Yeremi 8:2 - NQAARIIT NE ROOG

² Xan a liilel no njeeƈ ne, na qoor ale fo na xa qoor axe na asamaan fop da mbex’ina, a mbaɗooxoogu a den, a ndeefoogu a den, a laamtoogu a den xa as soo a ngungoogu mbaambir den. Xa kiiƈ axeene ngiskaand mbaat da ndaknel na mboy ale, ndaa xan a ndefik tosir lanq ke.

Yeremi 8:2 Referans Kwoze

2 Maad we 23:5

Yosiya a raxa saasadax we maad we Yudaa a ndalin’ina, ndax da ndoxaa cuuraay took a ñaang a sadaxand ake kam teeru ke Yudaa fo me widna a Yeerusaleem. A raxa itam we ndoxanoogna cuuraay a Baal fo njeeƈ ne fo o nqool onqe fo xa qoor xa ƭeetir axe fo xa qoor axe na asamaan fop.

A pi ake 7:42

Kaa koy, Roog a fesa a den a cinj, a xaƴ a den da mbaɗooxaa pindel ke na asamaan fee, ne ta bindteena no safe le no duleer we yee: ‹Nuun xeet fee Isra’el, ndax mi nu sadaxu muumeen fo sadax lakas na xa kiid qarɓeen nahik axe nu njegna na koƥ-a-ƥor alaa?

Yeremi 9:22

O Yaal oxe kaa tee: «Baa o yaal-o-and oxe a fakoorit o and um! Baa jambaar fee a fakoorit njambaar um! Baa o yaal halal oxe a fakoorit halal um!

A cangatin ale 4:19

Nu ndaxaaƴooxangaa na asamaan fee, nga njeeƈ ne fo o nqool onqe fo xa qoor axe, tig oo tig ke na asamaan fop daal, baa riñ a nuun nu ngungaa mbaambir den, mbaɗooxaa a den. O Yaal oxe Roog kaa xaƴan qeet lakas ke fop no lanq ke a pi akeene.

Sofoni 1:5

Xam moocand we na ngungaa na xa tung-took axe mbaambir njeeƈ ne fo o nqool onqe fo xa qoor axe, we na ngungaa, a ndaaɓoortaxam, mi o Yaal oxe, ndaa yaqanee da ndaaɓoortaa a Milkom,

Heseki’el 8:16

Maaga, a ɓisaxam farna fo o maax-kam olaa no Mbind ne no Yaal oxe. No ndokand ne no Mbind ne no Yaal oxe, ndeer o ndambalaan onqe fo o sadaxand ole, a jeg’a ngap goor qarɓeen ƭik fo goor ɓetuk waa mbes’ina Mbind ne no Yaal oxe ndiiñ, a ngung farna fo batand, a mbaambir fo njeeƈ ne.

Yeremi 36:30

Ten taxu keeke layum, mi o Yaal oxe, na wo Yoyakim fee o maad Yudaa: Jegkiro o ndaan o leng oxaa rondandoonga took uum-maamaad le Dawid, too o dal of xan a luuñaa na sumaan ale no ñaal ne fo na ƥuuɓ ale no yeng ole.

Yeremi 22:19

Xan a gastel nen o faam, a ɗooqel soo a deɓel tafil tokand ke Yeerusaleem.»

Yeremi 19:13

Pind ke Yeerusaleem fo ke no maad we Yudaa xan a nqoolaƭar nen a Tofet, pind ke fop andoona yee xa qoor axe na asamaan a ƥoxotane cuuraay na xa tung-took axe den, soo roog lakas ke a njuuranel teen biiñ nen sadax.»

Yeremi 16:4

Xan a nqonit no jir waawar. Nqaaraandkaand too ngaskaand. Xan a ndefik tosir lanq ke. Xan a pattel laƥ fo biim, soo xa tal den a ndef ñaamel a tud ake fo ƥaaɓaan ke.»

A kim a tedu ke 83:10

Wo Roog, fesoori fa den ne fesoorit’oona fo Maamajan we fo ne fesoorit’oona fa Siisera fa Yabin na ƈufnand alaa Qiison.

2 Maad we 21:3

A maxatina a ñaang a sadaxand ake faap um Hiskiya a moocand’ina. A geennana a Baal xa sadaxand, a lupan a Asera o daaƴ, ne Ahab fee reeƭna o maad Isra’el a fi’it’uuna, soo a gungaa mbaambir xa qoor axe na asamaan.

