Yeremi 8:7 - NQAARIIT NE ROOG

⁷ A caroox ale na yetaa na asamaan sax a anda a mbane ta molaa, a qoɗoxoñ ale, o helaar-roog ole fo a keel ale a and waxtu fee da mbarna o ngat, ndaa xeet es o mat andee bargal ke no Yaal oxe.»

Yeremi 8:7 Referans Kwoze

Esayi 1:3

Nqoox a anda o yaal um, too o faam a anda me o yaal um a yipanan ñaamel, ndaa Isra’el o mat andee dara, xeet es njegee yiif.»

Esayi 5:12

Fo nqilimb fo a tiiti fo a ñal fo a liit na njibaa me da yertaa, ndaa a ƭat den yongee na pi no Yaal oxe, too nga’ee ke xa ƥay um a njalaa.

A kim ale na kim ake 2:12

Piɗ ke a mbeeña kam saax le, waxtu a kim a fad, o ñuxur ole na qoɗoxoñ ale a nannoox kam saax le in.

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

Sakari 5:9

Yoɗaam a kid es soo ga rew ɗik waa na yetiidaa. Kaa saq’u a nafir akaa nandtoogna a nafir a caroox, nqeñ ne a adin a den. A ngifa a cenjel ale, a yetaa fo ten ndeer asamaan fo lanq.

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Yeremi 5:6

Ten taxu xan njogoy a suqtoor no suungaan le, a song a den, a teeteem ale no tan ole a fand a den, o ƴaxal ole a ɓeedaa paam teeru ke den soo a listaa fop we na sutooraa teen, yaam siiknoor ke den kaa moƴaa moƴ o may, too ngore’aƭar den o leng andee ne ta fodna.

Habakuk 1:4

Kebil ke niwataand, a ƭat reefataand o ndus, soxodu we a ƥuraa jofu we, soo o cofel a naɗeel.