Yeremi 7:6 - NQAARIIT NE ROOG

⁶ mbañ o toroxand o gataakoon ole, o waan ole mbaat o ñaaw oxe, mbañ o ƥax no mbiñ onqene fo’oy no xe fi’eerna cageer soo mbañ o ngiɓoor fo roog can, ndik nu qic taamaala took nuun,

Yeremi 7:6 Referans Kwoze

Yeremi 13:10

Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.

A cangatin ale 8:19

Kaa koy, boo nu mbeecitna o Yaal oxe Roog nuun, ndeefaa roog lakas ke, mbaɗooxaa a den, ngungaa mbaambir den, mexe layaa a nuun xaye yee yaaga xan nu saŋkoox.

A cangatin ale 11:28

Kaa koy, xan nu salooxel, yaa nu nananeerna kebil ke no Yaal oxe Roog nuun, nqaƴ a ƭat ale simuuma a nuun xaye nu ndeef soo mbaɗook roog lakas kaa nu andeerna.

Yeremi 2:34

Fo’oy le no toroxu we mbi’eerna dara oxey na xa lifar axe no ndoki ne wo. Yaag oo toox de betiro a den da mbaƭtaa begax of. Keene fop yaqanee

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Yeremi 19:4

Yaam we Yudaa a mbaasaxam. A maasanda o mbiñ onqene, a ƥoxot teen cuuraay roog can kaa andoona yee den fa qoox den, daan den fo maad we Yudaa and’ee a den, too a mayƭandta o mbiñ onqene fo’oy no caambuur.

Esayi 59:7

O fi paaxeer doŋ a ƈufanaa, a ñofandooxanaa o mbar o cofu xe. Yuuɓee dara a refangeerna o mbi lakas we paaxeer. Muu da ndeefna, a mbaas maaga yaqe fo boom.

A cangatin ale 27:19

‹Oxuu ɗapna hate took a bug o maaf o gataakoon mbaat o waan mbaat o ñaaw a halakooxa!› Fat xeet fee fop a ndoon ee: ‹Amiini!›

A cangatin ale 24:17

«Ba nu ƭap yaa fa hate took o mbug o maaf o gataakoon mbaat o waan. Ba nu njang ñirax no ñaaw nen ngaasnit.

Mace 27:25

Xeet faa fop a ndoona yee: «Fat fo’oy um a yen took in, in fo xa ƥiy in!»

Mace 27:4

too a lay a den ee: «Bakaadaam ye andoona yee kaam ɓoxot fo’oy fo jegee sik.» Maaga, a ndoonaan ee: «A ƭat in yongee teen. Wo andu!»

Heseki’el 18:6

Ñaamkee ñaamel ke ƥoxoteena pangool ke, ɗeetkee farna fo nitaal roog cakalaaru ke no mbind Isra’el, rokkee no tew no kend um, too wondooxkee fo o tew oxaa saqna tap.

A ƭomatax ake 4:13

Keene fop o ngar fo pakaad ke no duleer we fo tooñ ke no saasadax we yoo, den we ƥax’ina kam teeru fee fo’oy le no jofu we.

Yeremi 26:23

A sutta a Uriya Misira, a ƥisin maa no maad Yoyakim. Oxeene a warnoortaan laƥ, a deɓnoor o dal ole ten no gasand ole rool we a ngaseel.

Yeremi 26:15

Kaa rek, fat nu and a paax ee nu mbarangaam, nu ngadooxa fo’oy jaambuur, nuun fa teeru fene fo we ngenna teen. Yaam no ndigil, o Yaal oxe lulaxam me nuun, ndax um yegin a nuun a ƭelem akeene fop.»

Yeremi 7:5

Nu ñaaƴtangaa tigi too mbi ne warna, ngate’it o cofel ndeer o kiin fo o kend um,

Yeremi 2:30

Xawaam a nuun, ndaa ɗaxee dara, nu njaɓee a maƭax aleene. Ndaa kañ, laƥ nuun a ñaama duleer we nuun, nu mband a den nen njogoy.

A kim a tedu ke 106:38

A ƥaxa fo’oy le no caambuur ke, fo’oy le na xa ƥiy den xa koor fo xa tew, sadaxeena pangool ke no Kaakanaan we, too saax le a maasandte a bar.

2 Maad we 24:4

fo itam fo’oy no caambuur ke ta ɓaxna boo Yeerusaleem fop a may fo fo’oy no caambuur taxu o Yaal oxe bug’ee o waasanit.

2 Maad we 21:6

A reta sax boo a dox o ƥeem o ngoor nen sadax, a ɗeetaa, a ñango’aa soo a dalin waa na ƈufginooxaa xon we fo maɗag. Kaa moƴ’u moƴ o fi’aa kaa faaxeerna na kid no Yaal oxe, a fuuxnooran.

A paɗax ale 25:17

Ba o leng na nuun a nax o kend um, ndaa saɗaryo a Roog nuun. Mi refu o Yaal oxe Roog nuun.

Yeremi 5:28

a magin, a naag naluƈ. Kaa ngupal na pi a paaxeer. Naangee o ƥoxottaa ɓur, ɓur le no waan ole, too kaa texeyaa. A ƭat den yongee na wargal no ndool onqe.

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Heseki’el 22:7

Faap fa yaay kaa nqeefel me wo, o gataakoon ole a ñagadileel a ndeer of, o waan ole fo o ñaaw oxe a mbalteel.

A paɗax ale 19:33

Boo o gataakoon a geniidna me nuun no saax nuun, ba nu ñoowit onj um.

Xa peƭit axe 23:10

Ba o riñ a tet ake mbiiseena yaaga, ndax o rok kam o qol no waan ole,