Yeremi 7:7 - NQAARIIT NE ROOG

⁷ yaaga, xam xaƴ a nuun nu ngen mene, kam saax le ci’uuma daan nuun yaaga boo fa ndiik fo boo kili.

Yeremi 7:7 Referans Kwoze

A cangatin ale 4:40

Fat nu ngay bargal um fo kebil um ke um cooxaa a nuun xaye, ndax nu ƭaay, nuun fo xa taan nuun too nquuɗ no saax le o Yaal oxe Roog nuun a ci’na a nuun boo kili.»

Yeremi 25:5

Kaa lul’u a den da lay ee: ‹Mbesyo a cinj boog a ƭat a paaxeer ale nuun fo kañaan ne na pi ake nuun. Maaga, xan nu ngen no saax le o Yaal oxe a ci’na a nuun, nuun fo daan nuun, bo na moos boo moos.

Yeremi 3:18

A koom, we Yudaa xan a soƥik we Isra’el, soo den fop da yoonandoortiid no saax le no ɓemb-roog o janoon, a njagin no saax le ci’uuma daan nuun nen lamatir.»

2 Caloori ke 33:8

Boo xeet fee Isra’el a ngayna kebil es fo bargal es fo ke dalnuuma fop, too o tag es Moyiis a daawnin a den, joqooynoorkiim a den maa goƭna saax le ci’uuma daan den.»

A sutax ale 22:22

Nu ñagadilangaa a den, xan a ƈufginooxaam, mi o Yaal oxe, too fat nu and ee xam nan-giloox a den.

Yeremi 4:1

O Yaal oxe kaa tee: «Wo Isra’el, o nomtooxiidangaa, kaam ee o nomtooxiidangaa me mi, o watnangaa nitaal roog cakalaaru ke wo mbaambir es, waas a coqooyax ale,

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Sofoni 3:7

Kaam layoogu taa kam es ee: ‹Ndiiki koy, Yeerusaleem xan a saɗaraam, a ƭat um a yong na xa soqanqol es. Yaaga ngenand um yaqkaand, too fadinkiim ke hebooxananuuma fop.› Kaa koy, kaa ñof o njimboox na pi a paaxeer a ƥor.

Esayi 1:19

Boo nu njaɓna o nananaam, xan nu ñaamaa paax ke no saax le.

Yeremi 26:13

Ndiiki koy, supityo a pesoorooƭ nuun fo a pi nuun, nan-giloox o ñuxur no Yaal oxe Roog nuun. Yaaga xan o Yaal oxe a ricoox paaxeer ke ta waajan’ina a nuun.