Yeremi 8:1 - NQAARIIT NE ROOG

¹ O Yaal oxe a laya yee: «Na jamaane faaga, xa kiiƈ axe no maad we Yudaa, axe no kelfa ke den, axe no saasadax we, axe no duleer we fo axe no we ngenna Yeerusaleem xan a uttel no poy ke den.

Yeremi 8:1 Referans Kwoze

Heseki’el 6:5

Xam doon xa tal axe nuun, nuun Ii-isra’el we mbaambir nitaal roog ke nuun soo pasar xa kiiƈ nuun me widna xa sadaxand axe nuun.

Amos 2:1

Keeke o Yaal oxe a layu: «Felaam o jaf no Moomowaab we a caf a tadak boo na nahak sax, ta dak no paaxeer. Kaa ut xa kiiƈ axe no maad oxe Edoom, a ndox a den bo dee riw. Ten taxu o ɓay es ole yoɗooxna waagee ñak o dal:

Heseki’el 37:1

O ɓay ole no Yaal oxe a doonooxa took es, soo o Yaal oxe a ɗoxtaam Yiif um, a doonaam kam a yulanq alaa mayna muut fo xa kiiƈ.

2 Maad we 23:20

Yosiya a xirsita took xa sadaxand axe saasadax we na ñaang a sadaxand ake ndeeƭna maaga fop soo a doxit taaga xa kiiƈ den. Cinj kaaga, a nomtooxa Yeerusaleem.

2 Maad we 23:16

Yosiya a wiƈaqilooxa soo a ga poy ke ndeeƭna took o joong ole. A lula wiin, da ƥisiid xa kiiƈ axe ndeeƭna kam poy ke, soo ta doxit a den took o sadaxand ole, ndax ta maasandin, ne o Yaal oxe a layit’uuna, a reefandin no kiin Roog oxe. Yosiya a ɗeeta me widuuna soo a ga a mboy ale no kiin Roog oxe yegnit’ina keene.

1 Maad we 13:2

A falalooxa o sadaxand ole, ne o Yaal oxe a simit’uuna o ten ee: «O sadaxand ole, o sadaxand ole, keeke o Yaal oxe a layu: ‹Xan o ƥiy o ngoor a rimel no mbind Dawid, too Yosiya a ne’keel. Xan a sadaxit took of saasadax we na ñaang a sadaxand ake na ndoxaa cuuraay took of, too xan xa kiiƈ no wiin sax a ndoxtel took of!› »

2 Maad we 9:37

too o dal um xan a ref nen a tos kam xa qol axe no saawit ole Yisre’el boo waagkataand o andid.› »

A kim a tedu ke 53:5

Weene na mbi’aa cofaƭaru njegee o and o leng, den we na listaa xeet es ne mbuuru a listiteel too ƈufginooxkee a Roog muk.

Yeremi 14:16

Xeet fee da ndaawinna yegnit padafuleer den o mat xan a ndeɓel no ped ke Yeerusaleem yaam o ngar fo biim le fa xire fee. Jegkee o leng oxaa gasna a den na mboy, den oo rew den oo, xa ƥiy xa koor den fo xa ƥiy xa tew den. Neene, xam fudin took den paaxeer ke da mbi’na.

Heseki’el 6:4

Xa sadaxand axe nuun xan a mbaytel, toxir cuuraay ke nuun a nduguñel, too xam maaf na nuun wiin da nqon mbaambir nitaal roog ke nuun.