Yeremi 7:9 - NQAARIIT NE ROOG

⁹ Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Yeremi 7:9 Referans Kwoze

Yeremi 7:6

mbañ o toroxand o gataakoon ole, o waan ole mbaat o ñaaw oxe, mbañ o ƥax no mbiñ onqene fo’oy no xe fi’eerna cageer soo mbañ o ngiɓoor fo roog can, ndik nu qic taamaala took nuun,

A sutax ale 20:3

Faɗooxkiro a roog fa lakas faa refeerna mi.

Yeremi 11:17

O Yaal oxe Hupna fop jimb’oonga, a fosooxanaang taamaala yaam paaxeer ke wiin we Isra’el fo we Yudaa a mbi’na a qoox den. A mbuuxnooraan, ye da ndoxanna a Baal cuuraay.

Yeremi 11:13

Yaam wo Yudaa, jegaa roog kaa mayitna nen teeru ke wo. Wo Yeerusaleem, xa sadaxand gaci xe sipoona kaa mayit nen ped ke wo, xa sadaxand axaa Baal a doxanteel cuuraay.

Mbeeñil 22:15

Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.

1 Maad we 18:21

Maaga, Eliya a matiida xeet faa fop, a lay ee: «A mban nu mbaaskaa ceek-ceeknaa o mbiñ fo mbiñ? A soƥangaa yee o Yaal oxe refu Roog, mbaɗooxeenoo, ta soƥ koy ee Baal oo, mbaɗooxeenoo!» Kaa koy, o leng na xeet faa dooniran tig.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

O leetar ole Pool a bindna GIMU WE NGENNA ROM 2:2

I anda toox de yee Roog a jofa na hate um took no we na mbi’aa nandu neene.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Sofoni 1:5

Xam moocand we na ngungaa na xa tung-took axe mbaambir njeeƈ ne fo o nqool onqe fo xa qoor axe, we na ngungaa, a ndaaɓoortaxam, mi o Yaal oxe, ndaa yaqanee da ndaaɓoortaa a Milkom,

Heseki’el 18:18

Faap um reeƭu o ñaañagadil, a guuɗaa o pog um, fi’ee ndeer xeet um kaa faaxna, o ten na xonkaa yaam tooñ xoox um.

Yeremi 44:3

Keene a xewa, yaam we ngen’ina teen a mbi paaxeer, ndax da mbuuxnooraam. A ndoxana roog can ke cuuraay soo a mbaɗoox a den, ke da and’eerna a den fop oo, ta ref den mbaat nuun mbaat daan nuun.

Yeremi 32:29

Kaakalde we na songaa teeru fene xan a ndok teen, a ngeƥandin. Xan a ndoxin riw, ten fo pind ke Baal a doxantoogeena cuuraay na xa tung-took axe den, soo roog lakas ke a njuuranteel teen, ndax um fuuxnoorel.

Yeremi 13:10

Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.

Haahate we 5:8

Xeet fee kaa njil roog qas boo a tax xire a jib. Pegoor leng sax mbaat a salma waag’aand o ga me no goor cuni qarɓeen nahik kam Isra’el.

A cangatin ale 32:17

A sadaxa cini ke, too ndefee Roog, a sadax roog kaa da and’eerna, roog kaa miñeerna o ngar dara, too daan in and’ee a den.

Esayi 1:13

Mbaasyo sadax ke nu ƥisiidaxam, ƭaxee dara. Cuuraay fee nu sadaxtaa feliraam tus. Mbaasyo toofeen ke nu mbi’aa no nqool o ndeɓ mbaat no pes a ñootnax ke mbaat no qew lakas ke. Saɗiim o ga a paɗax alaa yoonna fo njofaƭar.

Esayi 58:2

Ñaal oo ñaal kaa mbi’ooxaa waa na mbaaƭaxam, nen waa mbugna o and ke um cungaa da mbi. Kaa nandtaa saax laa na mbesooraa ne warna too mbaasee a ƭat ale Roog den a dalinna. Kaa nqeɗaxam kate cofu soo a mbug um ref fa den.

