Yeremi 9:10 - NQAARIIT NE ROOG

¹⁰ O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Yeremi 9:10 Referans Kwoze

Yeremi 12:4

Saax le kaa refkaa neeke na naqad boo a mban, soo daaƭ le na koƥ ale fop ee ŋayam? Ƥaaɓaan ke fo tiiƭ ke no saax le a sooƴa, yaam kañaan ne no we ngenna teen. Kaa da layaa yee: «Roog ga’ee ke na dalkaa a in.»

Hoose 4:3

Ten taxu saax le xan a wootat, fop we ngenna teen a ŋeesoox, den fo muumeen-a-koƥ ke fo tiiƭ ke. Liƥ ke no maag ole sax xan a sooƴ.

Heseki’el 33:28

Xam fi saax le a refat juum kefatin fo o mbiñ o mbootu, doole fa nga’atinoor um xan a fag tak, xa coong axe Isra’el a mbootat, too o leng reefkatee teen.

Heseki’el 29:11

O jaf no kiin o leng reefkatee teen, o jaf muumeen o leng dakkatee teen, too xan a fi xa kiid qarɓeen nahik axaa ta genkataandeena.

Heseki’el 14:15

Um xaƴ’angaa muumeen soxodu da ndok kam saax le soo a mbar xa ƥiy axe ten ndax ta refat o mbiñ o mbootu, maa o leng a reefateerna yaam muumeen keene,

Yeremi 12:10

Gaynaak mayu a nduudna a ƭing taxar biiñ ale mi, a nduut o qol ole mi, o qol o yaawnooxu le mi da mbi’in nen a koƥ-a-ƥor.

Yeremi 7:29

Nuun xeet fee Yudaa, nduusyo a biil a ciig ake nuun na laltaa a ƥoxotax nuun no Yaal oxe, ndeɓ a den! Yoɗyo a kim a ƭomatax took xa coong axe naangna halit, yaam o Yaal oxe kaa sib too a deɓ suk ne mbuuxnooruuna.

A ƭomatax ake 2:11

A kid es kaa nqooɗat yaam xa lool, laaw ke mi a mbaƴaa kam es, o soylaar es a ɓaxooxaa a lanq, yaam o njakad onqe dalna xeet es, fo xa caaƈ axe fo bax ke na patooxaa no ped ke na teeru fee.

A ƭomatax ake 1:16

Ten taxu um loolaa, a kid es a nqaaraa fo xa kooniit. Oxe war’axama o yaal kaa goƭaam, ten oxe nomtiidkoogaxama no ñoow ole. Xa ƥiy axe mi a njaqa lool, yaam o pañ oxe hupu a den doole.»

Yeremi 23:10

Yaam saax le kaa naag gañ fo waa na seeqaa. Saax le kaa ngooy yaam a salax, xa suufand axe na koƥ-a-ƥor ale a mbeer koroŋ. Wiin we paaxeer doŋ a ƈufanaa, njambaar den a feeñtaa no njofaƭar.

Yeremi 14:6

Xa paam-a-koƥ axe a ngeenooxa took xa coong axe naangna halit, a ñisaa nqeñ ne nen xa ƥox-a-koƥ axe. A kid ake den kaa nqooɗat yaam daaƭ jeg’ee.»

Yeremi 8:18

Naqad es waagee o wat, xeeñ es kaa doxaa taa kam es.

Yeremi 2:6

Laamteeyo yee: ‹Taa o Yaal oxe, ten oxe sutitna a in no saax laa Misira, a ɗox a in na koƥ-a-ƥor alaa, no lanq beeru kaa mayna a ƥaaxaand, no lanq kaa njegeerna o mboofi na pelyook ale na fa nqon fee, no lanq kaa o leng a naageerna o reefaa, too o leng genee maaga?›

Esayi 49:19

Te paam o ndik rek, yaqe le wo fo xa kenand axe wo ngefeena tuƈ fo saax le wo fesna a pec, xan a mbiiqat lool no we ngenna teen, soo koy, we mbiitin’oonga a ngoƭong.

Esayi 41:15

Xam fi’ong njelem ngaaƈir mbeelu nqas pul naa mayna a bej. Xan o ɓaƈit xa coong axe, mokand a den, a ñaang ake, o duguñ a den da nandat fo ñaax.

Yeremi 50:3

Xeet a inooxantaan no ɓemb-roog o janoon too xan a supit saax le ten a pec. O leng genkatee teen, wiin we fo cegel ke a nduux a koƥ.

Heseki’el 27:2

«Wo fee o ƥiy no kiin, ferani a Tiir a kim a mboy!

Yowel 1:13

Nuun saasadax we, nderooxyo xa saaku too naqadiloox! Nuun we saqna calel ke no sadaxand ole, ƭomatooxyo! Ngaryo mbe fo xa saaku xe, nuun we na njalanaa a Roog es, yaam sadax tuufe-duufe fa sadax biiñ ƥisiidataand no Mbind ne na Roog nuun.

Yowel 1:19

O Yaal oxe, wo um ƴufginooxaa, yaam fiɗel le a raaɓa xa suufand axe no tan ole, ƈulfaan a dox taxar ke na koƥ ale.

Amos 5:1

«Nuun mbind Isra’el, nan-gilooxyo a ƭomatax es took nuun.

Amos 5:16

Ten taxu, keeke o Yaal oxe Roog fee Hupna fop refna o Yaal es a layu: «Xan xa paɗax a njibit muu refna, a coytax a refat simnir. Xan o qooxoox sax a xurel, a geƈ helaar um, a xaaraandik, we a coytax a refna calel den a simel xa paɗax.

Mise 2:4

A koom xan nu naxoorteel, ngimaneel a kim a ƭomatax alene yee: «I ngefe tuƈ! Saax le na xeet es a cooxe lakas. A jaɓe na mi, fañ we a nqaajrandel lanq in.»

Yeremi 2:15

Fo njogoy fo njanglax kaa ŋuuranan, a mbumbaa, a ngef saax le ten tuƈ, soo teeru ke ten a ndaaɓel, o leng genatee teen.

Yeremi 12:11

A ruudne, a ref na naqad, a ruud mbaambir es. Saax le fop a raada, too haalee o leng.

A ƭomatax ake 5:18

ne o joong ole Siyoŋ a fesna a pec taxun, boo xa ƥox-a-koƥ axe a njoqooyooxataa teen.

Heseki’el 6:6

Muu nu mbaagna o ngen, teeru ke nuun xan a mbes a pec soo a ñaang a sadaxand ake nuun a luƈtel. Neene, xan xa sadaxand axe nuun a yaqel, a mbaytel, nitaal ke nuun a ngefel soo a mooc, toxir cuuraay ke nuun a nduguñel, soo ke nu njalna a sooƴ.

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.