Yeremi 8:14 - NQAARIIT NE ROOG

¹⁴ Xar taxu i moof a moof a ƥor? Mbokatooryo kañ, i ndet no teeru cegu saŋe ke, ndax i saŋkoor maaga! Yaam o Yaal oxe Roog in took o saŋik a in a jofu, a yernoor a in foofi laa jegna ndoxar, yaam i mbakaada no Yaal oxe.

Yeremi 8:14 Referans Kwoze

Yeremi 23:15

Ten taxu keeke o Yaal oxe Hupna fop a layu no duleer we: «Xam ñaamnoor a den qaaɗu soo yernoor a den foofi laa jegna ndoxar, yaam duleer we Yeerusaleem ngaru fo o yaqax ole naagna gañ kam saax le fop.»

Yeremi 9:15

Xam pasar a den a ndeer qeet kaa da and’eerna, den oo daan den oo, soo hebil da ndaabtel laƥ boo yaa um moocandkaa a den.»

A ƭomatax ake 3:19

Um xalaatangaa naqad es fo o ñaat es, ta nandaam nen daŋat fo o ndoxar.

Yeremi 35:11

Kaa koy, ye Nebukadnesaar fee o maad oxe Babilon a songna saax le, i mbosooxa o ndet Yeerusaleem, ndax i ƈuf xiixire we no Kaakalde we fo we no Aa-araam we. Ten taxu, i ngenat Yeerusaleem.»

Mace 27:34

a cooxaan biiñ faa juleena kaa saqna a qaaɗaan o soylaar, ndaa yaa ta ñimuuna, bug’iran o yer.

A kim a tedu ke 69:21

A ben ake kaa paangaa kam es, too kaa njiraam sax. Mexey yaakaarooga o yirmel, ndaa dara, cungoogu yaayaal, ndaa ga’iim o leng.

2 Sami’el 20:6

Maaga, o maad oxe a laya a Abisay ee: «Ndiiki koy, xan Seeba fee o ƥiy Bikri a fi a in paaxeer kaa hupna ke Absalom a fi’na a in. Xoti xiixire we no maat ne boog, daab a Seeba, yaam ndik ta daaw teeru fa njegu saŋe soo a mo a kid in.»

A cangatin ale 29:18

Ba o leng boog a nan fa lay feeke boo a ƴut no ngiɓoor ne saƭkandteena a taaƥ soo a magnandooxaa no xeeñ um ee: ‹Xam ref na jam kañ, a soƥangaa sax ee kaam reefaa ke xeeñ es a yuxmaa.› Keene xan a garit a saŋkax no fop, faax oo, faaxeer oo.

Sakari 2:13

Xam ɗaayan qeet keene o kurpeeñ, faɗ we den a njangal a den. Maaga xan nu and ee o Yaal oxe Hupna fop lulaxam.

Habakuk 2:20

Kaa koy, o Yaal oxe xey no Mbind tedu ne ten. Fat adna fa muum a naang cel mbaambir um!»

Amos 6:10

Yaa o kiin a ɓiskaa o dal no pog um, a gasin, xan a gat, a laamit ee: ‹Nam koy?› O kiin a doonin ee: ‹Naagi meek waay! Mbind ne fop a mbadatinooxa. Yoqatee meeke oxaa na ne’aa gon le no Yaal oxe.›

Yeremi 14:20

O Yaal oxe, i anddilooxa kañaan in, tooñ ke no daan in, yaam i mbakaada na wo.

A kim a tedu ke 39:2

Kaam layoogu taa kam es ee: «Xam gay a pesoorooƭ es, ndax bakaadkiim na fa lay es. Xam dam o don es, feek o soxodu xe xe mbaambir es.»

A cangatin ale 32:32

Taxar biiñ ke no fañ we no taxar biiñ kaa Sodoom a ngatu, cimb ke den a ngat Gomoor. Xa tim biiñ axe den kaa njeg daŋat, tuunq ke den a nqaaɗ xut.

A paɗax ale 10:3

Moyiis a laya a Aaroon ee: «Keene o Yaal oxe a ne’oogu, ye ta layna yee: ‹Xam lalit o tedel es no we na matiidaxam, lalit o ndam es mbaambir xeet fee fop.› » Aaroon a naaga tek, a xor.

Esayi 47:5

«Moofi na yelem too laqoox no niɓaan ole, wo o ndoog onqe no Kaakalde we, yaam xoykataandee lingeer fee no maat ke.

Yeremi 3:25

Fat i mbondoor gaci in, o niwaƭarel a hul a in, yaam kaa i tooñ o Yaal oxe Roog in, in fo daan in, no kaa xotitna no ndeƥandoong in boo no ñaal nene. I nan-giloox’ee o ñuxur no Yaal oxe Roog in!»

Yeremi 14:7

Ke tooñ ke in a njambaa a in fop oo, fi’i tig yaam gon of, wo o Yaal oxe yaam ngore’aƭar ne in a maya lool, i mbakaada na wo.

Yeremi 9:14

Ten taxu o Yaal oxe Roog fee Isra’el Hupna fop a lay ee: «Xam ñaamnoor xeet feene qaaɗu, soo yernoor a den foofi laa jegna ndoxar.