Yeremi 7:30 - NQAARIIT NE ROOG

³⁰ O Yaal oxe kaa tee: «Wiin we Yudaa a mbi’a kaa faaxeerna na kid es. Kaa ƥek nitaal roog cakalaaru ke den kam Mbind ne kesaneema, ndax da nqoolaƭarandin.

Yeremi 7:30 Referans Kwoze

Heseki’el 7:20

Kelax den kaa mbi’in ka’atinoor. A njala teen nitaal roog cakalaaru ke den, nitaal cednooxu ke den. Ten taxu xam fi ta refat na den ƭaaq.

Yeremi 32:34

A ƥeka nitaal roog cakalaaru ke den kam Mbind ne kesaneema, ndax da nqoolaƭarandin.

Dañel 9:27

Na xa kiid ɓetaa ƭaq xa palakaand axe, xan a gadin wiin mayu cerit ƭomu. Xa kiid axeene a ndokangaa a ndeer koy, xan a xañit sadax muumeen ke fo sadax tuufe-duufe ke sax. Cakalaaru ke sibdeena xan a sipel me moƴna goƭ took no Mbind Roog ne, boo yaa o yaayaq oxe sipuuna maaga a gefkeel tuƈ, ne Roog a dalnit’uuna no ten.› »

2 Caloori ke 33:7

A ɓeka nitaal ne na fangool fee ten ta fi’in’ina kam Mbind Roog ne, me Roog a layit’ina a Dawid fa Salomo fee o ƥeem ee: «No mbind neeke fo kam teeru feeke refna Yeerusaleem fee jilooduuma a ndeer a carind ake Isra’el fop bugum gon es a gen boo kili.

2 Maad we 21:7

A ɓeka nitaal sexe ne Asera ta fi’in’ina kam Mbind ne o Yaal oxe a layit’ina a Dawid fa Salomo fee o ƥeem ee: «No Mbind neeke fo na teeru feeke refna Yeerusaleem fee jilooduuma a ndeer a carind ake Isra’el fop bugum gon es a gen boo kili.

2 Maad we 21:4

A maxa xa sadaxand xa andand no Mbind ne no Yaal oxe, me o Yaal oxe a lay’ina yee: «Yeerusaleem gon es a genkaa.»

Yeremi 23:11

O Yaal oxe kaa tee: «Duleer we fo saasadax we sax kaa laawoox. Kam Mbind es sax soƥaam teen kañaan den.

2 Caloori ke 33:15

A watna roog can ke fo nitaal ne na fangool fee ten ta ɓek’ina kam Mbind ne no Yaal oxe, a jiƭit xa sadaxand axe ta max’ina took o joong ole no Mbind ne no Yaal oxe fo kam Yeerusaleem. A ɓaxka a den tafil teeru fee.

2 Maad we 23:12

O maad oxe a gefa xa sadaxand axe ndeeƭna took bomb le na ndok-took ale Ahas, too maad we Yudaa a mbi’’u a den. A gefa itam xa sadaxand axe Manaase a fi’in’ina kam xa maax xa ƭaq axe no Mbind ne no Yaal oxe. Cinj ye ta duguñna a den, a bufa kefatin ke fop, a ɓaxik a den na yulanq alaa Kederon.

2 Maad we 21:3

A maxatina a ñaang a sadaxand ake faap um Hiskiya a moocand’ina. A geennana a Baal xa sadaxand, a lupan a Asera o daaƴ, ne Ahab fee reeƭna o maad Isra’el a fi’it’uuna, soo a gungaa mbaambir xa qoor axe na asamaan.

2 Caloori ke 33:3

A maxatina a ñaang a sadaxand ake faap um Hiskiya a yaq’ina. A geennana a Baaliin xa sadaxand, a lupan a Aserayiin xa taaƴ, soo a gungaa mbaambir xa qoor axe na asamaan, a faɗooxaa a den.

Esayi 66:4

mi itam, xam sawar no xijil a den soo ɓisiid me den paaxeer kaa da saɗarna, yaam kaam xoy, ndaa o leng na den jaaɓee, um lay fa den, da mbañ o nan-giloox. Ke faaxeerna na kid es doŋ a mbi’u, too ke feleeraxama a njilu.»

Yeremi 16:18

Xam eet o rabid a den boo a caf a ƭak tooñ den fo pakaad den, yaam kaa maasandit saax le mi nitaal cakalaaru qonu ke den soo a mayƭandit mbaaxaan ne mi roog tefee ndigil cednooxu ke den.»

Yeremi 32:35

A maxana a Baal a ñaang a sadaxand na yulanq alaa Ben-Hinom, ndax da ndoxan a Molok xa ƥiy xa koor axe fo xa tew axe den. Hebliim a den keene too mosinum o xalaat sax. Ye da mbi’na cednooxu nandu neene, a mbakaadnoora xeet fee Yudaa.

Dañel 11:31

Xan a luliid xiixire da maasand o mbiñ o tedu nqe refna saŋe ne, a ñuf sadax ke ƥoxotoogeena a Roog bes fuu refna, a sip maaga Cakalaaru ke sibdeena.

Heseki’el 8:3

A letna kaa saxitna nen o ɓay, a pok joƥ wiil no xoox es. Yiif le a gifaxam, a yoɗaam ndeer asamaan fo lanq, soo a ɓisaam Yeerusaleem no peeñil katu na Roog, farna fo ndokand ne no don-maax kam ole faambirna fo o ɓemb-roog o janoon, me nitaal roog fa naalu fee a sipeena, ten oxe na gartaa naal ne.