Yeremi 8:6 - NQAARIIT NE ROOG

⁶ Nan-gilooxaam a den a paax, ke da layaa refee ndigil. O leng ricooxee kañaan um ee: ‹Ndi xar fi’um?› Fop kaa ngodatin o joor, nen pis naa na rututaa na xire.

Yeremi 8:6 Referans Kwoze

A kim a tedu ke 14:2

O Yaal oxe kaa fod took-ee-took asamaan, a horooxaa wiin we boo a ga, ndax a jega na den o cegu yiif, ndax a jega oxaa na waaƭaa a Roog.

Heseki’el 18:28

A ga’angaa soo a fes a cinj pakaad ke ta fi’na fop, a woora yee xan a ñoow, xonkee.

2 Piyeer 3:9

O Yaal oxe ñakkee o fadin muk a tegit um, ne leng-leng a mboogtuuna. Kaa koy, a jega o muñ na nuun, yaam bugee o leng a saŋkoox, ndaa kaa bug fop a mbes pakaad den a cinj.

Malaki 3:16

Kaa koy, we saɗarna o Yaal oxe kaa saƭakinraa a ndeer den, too o Yaal oxe a runga nof um, a nan-gilooxaa a den, soo safe wetandoor no we saɗaruuna too a niwaa gon um, a bindtel mbaambir um.

Mise 7:2

O kiin jam oxe a mooca no saax le, o cofu jegatee a ndeer no wiin we. Wiin we fop kaa ƥeng, ndax da ƥax fo’oy, oxuu refna a fogaa o kend um.

Mbeeñil 9:20

We yoq’ina no wiin we too nqonee no taamaala keene koy, mbes’ee a cinj xa taaƴ axe da mbi’’ina Roog den. Kaa ngen’u no mbaɗooxaa cini ke fo xa taaƴ wurus fo xa taaƴ xaaliis fa nqoolu fo xa taaƴ xanjar fo xa taaƴ ɓil fo xa taaƴ a teex axaa mbaageerna a ka, mbaagee fa nan, mbaagee a ñaaƈ.

Safe le no tuleer AGE 1:7

Mi o Yaal oxe Hupna fop mexe layahinan a nuun ee: Ƭeetaqinyo a paax ke daawna a nuun!

Safe le no tuleer AGE 1:5

Ndiiki koy, mi o Yaal oxe Hupna fop kaam ee: Ƭeetaqinyo a paax ke daawna a nuun!

Heseki’el 22:30

Waaƭaam a ndeer den o koor oxaa maxanna a den saŋe, a geenoox mbaambir es no gur ole, a farit saax le, ndax gefkinum, ndaa koy ga’iim.

Yeremi 5:1

O Yaal oxe kaa tee: «Mbidyo ped ke Yeerusaleem, ƭeet a paax, ngoroox, mbaaƭ no paayo ke ten. Nu nga’angaa teen o leng kut oxaa na fi’aa cofu, a jeemaa o gore, xam waasan a Yeerusaleem.»

Esayi 59:16

A ga’a yee jegee o leng oxaa ƴufgiidna, too kaaga a betaan lool. Maaga, a fosooxa o doon teen o ɓay ten fa xoox um, o cofel um a ref doole um.

Esayi 30:18

Yaag oo toox de, o Yaal oxe kaa cungaa, ndax ta yirim a nuun. Neene, xan a inoox, a jeg o liir na nuun, yaam o Yaal oxe Roog fa njofu a refu. Fop we yaakaaruuna a ƭaaya.

Ke bindeena no xe ne’eena YOB 10:2

«Wo Roog, ba o ŋaaynaam a ƭat! Andnooraam ke taxna o ñoxoraa fa mi.

Yeremi 23:25

«Mi o Yaal oxe, nanaam ke duleer we na yegnitaa xa maaƥ no gon es a layna. Kaa ndamtin ee: ‹Ɗaaɗaam, ɗaaɗaam!›

Ke bindeena no xe ne’eena YOB 34:31

Ndax o kiin a layangaa a Roog ee: «Gadooxaam a qaw es, ndaa bakaadkatiim.

Ke bindeena no xe ne’eena YOB 34:32

Lalaam tooñ es ke ga’eeruuma. A soƥangaa yee kaam fi njofaƭar, fi’katinum.»

Esayi 57:17

Fuuxan’aam a Isra’el yaam tooñ ke ten fo a yuxum um. Xawaanum kam fuux es, ɗasnin mukit es, ndaa ta maad no ngore’aƭar rek, a reefan a yuxum xeeñ um.

Yeremi 3:5

Ndax xan o dam fuux of boo kili? Ndax xan o geekin boo faw?› Keene o layaa too gen no fi’aa paaxeer, doon teen fakoortan.»

Dañel 9:11

Ii-isra’el we fop ne da mbodeena a ƭapa kebil of, a nduux a koƥ, a mbañ o nan-giloox o ñuxur of. Kaa i tooñong boo a tax a salax ake mbindeena no kebil ke Moyiis fee o tag of a yen took in.

Sofoni 3:7

Kaam layoogu taa kam es ee: ‹Ndiiki koy, Yeerusaleem xan a saɗaraam, a ƭat um a yong na xa soqanqol es. Yaaga ngenand um yaqkaand, too fadinkiim ke hebooxananuuma fop.› Kaa koy, kaa ñof o njimboox na pi a paaxeer a ƥor.