Yeremi 1:16

Neene, xam fadin kate es took no we ngenna no saax le yaam paaxeer ke da mbi’na fop: kaa mbaasaam pelek, a ƥoxot cuuraay roog lakas, a ngungaa mbaambir ke xa ƥay den a njalna.

Yeremi 5:7

O Yaal oxe kaa tee: «Wo Yeerusaleem, xar na taxkaa um waasanong? Xa ƥeef a mbaasaxam pelek soo a ndaaɓoortaa roog tefee ndigil ke. Ci’’aam a den fop ke da soxla’na, ndaa yaqanee da seeqaa, a kitkitnaa me na caga le.

Yeremi 18:15

Yaag oo toox de xeet es a mbeecaxam. Kaa da ndoxanaa cuuraay pangool kaa na tolofnooraa a den na ƭat den, na qal cosaan den, ndax da nqot fo ƭat fo a ƭat akaa mbiisaandeena.

Yeremi 19:4

Yaam we Yudaa a mbaasaxam. A maasanda o mbiñ onqene, a ƥoxot teen cuuraay roog can kaa andoona yee den fa qoox den, daan den fo maad we Yudaa and’ee a den, too a mayƭandta o mbiñ onqene fo’oy no caambuur.

Yeremi 44:8

A pi nuun kaa mbuuxnooraam! Kaa nu ndoxanaa cuuraay roog can ke no saax le Misira, me nu laqooxiidna, ndax nu mbañooxaa, ndef saloor fo niwaƭarel a ndeer qeet ke no lanq ke fop.

Yeremi 44:9

Ndax kaa nu mbeecit a pi a paaxeer ake no daan nuun, ake no maad we Yudaa fo ake no rew den, ake na nuun fa qoox nuun fo ake no rew nuun mbi’eena no saax le Yudaa fo no ped ke Yeerusaleem?

Yeremi 48:35

O Yaal oxe kaa tee: «Xam moocand kam Mowaab we na ñaaƴaa took a ñaang a sadaxand ake, ndax da ƥoxot a roog den sadax toxel kaa yoonandteena cuuraay.

Heseki’el 5:11

Ten taxu ne ta wooritna yee mexe ñoowaa, mi o Yaal oxe na refkaa boo faw kaam ee: Feek kaa nu nqoolaƭarandit o mbiñ o tedu nqe mi cakalaaru ke nuun fop fo cednooxu ke nuun fop, mi itam xam seeƭ a nuun too yirimkiim a nuun, wuuskiim a nuun.

Heseki’el 23:39

Ye da sadaxna xa ƥiy xa koor axe den nitaal pangool ke den, a ndoka no Mbind tedu ne mi no ñaal leng kut ne, ndax da maasandin. Keene o mat a mbi’u kam Mbind ne mi.

Hoose 2:13

Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

Hoose 6:9

A yaj ale no saasadax we kaa nand fo saasaay kaa na ƥeedaa o kiin. Kaa mbaraa wiin we na ƭat ale Sikeem, ta ref tig cednooxu.

Amos 4:5

Ƥoxotyo sadax fa ngidmir, yoonandtin poɗaxnir! Kaam ee nu yegnit sadax ke nu mbi’aa, yaam keene refu ke nu mbugna, nuun we xa taan Isra’el. Mi o Yaal oxe na refkaa boo faw layun.»

Yeremi 5:2

A ndaaɓooxangaa yee: «Mexe gaañtan o Yaal oxe na ñoowaa!» a taaƥax den xa maaƥ xa ƥor oo.

Heseki’el 20:30

Ten taxu layi mbind Isra’el ee: Keeke o Yaal oxe na refkaa boo faw a layu: Ndax nu nqoolaƭarandoortee nen daan we nuun soo njaga’aa yaa nu ndeefaa roog cakalaaru ke den?