Yeremi 7:33 - NQAARIIT NE ROOG

³³ Xa tal axe na xeet feene xan a ndef ñaamel tiiƭ ke fo ƥaaɓaan ke no lanq ke, too o leng fiiqilkee a den.

Yeremi 7:33 Referans Kwoze

Yeremi 12:9

Ndax we jeg’uuma ndefee na mi nen ndiiƭ njeel ndaadam naa tiiƭ taadam lakas ke a songna o saax oo saax? ‹Ndetyo mbokat ƥaaɓaan ke na koƥ ale fop! Ƥisiidyo a den da ñaam!›

A cangatin ale 28:26

Xa tal nuun xan a ndefik ñaamel a tud ake fo ƥaaɓaan ke no lanq ke, too o leng fiiqilkee a den.

Heseki’el 39:4

Xan o yen took xa coong axe Isra’el, wo fo a yaj no xiixire of fop fo qeet ke yoonna fa wo fop. Xam ɓoxot o dal of ta refik ñaamel a tud ake fo kuu na yetaa fo ƥaaɓaan ke na koƥ ale.

Yeremi 34:20

Ten taxu, xam ɓoxot a den na xa ƥay no fañ den, na xa ƥay no we mbugna njang o ñis den, too xa tal den xan a ndefik ñaamel a tud ake fo ƥaaɓaan ke no lanq ke.

Yeremi 25:33

We o Yaal oxe a warkaa a koom xan a luuñaa maaga, no cat leng boo no cat lakas no lanq ke. Nqaaraandkaand, ngiskaand too ngaskaand. Xan a ndefik tosir lanq ke.

Yeremi 22:19

Xan a gastel nen o faam, a ɗooqel soo a deɓel tafil tokand ke Yeerusaleem.»

Yeremi 19:7

No mbiñ onqene, xam kasaara’in yuuƥ ke no we ngenna Yudaa fa Yeerusaleem. Xam maafit a den laƥ no fañ den fo o ɓay no we mbugna njang o ñis den soo ɓoxot xa tal den da ndefik ñaamel a tud ake fo ƥaaɓaan ke.

Yeremi 16:4

Xan a nqonit no jir waawar. Nqaaraandkaand too ngaskaand. Xan a ndefik tosir lanq ke. Xan a pattel laƥ fo biim, soo xa tal den a ndef ñaamel a tud ake fo ƥaaɓaan ke.»

Yeremi 9:22

O Yaal oxe kaa tee: «Baa o yaal-o-and oxe a fakoorit o and um! Baa jambaar fee a fakoorit njambaar um! Baa o yaal halal oxe a fakoorit halal um!

Esayi 18:6

Keene fop xan a xaƴanel a tud ake na xa coong axe fo muumeen-a-koƥ ke. A tud ake xan a ndiig took den, soo paafaal ke na koƥ ale fop a ƈiid teen.

Yeremi 14:16

Xeet fee da ndaawinna yegnit padafuleer den o mat xan a ndeɓel no ped ke Yeerusaleem yaam o ngar fo biim le fa xire fee. Jegkee o leng oxaa gasna a den na mboy, den oo rew den oo, xa ƥiy xa koor den fo xa ƥiy xa tew den. Neene, xam fudin took den paaxeer ke da mbi’na.

Yeremi 15:3

O Yaal oxe kaa tee: «Xa qos xa nahaq a ƭom um xawitkaa a den: Laƥ ne xan a war a den, xa ƥox axe a listir a den soo a tud ake fo ƥaaɓaan ke a ñaam a den, a salax a den.

Heseki’el 29:5

Xam deɓong na koƥ-a-ƥor ale, wo fo liƥ ke na xa quluɓ axe wo fop. Xan o yen na xa qol axe, giskaandee too gaskaandee. Xam deɓong, ndax o ref ñaamel ƥaaɓaan ke no lanq ke fo tiiƭ ke na asamaan.

A cangatin ale 8:20

Nu nan-gilooxangee o ñuxur no Yaal oxe Roog nuun, xan nu saŋkoox nen qeet ke o Yaal oxe a saŋikkaa mbaambir nuun.»

Yeremi 9:21

O Yaal oxe kaa tee: «Wo Yeremi, yegnitahini fa lay feeke: Xa tal axe no wiin we xan a luuñaa nen suqi faa picteena na xa qol axe, nen xa yaƥ axaa o saasaxad a xaƴna a cinj um, too o leng gisee a den.»