Yeremi 8:19 - NQAARIIT NE ROOG

¹⁹ Xa buuq xa ƈufginoor axe na xeet es a nannoortiida muu refna kam saax le: «Ndax kaa o Yaal oxe refatee Siyoŋ? Ndax kaa Siyoŋ jegatee o maad?» O Yaal oxe a doona yee: «Xar taxu da mbuuxnoortaam nitaal sexe ke den, tig cegee njiriiñ ke ngatna a ngenareem?»

Yeremi 8:19 Referans Kwoze

Esayi 39:3

Cinj kaaga, o tuleer Esayi a soƥiida o maad Hiskiya, a laamtin ee: «Xar refu o jaf no goor weene, too sax mam a inooru?» Hiskiya a doonaan ee: «Taa Babilon a inooru, a ƭeetiidaam.»

Esayi 13:5

Kaa inoortiid koƭu, no cat asamaan, ndax da yaq lanq ke fop. O Yaal oxe yoo fo we ta jiriiñooraa, ndax ta feeñil fuux um.

Mbeeñil 2:1

«Bindanaam a malaaka fee na yetooxaa mbokatax ne no gimu we kam teeru faa Efees ee: ‹Fa lay feeke kaa inoor no xe deegooxna xa qoor ɓetaa ƭaq axe na ñamaak um, refna oxe na ñaaƴaa a ndeer a pagal ɓetaa ƭaq xa lampa akaa mbi’teena wurus.

Abjaas 1:17

Kaa koy, xan a jeg waa ndaɗna took o joong ole Siyoŋ na tedkataa. Xa taan axe Yakoob xan a njangatin lanq ke den njaɓ’eena.

Yeremi 31:6

Xan a jeg bes faa yeeyetax we a mbalalooxkaa took xa coong axe Efrayim ee: ‹Inooxyo, i ŋaay Siyoŋ, maa no Yaal oxe Roog in!› »

Yeremi 14:19

O Yaal oxe, ndax kaa o deɓ a Yudaa wol? Ndax kaa Siyoŋ a maasong ƴam? Xar taxu o gaañ a in boo i mbaagatee o mbod? Jam i yaakaaroogu, ndaa jegee dara kaa faaxna. Kaa i cungoogu mbodandel, ndaa diid soom refu meen.

Esayi 52:1

Wo Siyoŋ, yokooxi, ñofi yokoox, jegatin doole. Wo Yeerusaleem, teeru fa tedu fee, rokooxi toki of ke moƴna o mos, yaam o qucooxeer mbaat o qoolaƭaru dakkatee me wo.

Esayi 33:22

O Yaal oxe refu o Kaahate in, o ten na ɗoxaa a in. O Yaal oxe refu o Maad in, o ten na muclaa a in.

Esayi 12:6

Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.

Esayi 1:4

Ndaw naqad took saax baabakaad le, xeet fee sufooxna tooñ ƥor, o fog ole no fiifi paaxeer, xa teɓandoong xa kalakooxu xe nu ndefna. Kaa nu ndeɓ o Yaal oxe, nqeef o Tedu xe Isra’el soo mbesin a cinj.

A kim a tedu ke 149:2

Fat Isra’el a felakinoox no saasak um! Kaam ee fat xeet fee Siyoŋ a njeg o ɗaay no maad den!

A kim a tedu ke 146:10

O Yaal oxe refu o maad boo kili. O ten refu Roog of, wo Siyoŋ, no suk boo no suk. Haleluyaa!

A kim a tedu ke 135:21

O Yaal oxe a hela o simattel Siyoŋ, ten oxe genna Yeerusaleem! Haleluyaa!

Yeremi 9:16

Keeke o Yaal oxe Hupna fop a layu: «Nqalaatyo a paax ke layuuma! Nqoyyo rew we na ƭomatooxaa, da ngar! Nqoyniidyo rew waane’u we!»

A pi ake 14:15

«Bara waay, fog we! Xar taxu nu mbi’aa kene? In itam, wiin i ndefu nen a nuun. Kaa i ƥisiid a nuun Yegil mbaax ne na xoyaa nuun, nu mbes a cinj xa koɓong axene nu mbi’na roog, too mbiƈaqiloox na Roog fa ñoow jok fee sakna asamaan fo lanq fo o maag ole fo fop ke refna teen.

A kim a tedu ke 31:6

O Yaal oxe, ɓoxotaam o laaw es na xa ƥay of, wo fee na wataxam, wo Roog fa ngore’u fee.

Yeremi 2:5

O Yaal oxe kaa tee: «Ndi njofaƭar num daan nuun a nga’u na mi boo a tax da ngoƭaam, a ndeefan xa koɓong, boo a ndefat xa koɓong den fa qoox den?

Yeremi 7:19

Kaa koy, mi o Yaal oxe kaam laamtaa: Ndax mi a mbuuxnooraa? A qoox den kañ a mbi’aa, too gaci den a qicaa.»

Yeremi 8:20

A saxad ale a faafa, ndiig ne a sutoox, too in, i mbataand.

Yeremi 10:15

Xa andand xa ƥor a ndefu, jale laa jalatna. Xan da mooc, yaa a qaw ale den a garkaa.

Yeremi 14:9

Xar taxu o ref nen o koor o caqu, nen a salma-koor alaa waageerna o mucil? Yaag oo toox de, woxey a ndeer in, wo o Yaal oxe, too kaa i kesanel a wo. Ba o xaƴ a in boog.

Yeremi 27:10

Xa maaƥ xa ƥor a yegnaa a nuun. Nu nan-gilooxangaa a den koy, xan nu ƥisel maa goƭna saax nuun, yaam xam raxit a nuun teen soo nu saŋkoox.

Yeremi 32:30

Yaam Ii-isra’el we fo Yuuyudaa we paaxeer doŋ a mbi’u na kid es no kaa xotitna no mberaandoong naa na cosaan den. Ii-isra’el we mbi’ee dara a refangeerna a mbuuxnoortaam jale den. Mi o Yaal oxe layun.

Heseki’el 48:35

Saŋe ne widna teeru fee xan a ref xa noonoong cuni xarɓaxay fo xa noonoong cuni ɓetuu tadik. No kaa xotitna a koom, teeru fee xan a xoyateel ee: ‹O Yaal oxe xey mene.› »

Mise 4:9

Ndiiki koy, xar taxu o jibnaa xa paɗax? Xar taxu o ɗomeel nen o tew oxaa na gaajooxaa? Ndax ne jegateeroona o maad soo ñak aa-as we wo taxun?

A cangatin ale 31:17

A koom, xan fuux es a biltooxan a den, um waas a den soo ɗasin a den mukit es. Xan a ndefik muud no qeet lakas ke, coono fo naqad a sagoox a den. Maaga, xan da lay ee: ‹Ndax ne Roog in a refateerna a ndeer in taxu coono kene fop a ndalaa a in?›

A kim a tedu ke 137:1

Kaa i moofoogu paam xa quluɓ axe Babilon, loolaa, yaam a yiif in a ngomaa a Siyoŋ.

Sofoni 3:15

O Yaal oxe a watna a qaw ale war’ina o dal a nuun, o pañ nuun, ta goƭandin. O maad oxe Isra’el refna o Yaal oxe xey a ndeer nuun. Nu njegatee taamaala faa nu ngelna o saɗar.

Sakari 2:9

O Yaal oxe fa xoox um xan a refanin saŋe fiɗel naa widuuna, a ref o ndam um a ndeer um.› »