Yeremi 8:16 - NQAARIIT NE ROOG

¹⁶ Kang ke no pis ke no fañ we a nannoorta Dan, lanq ke fop a sendaa yaam fangax le no ŋexel le no naar-koor ke den. Owe ngaraa, a nduudniid saax le fo ke refna teen, teeru fee fo we ngenna teen.

Yeremi 8:16 Referans Kwoze

Haahate we 18:29

A ne’ta teeru fee a Dan reeƭna o taan den too a ref o ƥiy Yakoob, ndaa teeru fee Layiis a ne’’e yaaga.

Haahate we 5:22

Maaga, xa poxos axe no pis ke no fañ we a mbangna ɗuuɗ leng kut, ye ŋaaŋaay den a naangna futuxtux, a njaabnaa a den.

1 Korint 10:28

Kaa koy, boo o kiin a layna a nuun ee: «Keeke de, kaa sadaxeena fangool oo», ba nu ñaamin, yaam ne ta maƭooxna a nuun keene fo ne yiif um a bugko siisooxaa.

1 Korint 10:26

Ke no lanq ke fop, o Yaal oxe jegun, a jeg lanq ke itam, ne a Pind a Tedu ke a laytuuna.

Habakuk 3:10

Xa coong axe waa nga’ang rek, a sendaa, mbuyaam a deɓiid, juwaam fee a fangnaa o ñuxur um, a yoɗ a yag-ee-yag ake ten took,

Nahum 3:2

Xa qiir axe we nannooxaa, a saang ake na sareet-xire ke a ndiiraa, pis ke a njaabaa, a sareet-xire ke a mboolaa.

Yeremi 47:3

Ɗuuɗ le na xa poxos axe no pis ke ten fo fangax le na saang ake na sareet-xire ke owe naneel. Paap ke talatee xa ƥiy den, yaam xa ƥay den kaa leeƈoox.

Yeremi 10:25

Bilti fuux of took a saax ake andeeroonga fo took qeet ke ƈufginoorkeerna gon of, yaam a lista xeet fee Isra’el, a lista soo a saŋik a den, a mbayit kenand den.

Yeremi 6:23

Kaa pokoox a qali fo a salma. Kaa ƈaxooxaa soo a ñak yirmande. Fangax le den kaa dititaa nen le no maag ole. Kaa ŋaay pis, a nqodan a ñoq ale, a ndef leng, too wo a inooxanu, wo Siyoŋ fa mosaan fee.»

Yeremi 4:24

Ɗeetaam xa coong axe, ga da yo’nooxaa, soo a ñaang ake fop a sendaa.

A kim a tedu ke 24:1

A kim a tedu laa fogna na ke Dawid oo. O Yaal oxe jegu lanq ke fo ke refna teen fop, a jeg adna fee fo we ngenna teen,

Haahate we 20:1

Ii-isra’el we fop a mbokatoora, a ndef leng, mbaambir no Yaal oxe kam Mispa. A inoora muu refna, xotitna Dan, no ɓemb-roog o janoon, boo Beer-Seeba, no ɓemb-roog o ñamaak, fo saax laa Galaad, no batand.

Ke bindeena no xe ne’eena YOB 39:20

Ndax wo na foolnan nen soƈ? Ŋexel felnooxu le ten kaa saɗarnoox.

Yeremi 3:24

No ke xotitna no ndeƥandoong in, a paɗax a sednooxu le Baal a ruudna ke daan in a onj’ina: cegel teɓ ke fo maak ke den, xa ƥiy xa koor axe fo xa tew axe den.

Yeremi 5:17

Xan a ñaam saxade le nuun fo ñaamel nuun, a saŋik xa ƥiy xa koor axe nuun fo xa ƥiy xa tew axe nuun, a salax xa siir nuun fo a ked nuun, a mbiitin a ƭing taxar biiñ ake nuun fo tun ke nuun. Xan laƥ den a ndaadin teeru cegu saŋe ke nuun, nu ngoolooxna.

Yeremi 30:5

Kaa tee: «Xa buuq o njom’andaand axey naneel, diid oo, refee jam.

Yeremi 30:16

Kaa koy, fop we na listang xan a listel, too fop we na noonooraa fa wo xan a ƥisel den fop took o hup doole. We na yaqang, xan a yaqel, too we na njaɓaa o jeg of, xam xaƴ o jeg den a jaɓel

Yeremi 50:42

Kaa pokoox a qali fo a salma, a ƈaxooxaa soo a ñak yirmande. Fangax le den kaa dititaa nen no maag ole. Kaa ŋaay pis, a nqodan a ñoq ale, a ndef leng, too wo a inooxanu, wo Babilon.

Yeremi 51:29

Lanq ke kaa ngiiƈ-ngiiƈnaa, a yo’nooxaa, ye o Yaal oxe a fadnaa ke ta yuuɓanna a Babilon. Xan a fi a Babilon o mbiñ o mbootu, saax laa o leng a genateerna.

Yeremi 4:7

Njogoy ne a suqtoora no ngus um, o yaayaq oxe no qeet ke a xot a ƭat, a sutoor no sanand um, ndax ta gef saax nuun tuƈ. Teeru ke nuun xan a tasel, a mbes a pec.