Yeremi 8:8 - NQAARIIT NE ROOG

⁸ «Nam nu mbaagu o layit ee: ‹Yaal-o-and i ndefu, kebil ke no Yaal oxe key fa in›? Yaam no ndigil, a pindir ale no jaajangin we no kebil ke a naɗa kebil ke no Yaal oxe.

Yeremi 8:8 Referans Kwoze

YEGIL MBAAX NE YEESU ne Saŋ a bindtuuna 9:41

Yeesu a doona a den ee: «Mbuulaanaq-yiif a dam’angaa a nuun, nu njegkoogee bakaad. Kaa koy, nuun we layaa yee nu mbaaga a ka, ten taxu yoo, pakaad nuun a sax na nuun.»

O leetar ole Pool a bindna GIMU WE NGENNA ROM 1:22

Kaa mbi’ooxaa yaal o and, too a ndef ɗof say.

Mace 15:6

yaaga soxla’katee o niw a faap um mbaat a ya um.› Neene nu ñuftaa fa lay fee Roog yaam o mbaax onqe nuun.

A kim a tedu ke 147:19

Kaa daawnaa mbind Yakoob fa lay um, bargal um fo kebil um, ta andnoor a den a Isra’el.

Ke bindeena no xe ne’eena YOB 12:20

Kaa sañtaa fa lay fee no we nqoolna ɗelem, nogoy we, ta suqit na den njektirand.

Hoose 8:12

Um bug oo jaqtanin a cangin es, bindanin o ten, ndaa xan a ɗeetin nen tig kenar.

Xa peƭit axe 17:6

Xa taan axe kaa ndef o ndip no nogoy we, paap ke a ndef qaaƴoor na xa ƥiy den.

Ke bindeena no xe ne’eena YOB 11:12

Kaa koy, muu o faam-a-koƥ a rimitna o faam mbind, o ƭof a waaga fesit maaga o ƈiƴ.

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

Yeremi 19:7

No mbiñ onqene, xam kasaara’in yuuƥ ke no we ngenna Yudaa fa Yeerusaleem. Xam maafit a den laƥ no fañ den fo o ɓay no we mbugna njang o ñis den soo ɓoxot xa tal den da ndefik ñaamel a tud ake fo ƥaaɓaan ke.

Esayi 43:27

O taan of oxe faqaqooroona sax a bakaada, too we na layanang a siiknoora fa mi.

Yeremi 2:8

Saasadax we laamtee yee: ‹Taa o Yaal oxe?› We na njangnaa kebil ke andiraam, ɗooɗox we na xeet fee a siiknoor fa mi, duleer we a lay no gon Baal. Kaa ngiɓoor fo roog kaa mbaageerna o ndimle.

Yeremi 48:14

Nam nu mbaagu o layit ee: ‹A salma-koor i ndefu fo xir say tigi?›