roog halal fee ɗaxkee tus, o cofel ole mat kaa wataa na fa nqon.

A kim a tedu ke 62:10

A woora yee xa ƥiy Aadama nqeñ doŋ a ndefu, xa ƥiy no kiin a ndef cegeer. Den fop a meɗnooxange, a moƴ o yelef nqeñ ne.

A cangatin ale 8:17

Ba nu lay taa kam nuun boog ee doole nuun fo o saƭkel xa ƥay nuun ci’u a nuun halal feene.

1 Timote 6:10

No fex xaaliis, paaxeer kuu ndefna a ngataa. A jega koy waa andoona yee owaa njegan, a ngoƭ o ngim onqe, soo a yenan a qoox den no coono kaa o leng a saɗeerna o ga.

Mark 10:24

Daalbe waa a njaaxiɗ’a na fa lay feene lool. Kaa koy, Yeesu a dakooxa o lay a den ee: «Xa teɓandoong es, o rok no Maat ne Roog a ɗoma lool.

Sofoni 1:18

Xaaliis den mbaat wurus den mbaagkee mucil a den, na bes fee no fuux le no Yaal oxe. Xan fiɗel le no naal ne ten a raaɓ adna fa muum, a saŋik a den ndak fo ndak.

Heseki’el 29:9

Saax le Misira xan a refat o mbiñ o mbootu fo a pec too xan da and ee mi refu o Yaal oxe. Kaa o lay ee: ‹Niil fee mi jegun, mi fi’oodun!›

Esayi 10:8

Kaa lay ee: «Ndax gelwaar we mi mbodree fo maad?

O baawaare xe 2:19

too an andu, ndax o cegu yiif a refkaa mbaat fanxoy? Yaag oo toox de, o ten na hame’kaa ke ŋus-ŋusnuuma fop ɗuga njeeƈ ne, a jiriiñoorit teen o jeg-yiif es! Keene kasaara a refahinu.

1 Sami’el 17:42

Ye ta ga’na a Dawid, a xeef’aan lool, yaam ne Dawid a refna o njaaƈ, a yaxig, soo a mos bo.

Dañel 3:15

Ndiiki koy, xan nu nanahin a luuƥ fo a liit fo simb fo o nqilimb fo riiti fo a seeluumb fo kuu na fakteel a njibaa, too nu nanangaan, ndax xan nu njaɓ o ngung a lanq, mbaɗoox nitaal ne fi’nuuma? Nu mbañangaa, xan nu ndeɓel ndak fo ndak kam fuur faa na kaƥaa jir-jir, too yaaga roog fum na waagkaa o mucil a nuun na xa ƥay es?»

1 Korint 1:31

ndax oxuu na fakooxaa, ta ref no Yaal oxe, ne ta bindteena.

Filip 3:8

Refee keene soom koy. Kaam ɗeetat fop nen kasaara yaam ke moƴna o jeg o njiriiñ no fop, ta ref o and a Kiristaa Yeesu fee o Yaal es, taxna um fes lakas ke fop a cinj. Lakas keene, kaam ɗeetaa a den nen a siind, ndax um waag o jeg a Kiristaa.

Filip 3:10

Neene o mat um anditkaa a Kiristaa fa doole a qontax um, waag o fog no coono um, nandat fo ten nen oxaa xonitna nen o ten,

Ke bindeena no xe ne’eena YOB 32:13

Ba nu lay ee: «O yaal-o-and a refu. Roog soom waagun o ɓur, ndaa refkee o kiin.»

Xa peƭit axe 3:5

Hoolooxi o Yaal oxe no xeeñ of fop, too ba o geƈnoox no jeg-yiif of.

Xa peƭit axe 21:30

O jeg-yiif mbaat o ƴiƴ mbaat a kortax ƭaxee tus, yaa o Yaal oxe a fuuxanoonga.

Esayi 20:5

Maaga, we ƭag’ina yaakaar den na Kuus fo we mbi’’ina a Misira qaaƴoor, xan a ndiid soo a sed.»

Esayi 47:10

Kaa o hooloox’u kañaan of, layaa yee: ‹O leng ga’iraam.› O waag of fo o and of kaa mo’andong soo a ndiñong o lay ee: ‹Mi, jegiim o nand.›

Yeremi 48:7

Wo Mowaab, feek kaa o hooloox a pi of fa halal of, wo itam, xan o naagel nuus. Kemos fee roog of xan a ɓisel gilaa saax took o hup doole, ten fo saasadax um fo gelwaar um.

Yeremi 49:4

Wo Raba, o ndoog o nanaƭaru nqe, xar taxu o xaaƴooraa a yulanq ake wo, ke da neqna fop oo. Kaa o hooloox kalal ke wo, damtin ee: ‹An saɗaxam o songiid?› »

Ke bindeena no xe ne’eena YOB 41:15

Ke mokna no cer um sax kaa saƭik koŋ, a ref nen njelem njawe naa waagaandeena o suurin.

A kim a tedu ke 33:5

O cofel fo a ƭat o Yaal oxe a bugu, too o mbeq um kaa mayƭand lanq ke.

A kim a tedu ke 34:3

Mi, o Yaal oxe um fakoortaa. Neewandooxu we a nanaan soo a mbelakinooxaa teen.

A kim a tedu ke 44:9

Ñaal nuu refna, Roog i mbakoortaa soo simataa o ndam um boo faw. A  maaf

Yeremi 31:34

O leng na den soxla’katee o jangnaa gend um mbaat ta layaa fog um ee: ‹Andyo o Yaal oxe!›, yaam fop xan a andaam, no ke xotitna no xe moƴna o neew boo no xe moƴna o maak, yaam xam waasanit tooñ den too wetandooxkatiim pakaad den. Mi o Yaal oxe layun.»

Yeremi 48:14

Nam nu mbaagu o layit ee: ‹A salma-koor i ndefu fo xir say tigi?›

Mise 6:8

Ha’aa! Woxe kiin, andnooree ke faaxna. Ke o Yaal oxe a bugna na wo refu yee o ñaaƴin a ƭat, fadin o mbeq soo ñaaƴaa fa Roog of kam a neewandax.