Yeremi 8:4 - NQAARIIT NE ROOG

⁴ «Layi a den ee: Keeke o Yaal oxe a layu: Ndax xan o kiin a yen, a fañ o inoox? Ndax xan o kiin a ɗap a ƭat ale, a fañ o nomtooxiid?

Yeremi 8:4 Referans Kwoze

Xa peƭit axe 24:16

O cofu xe a yenangaa boo a caf ɓetaa ƭaq sax oo, xan a inooxatin, soxodu we mat kaa njimbooxaa na taamaala.

Mise 7:8

Nuun fañ in, ba nu mbelakinoox na in! I yenangaa sax oo, xan i inooxatin. I ndefangaa kam o niɓaan ole, xan o Yaal oxe a meleƈin a qoolaand um took in.

Hoose 6:1

«Ngaryo i nomtoox maa no Yaal oxe, yaam a saara a in, ndaa xan a wodand a in. A fada a in, ndaa xan a laxasan a in a uut ake in.

Yeremi 3:1

O Yaal oxe kaa tee: «A soƥangaa yee o koor kaa rax o teem, boo oxeene a sambir fo ten soo a refat o tew no lakas, ndax a waagaan o xotatin nen o teem? Ndax keene xoolaƭarandkee saax leene tigi? Wo Isra’el koy, jaga’aa fo xa pes xa mayu, soo o bug o nomtooxiid me mi! Mi o Yaal oxe layun.

Esayi 55:7

Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.

Amos 5:2

Wo Isra’el o ndoog onqe, woxe bup too o leng inkatirang, ɗaasoox a lanq, too inooxkatiro muk.»

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Hoose 7:10

O nga’atinax onqe Isra’el na seede’anaa a den. Keene xewna fop koy taxee da nomtooxiid me mi, mi o Yaal oxe Roog den, too mbaaƭiraam.

Heseki’el 18:23

Ndax fa nqon fee no soxodu xe moƴanaxam ndi ta fes a ƭat a paaxeer um a cinj soo a ñoow? Mi o Yaal oxe na refkaa boo faw layun.

Esayi 44:22

Fortaam njofaƭar of fop nen eel hurdooxu, forit pakaad of itam nen a liim a samu. Nomtooxiidi me mi, yaam mi watong.

1 Maad we 8:38

xeet of a ƈufginooxangaang, nan-gilooxi a den. A qeƭ fo a qeƭax aluu o kiin oxuu ta waagna waag o ref mbaat Isra’el fee xeet of fop a xeɗna, yaa oxuu refna a andkataa coono xeeñ um soo a letin xa ƥay um farna fo Mbind nene,

Yeremi 36:3

Xeƈa xan wiin we Yudaa a and taamaala fee yuuɓanuuma a den fop, ndax da mbes a cinj a ƭat a paaxeer ale den. Maaga, xam waasanit tooñ den fo pakaad den.»

Yeremi 23:14

Ke ga’uuma no duleer we Yeerusaleem koy moƴu o sednoox. Kaa seeqaa, a ngen na xa maaƥ, a saƭakinaa we na mbi’aa paaxeer, ndax o leng feskee kañaan um a cinj. Den fop kaa nandaam nen wiin we Sodoom, we ngenna Yeerusaleem a nandaam nen we Gomoor.»

Yeremi 4:1

O Yaal oxe kaa tee: «Wo Isra’el, o nomtooxiidangaa, kaam ee o nomtooxiidangaa me mi, o watnangaa nitaal roog cakalaaru ke wo mbaambir es, waas a coqooyax ale,

Yeremi 3:22

Nomtooxiidyo me mi, nuun xa ƥiy xa kore’aƭaru xe, too xam wodand a nuun no ngore’aƭar nuun.» Xeet fee a doona yee: «In wey ngaraa me wo, yaam wo refu o Yaal oxe Roog in.