Yeremi 9:12 - NQAARIIT NE ROOG

¹² O Yaal oxe a layahina yee: «Ke garna fo keene refu yee kaa mbaas ke jangnuuma a den, a mbañ o nan-giloox soo a mbañ o ndeef ke layooguuma a den.

Yeremi 9:12 Referans Kwoze

Hoose 14:9

Efrayim reeratee dara fo pangool ke. Kaam jaɓaa a qeƭ um soo gayan. Xam ref no ten nen filaawo nequ, na mi xa tim um a ngataa.»

A kim a tedu ke 107:43

Oxuu jegna o and fat a dam keene too a ɓaal ke o Yaal oxe a fi’na no mbeq um.

A kim a tedu ke 107:34

lanq qaaɗu ke, ta supit a den o tan yaam kañaan no we ngen’ina teen.

A cangatin ale 32:29

A jeg’angaa yiif, a andkooga keene, a ga ke na dalkan.

Mbeeñil 1:3

We na njangkaa safe lene a ƭaaya. We na nankaa fa lay fee no nduleer ne ten, soo a ngeek ke bindeena teen a ƭaaya itam. Yaam waxtu fee keene fop a warna o xew a matiida.

Mace 24:15

«Xan nu nga ‹Cakalaaru ke sibdeena›, o tuleer Dañel a ne’oogna, ta fod no mbiñ o tedu nqe. Oxuu na jangaa a ƭelem akene, fat a wootoox a paax!

Heseki’el 14:23

Xan a yaal a nuun yaa nu nga’kaa a pesoorooƭ den fo a pi den, too xan nu and ee o ƥor o ƥor taxee um fi fop ke fi’uuma kam teeru fee. Mi o Yaal oxe na refkaa boo faw layun.»

Esayi 42:23

An na nuun na rungkaa nof um no tig keene? An na fogooxkaa, ndax ta waajan ke na garaa?»

Yeremi 9:20

«Fa nqon fee a ŋaaytiida na xa palangteer axe in, a rok kam pind mosu ke in, a saŋkaa xa teɓandoong axe no ped ke fo mbes ke no paayo ke.»

Yeremi 23:10

Yaam saax le kaa naag gañ fo waa na seeqaa. Saax le kaa ngooy yaam a salax, xa suufand axe na koƥ-a-ƥor ale a mbeer koroŋ. Wiin we paaxeer doŋ a ƈufanaa, njambaar den a feeñtaa no njofaƭar.

Yeremi 23:16

Keeke o Yaal oxe Hupna fop a layu: «Ba nu nan-giloox ke duleer weene a yegnaa a nuun. No yaakaar mbooreer a ƥekaa a nuun, a layaa peeñil ke no xeeñ den doŋ, ngateerna no don es.

Yeremi 23:22

A maad’angaa mbokatax es, a ndaawinkooga xeet es ke layuuma, a sut a den na ƭat a paaxeer ale den fo na pi a paaxeer ake den.»

Yeremi 23:28

Fat o tuleer oxe jegna o ƭaaɗ a wetandooxin, oxe daawna fa lay es o mat a yegnititin ne ta helitna. Xar ñaax le a daawru fo pep ke? Mi o Yaal oxe layun.

Yowel 1:11

Xooxoox we a njaqa, yaal a ƭing taxar biiñ ake a ƭomatooxaa, yaam ne bele fee fa lorso fee a ñakeena, saxade le na xa qol axe a yaqoox.

Sofoni 3:6

O Yaal oxe kaa tee: «Moocandaam qeet, taax-took den a yaqel. Wootnaam ped ke den, boo njegatee oxaa reefna a den. Teeru ke den kaa ndaadnel, njegatee o kiin o leng, ngenataand.

Hoose 4:10

Xan a ñaamaa too ngiñkee, a njaga’aa, ndax da njeg xa ƥiy, ndaa taxkee da njeg. Keene fop xan a dal a den, yaam kaa mbañaam o niw, mi o Yaal oxe.