Yeremi 8:5 - NQAARIIT NE ROOG

⁵ Xar taxu xeet fene na Yeerusaleem a ƭap a ƭat ale, a moƴ o mudaa no ngore’aƭar? Kaa da saaƭoox no naanaxir, a mbañ o nomtooxiid me mi.

Yeremi 8:5 Referans Kwoze

Yeremi 9:6

Ten taxu keeke o Yaal oxe Hupna fop a layu: «Xam naayin a den nen njelem soo ɗeetloox a den, yaam xar helum o fi’an lakas a xeet es?

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.

Sakari 7:11

Kaa koy, a mbaña o nan-giloox, a nquun soo a sux nof den, ndax nankee.

Hebre 12:25

Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.

YEGIL MBAAX NE YEESU ne Saŋ a bindtuuna 5:40

Ii, keene koy, too nu mbugee o ngar na mi, ndax nu njeg o ñoow!

Hoose 11:7

Xeet es kaa nqar no mbesaam a cinj. Kaa nqoyel me na mi fee Took-ee-took, ndaa o leng na den inooxee.»

Yeremi 5:27

Pind ke den kaa may muut fo kaa hatna no laɓari, nen kees naa mayna muut fo tiiƭ. Ten taxu da njegat doole fa halal,

Esayi 44:20

Muk, a qalaat um kaa njagin no kaa refna ndaw ƥor. Yiif um mo’u kaa laynooran xa koɓong xa ƥor. Mucilkee o ñis um, yaam laykee muk ee: «A woora yee ke pokooxuuma naanaxir ƥor oo.»

Esayi 30:10

Kaa da layaa ɗeet we yee: ‹Nu njaree o njegaa peeñax!›, a lay duleer we yee: ‹Ba nu yegin a in ndigil ne. Ke moƴanna a in, refu i layeel pelu soo yegneel kaa guutatirna fo ndigil ne.

Mbeeñil 2:25

Kaa koy, ke nu njegna, ngeekeenoo boo yaa um garkaa.

1 Tesalonik 5:21

ndaa naangyo o ngorooxaa tig oo tig, ngeek paax ke,

Hoose 4:16

Feek Isra’el kaa ɓoow boo nen naak faafañ, o Yaal oxe xaƴkiran ta jeg a xoox um nen mbaal kam xa suufand xa yaaju.

Yeremi 2:32

Ndax o njaaƈ o ndoog a naaga weecaa kelax um, mbaat o kulook a weec o qap um? Xeet es o mat a mbeecaxam, yaa leng a andeerna.

Esayi 1:20

Kaa koy, boo nu mbañna, nqox sup, xan laƥ a ñaam a nuun.» Neene a refkaa, yaam no don no Yaal oxe a hatu.

Xa peƭit axe 4:13

Dami a cangin ale, fañ o waas, geekin, yaam ten refu o ñoow of.

Yeremi 5:6

Ten taxu xan njogoy a suqtoor no suungaan le, a song a den, a teeteem ale no tan ole a fand a den, o ƴaxal ole a ɓeedaa paam teeru ke den soo a listaa fop we na sutooraa teen, yaam siiknoor ke den kaa moƴaa moƴ o may, too ngore’aƭar den o leng andee ne ta fodna.

Yeremi 14:7

Ke tooñ ke in a njambaa a in fop oo, fi’i tig yaam gon of, wo o Yaal oxe yaam ngore’aƭar ne in a maya lool, i mbakaada na wo.

Dañel 9:11

Ii-isra’el we fop ne da mbodeena a ƭapa kebil of, a nduux a koƥ, a mbañ o nan-giloox o ñuxur of. Kaa i tooñong boo a tax a salax ake mbindeena no kebil ke Moyiis fee o tag of a yen took in.

Yeremi 3:5

Ndax xan o dam fuux of boo kili? Ndax xan o geekin boo faw?› Keene o layaa too gen no fi’aa paaxeer, doon teen fakoortan.»

Yeremi 6:17

Dalnanaam a nuun yeeyetax waa maƭooxna a nuun ee: ‹Nan-gilooxyo fangax le na luuƥ ale.› Kaa koy, nu ndoona yee: ‹A ƭat in yongee teen.›

Yeremi 6:19

Lanq ke, nan-gilooxyo! Mi o mat na ɓisiidkaa took xeet fene taamaala fee a qalaat a paaxeer den a ndimna. Nan-gilooxee fa lay es too ngayee kebil es.

Hoose 11:5

Nomtooxkeeyo no saax laa Misira, ndaa Asuur xan a maadoox took den, yaam kaa da mbañ o nomtooxiid me mi.

Hoose 13:2

Ndiiki koy, owe maad o mbakaadaa. A njalna o daaƴ o jawne fa xaaliis fee den, pangool kaa da nqalaatanna a qoox den. Fop kaa ndef kaa o kiin o baane’u a jalna. A laye kaa jofna na Efrayim ee: «Kaa da sadaxtaa wiin, a mboonaa fo nqeel!»