Sofoni 1:17

O Yaal oxe kaa tee: «Xam ɓek wiin we na naqad, soo da ñaaƴtaa nen fuul, yaam kaa mbakaad na mi, mi o Yaal oxe. Fo’oy den xan a ɓaxtel nen fo ut, xa tal den a luuñaa nen ndoƭ.»

O baawaare xe 6:3

O koor a jeg’angaa xa ƥiy teemeed soo a doon teen a xuuɗ-o-ñis, kuu xa yeng axe no ñoow um a mayna may fop oo, too jegee ne feluuna mbaat o gasanqol o faax, kaam ee o fud o watu moƴun o ɗaay.

2 Maad we 21:5

A maxana xa qoor axe na asamaan xa sadaxand kam xa maax xa ƭaq axe no Mbind ne no Yaal oxe.

2 Maad we 17:16

Kaa nqaƴ kebil ke no Yaal oxe Roog den fop, a njawan a qoox den nitaal fo nqeel fo ƭik, a sip xa taaƴ xa lupe xe Asera, a ngungaa mbaambir xa qoor axe na asamaan soo a mbaɗooxaa a Baal.

A cangatin ale 17:3

yaa ta faɗookna roog lakas, a gungaa mbaambir den mbaat mbaambir njeeƈ ne mbaat o nqool onqe mbaat xa qoor axe na asamaan fop, ta guutatir fo ke o Yaal oxe a heblitna.

A kim a tedu ke 53:5

Weene na mbi’aa cofaƭaru njegee o and o leng, den we na listaa xeet es ne mbuuru a listiteel too ƈufginooxkee a Roog muk.

Yeremi 14:16

Xeet fee da ndaawinna yegnit padafuleer den o mat xan a ndeɓel no ped ke Yeerusaleem yaam o ngar fo biim le fa xire fee. Jegkee o leng oxaa gasna a den na mboy, den oo rew den oo, xa ƥiy xa koor den fo xa ƥiy xa tew den. Neene, xam fudin took den paaxeer ke da mbi’na.

Yeremi 16:11

Maaga, fat o doon a den ee: ‹O Yaal oxe kaa tee: Ke taxuuna refu yee daan nuun kaa mbaasaam, a ngiɓoor fo roog lakas, a mbaɗooxaa a den soo a ngungaa mbaambir den. Mi o mat a mbaasaxam, too ngayee a cangin es.

Yeremi 31:40

Cinj kaaga, a yulanq ale xon we a ngaseel, ndaw ke a ƥaxeel teen fo xa qol axe fop boo na ƈufnand alaa Kederon, boo no kooñ naa no Ndokand naa no pis ke farna fo batand, xan a kesanel o Yaal oxe. Teeru feene jiƭitkataand too yaqkataand boo muk.»

Heseki’el 6:5

Xam doon xa tal axe nuun, nuun Ii-isra’el we mbaambir nitaal roog ke nuun soo pasar xa kiiƈ nuun me widna xa sadaxand axe nuun.

Heseki’el 29:5

Xam deɓong na koƥ-a-ƥor ale, wo fo liƥ ke na xa quluɓ axe wo fop. Xan o yen na xa qol axe, giskaandee too gaskaandee. Xam deɓong, ndax o ref ñaamel ƥaaɓaan ke no lanq ke fo tiiƭ ke na asamaan.

A kim a tedu ke 83:11

Kaa saŋkit’el En-Door, a ndefik suqi no lanq ke.

Yeremi 9:20

«Fa nqon fee a ŋaaytiida na xa palangteer axe in, a rok kam pind mosu ke in, a saŋkaa xa teɓandoong axe no ped ke fo mbes ke no paayo ke.»

Yeremi 9:21

O Yaal oxe kaa tee: «Wo Yeremi, yegnitahini fa lay feeke: Xa tal axe no wiin we xan a luuñaa nen suqi faa picteena na xa qol axe, nen xa yaƥ axaa o saasaxad a xaƴna a cinj um, too o leng gisee a den.»

Yeremi 16:6

Kam saax lene, yaal kalal oo rool oo xan a nqon. Ngaskaand, mboykaand, too o leng ñaasooxkee mbaat ta xanqoox, ndax ta lalit naqad um yaam den.

Yeremi 25:33

We o Yaal oxe a warkaa a koom xan a luuñaa maaga, no cat leng boo no cat lakas no lanq ke. Nqaaraandkaand, ngiskaand too ngaskaand. Xan a ndefik tosir lanq ke.

Heseki’el 39:5

Xan o xon kam ee kam a koƥ ale, yaam layaam. Mi o Yaal oxe na refkaa boo faw layun.