Yeremi 9:19 - NQAARIIT NE ROOG

¹⁹ Nuun rew we, nan-gilooxyo boog fa lay fee no Yaal oxe, mbet nof nuun no ke ta layaa! Aqatinyo xa ƥiy xa tew axe nuun a ƭomatax, oxuu refna a jangin o tew o kend um ƭomatax nene:

Yeremi 9:19 Referans Kwoze

Yeremi 4:13

O pañ oxe xey a garaa nen a eel o ufang, a sareet-xire ke ten a nandtaa a und, pis ke ten a moƴ o ñof a canjiik. «Sabab took in, yaam i ngefe tuƈ.»

A cangatin ale 28:29

nu naƥnaa njoloor o mbuc nen yaa ta reeƭna no niɓaan ne o puul a naƥnitaa, too nu ƭaaykee no yuuƥ ke nuun. Xan nu toroxandeel ñaal nuu refna, njangaleel, too o leng ƴufgiidkee a nuun.

Mise 2:10

Inooxyo, ndet, yaam meeke refatee o ñootnooxand! Xan nu njeg xa ƭomel tigi, yaam ne nu nqoolaƭarandna a qoox nuun!»

Mise 2:4

A koom xan nu naxoorteel, ngimaneel a kim a ƭomatax alene yee: «I ngefe tuƈ! Saax le na xeet es a cooxe lakas. A jaɓe na mi, fañ we a nqaajrandel lanq in.»

A ƭomatax ake 5:2

Mbaaxaan in a ƥoxote wiin jan, pind in a cooxel waa i andeerna.

A ƭomatax ake 4:15

Kaa mbalalooxoogel ee: «Ndiƈatooxyo, xoolaƭaru we nu ndefna! Ndiƈatooxyo, ndiƈatooxyo! Ba nu nduq a in muk!» Ye da ƈufaa, a njoqooyooxaa o mbiñ fo mbiñ, kaa layoogel a ndeer qeet lakas ke yee: «Njaɓee moof mene!»

Yeremi 4:20

O njakad took o njakad na yegniteel, yaam saax le fop a fiitne. Ndak fo ndak, ƭiif ke mi a mbayte, o laqooxand ole mi a gaakel ndeer ñaf fo ƭeet.

Yeremi 2:14

«Ndax Isra’el o paɗ o cike a refu, ndi kaa rimel no mbaƭ? Xar taxu ta gefel tuƈ?

A paɗax ale 20:22

Fat nu ngay kebil es fo bargal es fop too ndeef a den, ndax saax le um ɓiskaa a nuun, dalin a nuun maaga, xuqkee a nuun.

A paɗax ale 18:28

Mbootooxyo, yaam ndik um sut a nuun saax le, yaa andoona yee kaa nu nqoolaƭarandin, ne sutit’uuma qeet ke ndef’ina teen yaaga nu ngenafuliran.

A paɗax ale 18:25

Saax le fa xoox um a xoolaƭara yaam den. Xam xaw we ngenna teen yaam njofaƭar den soo sut a den.

Yeremi 7:15

Xam deɓ a nuun maa goƭaxama ne deɓtuuma fog we nuun fop, we mbaqaqoorna na carind ale Efrayim.»

Yeremi 7:19

Kaa koy, mi o Yaal oxe kaam laamtaa: Ndax mi a mbuuxnooraa? A qoox den kañ a mbi’aa, too gaci den a qicaa.»

Yeremi 7:29

Nuun xeet fee Yudaa, nduusyo a biil a ciig ake nuun na laltaa a ƥoxotax nuun no Yaal oxe, ndeɓ a den! Yoɗyo a kim a ƭomatax took xa coong axe naangna halit, yaam o Yaal oxe kaa sib too a deɓ suk ne mbuuxnooruuna.

Yeremi 15:1

O Yaal oxe a layaxam ee: «Moyiis fa Sami’el sax a ngeenoox’angaa mbaambir es, yirimkoogiim xeet feene. Raxi a den da ngoƭaam, fat a ndet!

Esayi 32:9

Nuun rew we yaadooxna, inooxyo, nan-giloox o ñuxur es. Nuun mboƥ ndoog ne yegeerna dara, ndungyo nof nuun na fa lay es.

Heseki’el 27:2

«Wo fee o ƥiy no kiin, ferani a Tiir a kim a mboy!