Yeremi 9:18 - NQAARIIT NE ROOG

¹⁸ Yaam o ñuxur ƭomatax a nannoorta Siyoŋ ee: «Cey, i ngefe tuƈ! I njega gaci fa ƭomu, yaam i mbara o nqaƴ saax le, kenand ke in a mbaytel.»

Yeremi 9:18 Referans Kwoze

Yeremi 14:17

Wo Yeremi fat o lay a den kene: A kid es kaa ngen no nqaaraa fo xa kooniit ñaal fo o yeng, yaam o njakad o maak onqe dalna o njaaƈ o ndoog onqe refna xeet es, ngaañax naa ɗomna tigi.

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

Esayi 22:4

Ten taxu um lay ee: «Mbaasaamoo pelek, nqaƴaamoo um lool boo torox. Ba nu njeemaam o yaal no njakad onqe na dalkaa o njaaƈ o ndoog onqe refna xeet es.»

A ƭomatax ake 2:18

Saŋe ne Siyoŋ, falalooxi farna fo o Yaal oxe! Fat xa kooniit of a nqaar nen a ƈufnand ñaal fo o yeng! Ba o ɓutnoox sen, too ba a kid of a mbeer!

A ƭomatax ake 2:11

A kid es kaa nqooɗat yaam xa lool, laaw ke mi a mbaƴaa kam es, o soylaar es a ɓaxooxaa a lanq, yaam o njakad onqe dalna xeet es, fo xa caaƈ axe fo bax ke na patooxaa no ped ke na teeru fee.

A ƭomatax ake 1:2

Kaa loolaa o yeng ole fop, xa ƭek um a nqaaraa fo xa kooniit. No we mbex’uuna fop, jegee oxaa yaaluuna, qaariit ke ten fop a ngodaan, a ndefat fañ um.

Yeremi 13:17

Nu nan-gilooxangee kene, xam lool na pet, yaam a magnandax ale nuun. Xam yuurin xa kooniit, a kid es a nqaaraa fo xa kooniit, yaam xan o siir ole no Yaal oxe a ɓisel took o hup doole.

Yeremi 9:20

«Fa nqon fee a ŋaaytiida na xa palangteer axe in, a rok kam pind mosu ke in, a saŋkaa xa teɓandoong axe no ped ke fo mbes ke no paayo ke.»

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Yeremi 6:26

O Yaal oxe a laya yee: «Nuun xeet es, nderooxyo xa saaku, mbirkiloox kam ndaw. Ñaawooxyo nen oxaa na ñaawooxaa o ƥeem o ngoor o leng kut, ƭomatoox boo nqij, yaam o yaayaq oxe xe garaa a bet a in.»

YEGIL MBAAX NE YEESU ne Lik a bindtuuna 19:41

Yaa Yeesu a faambnooxna teeru faa boo a ga’in, a loolooxaan, a lay ee:

A kim a tedu ke 119:136

A kid es kaa nqaaraa fo xa kooniit, yaam ne a cangin of a reefaandeena.

Yeremi 7:29

Nuun xeet fee Yudaa, nduusyo a biil a ciig ake nuun na laltaa a ƥoxotax nuun no Yaal oxe, ndeɓ a den! Yoɗyo a kim a ƭomatax took xa coong axe naangna halit, yaam o Yaal oxe kaa sib too a deɓ suk ne mbuuxnooruuna.

A ƭomatax ake 3:48

A kid es kaa nqaarnaa a ƈufnand xa kooniit yaam o njakad onqe dalna xeet es, o ndoog onqe.

Amos 5:16

Ten taxu, keeke o Yaal oxe Roog fee Hupna fop refna o Yaal es a layu: «Xan xa paɗax a njibit muu refna, a coytax a refat simnir. Xan o qooxoox sax a xurel, a geƈ helaar um, a xaaraandik, we a coytax a refna calel den a simel xa paɗax.

Yeremi 3:24

No ke xotitna no ndeƥandoong in, a paɗax a sednooxu le Baal a ruudna ke daan in a onj’ina: cegel teɓ ke fo maak ke den, xa ƥiy xa koor axe fo xa tew axe den.

Yeremi 3:25

Fat i mbondoor gaci in, o niwaƭarel a hul a in, yaam kaa i tooñ o Yaal oxe Roog in, in fo daan in, no kaa xotitna no ndeƥandoong in boo no ñaal nene. I nan-giloox’ee o ñuxur no Yaal oxe Roog in!»

Yeremi 4:20

O njakad took o njakad na yegniteel, yaam saax le fop a fiitne. Ndak fo ndak, ƭiif ke mi a mbayte, o laqooxand ole mi a gaakel ndeer ñaf fo ƭeet.

A ƭomatax ake 2:13

Xar waroong o lay? Ndi xar um nandanditkang, wo Yeerusaleem, o ndoog onqe? An um ga’kaa ta nand fa wo, fo a yaal alum um cooxkang, wo Siyoŋ, o ndoog onqe? Yaam o njakad onqe wo kaa magnit nen o maag ole. An na waagkang o wodand?