Yeremi 7:5 - NQAARIIT NE ROOG

⁵ Nu ñaaƴtangaa tigi too mbi ne warna, ngate’it o cofel ndeer o kiin fo o kend um,

Yeremi 7:5 Referans Kwoze

Yeremi 22:3

Keeke o Yaal oxe a layu: Ñaaƴinyo a ƭat fo o cofel, suqit oxe na toroxandeel na xa ƥay no ñaañagadil oxe! Ba nu toroxand o gataakoon ole mbaat o waan ole mbaat o ñaaw oxe, ba nu ñagadil a den too ba nu ƥax no mbiñ onqene fo’oy jaambuur.

Yeremi 7:3

Keeke o Yaal oxe Roog fee Isra’el Hupna fop a layu: Ñaaƴityo too mbi ne warna, yaaga xam xaƴ a nuun nu ngen no saax lene.

Esayi 1:19

Boo nu njaɓna o nananaam, xan nu ñaamaa paax ke no saax le.

Heseki’el 18:17

Lalitkee o hup doole took no toroxu xe, rawnitkee took o yaakaar teen tig mbaat ta hupal no ndimand, a reefaa kebil es soo a gayaa bargal es, oxeene xonkee yaam tooñ ne faap um, a woora yee xan a ñoow.

Heseki’el 18:8

Rawnitkee took o yaakaar teen tig, hupalkee no rimand o lad um, fi’kee njofaƭar, too a hate’taa o cofel ndeer o kiin fo o kend um.

Esayi 16:3

«Cooxi a in o as too heboox, ndax o dimle a in. Yookti a in a saytax of njoloor o mbuc, ne o yeng ole a letnitaa yook um. Ɗasni we laqooxna, too ba o lalit we ƥostooxna.

Haahate we 21:12

A soƥa Yabes kam Galaad xa caaƈ xa tew teemeed nahik axaa andafuleerna adna, a ƥis a den no saŋe naa Silo kam saax laa Kanaan.

Haahate we 5:1

No ñaal naaga, Debora a xaana a kim aleeke, a yoon fa Barak fee o ƥiy Abinowam:

A paɗax ale 25:17

Ba o leng na nuun a nax o kend um, ndaa saɗaryo a Roog nuun. Mi refu o Yaal oxe Roog nuun.

Yeremi 21:12

nuun mbind Dawid! «Nqes nuu nu ngate’aa, ngate’ityo o cofel, suqit oxe na toroxandeel na xa ƥay no ñaañagadil oxe, ndik fuux es a biltoox nen fiɗel, a doxaa too waagkaand o ñuf, yaam a pi a paaxeer ake nuun! Mi o Yaal oxe layun.

Yeremi 22:15

Ndax kaa o bug o lalit ee o maad tigi refo yaam ne o yuxmaa a patax ndaxar seedar? Ndax faap of ñaamoogee, a yeraa nen a wo? Yaag oo toox de a ƭat fo o cofel a ñaaƴnoogu, too fop a faax’a no ten.

Yeremi 26:13

Ndiiki koy, supityo a pesoorooƭ nuun fo a pi nuun, nan-giloox o ñuxur no Yaal oxe Roog nuun. Yaaga xan o Yaal oxe a ricoox paaxeer ke ta waajan’ina a nuun.

Sakari 7:7

Ndax keene refee fa lay fee o Yaal oxe a layna a reefandin no duleer we yaaga, ye Yeerusaleem a geneena too a ref no yaadax, ten fo teeru ke mbiduuna, soo o jegel ole no ɓemb-roog o ñamaak fo ole na yulanq ake a ngenel itam?

Heseki’el 18:5

O kiin oxe jofna, kaa ñaaƴnaa a ƭat fo o cofel.