Yeremi 8:3 - NQAARIIT NE ROOG

³ Fa nqon na moƴkaa yee o ñoow no fop we na yoqkaa na xeet fa ngañaanu feene, no fo mbiñ fo mbogreer ne um pasarkaa a den fop.» O Yaal oxe Hupna fop layun.

Yeremi 8:3 Referans Kwoze

Mbeeñil 9:6

Na pe akaaga, xan wiin we a mbaaƭaa fa nqon too nga’kiran. Xan a mbug o nqon, ndaa xan fa nqon a riƈatoox a den.

Yeremi 29:14

Xam ga’noox a nuun. Mi o Yaal oxe layun. Xam nomtiid we ƥiseena na nuun gilaa saax took o hup doole, fokatit a nuun ndeer qeet ke fop fo no fo mbiñ ne fop pasar’uuma a nuun. Cinj kaaga, xam nomtiid a nuun no mbiñ onqe ɓisit’uuma a nuun gilaa saax took o hup doole. Mi o Yaal oxe layun.›

Yeremi 23:8

Kaa koy, kaa laykateel ee: ‹O Yaal oxe xe ñoowaa, ten oxe nomtitiidna xa taan axe Isra’el no saax le no ɓemb-roog o janoon fo na saax a lakas ake ta rax’ina a den.› Maaga, xan a ngenatin no saax den.»

Yeremi 23:3

Mi fa xoox es xam fokatit onqe yoqna no paal ke mi na saax ake fop rax’uuma a den, nomtiid a den na xa suufand den, maa da ndimatiritkaa soo a may gañ.

A cangatin ale 30:4

Nu ƥisange gilaa saax took o hup doole boo no cat adna sax oo, xan o Yaal oxe Roog nuun a fokattiid a nuun maaga, a xottiid a nuun maaga.

Yoona 4:3

Ndiiki koy, o Yaal oxe, xuufi o ñoow es, yaam fa nqon moƴanataxam o ñoow.»

Dañel 9:7

Wo o Yaal oxe, kaa o jof. In o mat, seeƈaar in a jaga fa in, in goor we Yudaa, we ngenna Yeerusaleem fo Ii-isra’el lakas we fop, matu yoo goƭu yoo kam a saax ake rax’oona a in fop yaam ngore’aƭar in na wo.

A cangatin ale 30:1

«Yaa tig oo tig keene fop a ndalkaa a nuun, barke fee fo a salax ake doonuuma mbaambir nuun, yaaga xan nu ƥaalaa a den kam a qeeñ nuun a ndeer qeet ke fop o Yaal oxe Roog nuun a pasarkaa a nuun.

Mbeeñil 6:16

Naaga, a layooga xa coong axe fo a ƥil ake yee: «Ngirdooxyo took in, ndax nu laq a in mukit fee no Xe moofna no gamb no maad le, ngoƭatirand a in fo fuux le no Mbaal onqe,

Yeremi 40:12

Maaga, Yuuyudaa weene fop a nomtoortiida no fo mbiñ ne da pasar’eena fop, a ngar no saax le Yudaa, a ƥoxotoox na Gedaliya, maaga Mispa. A ngisa xa biiñ fo xa tim xa mayaan axaa muk.

Yeremi 29:28

O ngar fa wo taxu ta waag o lultiid a in o leetar mene Babilon, ndax ta yegin a in ee xan i miñ a koƥ. A laya a in sax i max pind, ngen a den, njimb a ƭing soo ñaam xa tim axe den.› »

1 Maad we 19:4

Cinj kaaga, a ñaaƴa ñaal muum kam a koƥ-a-ƥor ale, a ret a moof ɗuga mburndu. Fa nqon doŋ a xeɗoogatu, a layaa yee: «Ndiiki koy, o Yaal oxe, deyƭataam sik! Xuufi o ñoow es, yaam moƴiim daan es.»

Yeremi 6:9

Keeke o Yaal oxe Hupna fop a layu: «Gisaatooxi yoqatin we Isra’el boo ta xet ne ndaxar biiñ ƥoore a gisaatooreel. Saaki na xa par axe, ne o niinir a fi’tan.»

Amos 3:1

Nuun we xa taan Isra’el, o Yaal oxe a laya yee nu nan-giloox ke ta layna took nuun, nuun we ta sutitna no saax laa Misira.

Mise 2:3

Ten taxu keeke o Yaal oxe a layu: «Nga’yo, mexe yuuɓanaa fiifi paaxeer nandu ne nuun taamaala. Nu ndaɗkee a qaw aleene, too nu ñaaƴkatee xa cok nuun took, yaam waxtu o njakad oo.»

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.

Yeremi 44:2

«Keeke o Yaal oxe Roog fee Isra’el Hupna fop a layu: Nu nga’a taamaala fee fop ɓisiiduuma took Yeerusaleem fo took teeru ke Yudaa fop. Den oo weene a mbesa a pec xaye, too o leng genatee teen.

Yeremi 44:6

Maaga, o say es fo fuux es a njuumooxa, a ndaaɓ teeru ke Yudaa fo ped ke Yeerusaleem. Teeru keene a ndefata juum kefatin, a mbes a pec, ne ta waageena o ga’it xaye.