Yeremi 7:29 - NQAARIIT NE ROOG

²⁹ Nuun xeet fee Yudaa, nduusyo a biil a ciig ake nuun na laltaa a ƥoxotax nuun no Yaal oxe, ndeɓ a den! Yoɗyo a kim a ƭomatax took xa coong axe naangna halit, yaam o Yaal oxe kaa sib too a deɓ suk ne mbuuxnooruuna.

Yeremi 7:29 Referans Kwoze

Ke bindeena no xe ne’eena YOB 1:20

Maaga, Yob a inooxa, a faar sabadoor ne ten, a ruusoox ɓula, a gung a lanq

Mise 1:16

Nuun we ngenna Yeerusaleem, nduusooxyo, mboy wiil nuun, naqadiloox yaam xa ƥiy axe nuun nu mbexna mbex! Meelinyo a qoox nuun nen a tud, yaam xan xa ƥiy nuun a ƥisel gilaa saax took o hup doole, maa goƭna a nuun.

Yeremi 6:30

Kaa nqoyeel xaaliis fa sibel, yaam o Yaal oxe kaa sib a den.

Yeremi 16:6

Kam saax lene, yaal kalal oo rool oo xan a nqon. Ngaskaand, mboykaand, too o leng ñaasooxkee mbaat ta xanqoox, ndax ta lalit naqad um yaam den.

A pi ake 2:40

Maaga, Piyeer a saƭakina a den fo fa lay fa lakas fa mayu, too a maƭoox a den ee: «Njaɓyo muc no wiin faaxeer we ndiiki.»

Mace 16:4

Xeet fa soxodu fa ngore’aƭaru fene fesna a Roog a cinj, oxe xeɗaa o anddiloor, ndaa Roog ci’kee a den o anddiloor o lakas olaa refeerna ole Yoona.» A xaƴa den maaga, soo a ret.

Mace 12:39

Yeesu a doona a den ee: «Xeet fa soxodu fa ngore’aƭaru fene fesna a Roog a cinj, oxe xeɗaa o anddiloor. Kaa koy, Roog ci’kee a den o anddiloor o lakas olaa refeerna ole no tuleer oxaa ne’eena Yoona.

Mace 3:7

Yaa Saŋ a ga’na Farisiya waa fo Sadusiya waa a ngaraa ndax da mbatiise’el, a laya a den ee: «Nuun soo ndef fo nqisiil! An lalgandu a nuun nu ƈuf fuux le Roog na garaa?

Heseki’el 28:12

«Wo fee o ƥiy no kiin, ferani o maad oxe Tiir a kim a mboy! Fat o layin ee: Keeke o Yaal oxe na refkaa boo faw a layu: Kaa o reeƭu o anddiloor no ñak sik, may muut fo o and, saq o mosel o jegee sik.

Heseki’el 19:1

«Wo koy, yoɗi a kim a ƭomatax no gelwaar we Isra’el.

Yeremi 48:37

A qoox ake fop a nduuse, xa taatam axe fop a mboyel, xa ƥay axe fop a ñaasel, soo tet ke fop a ñirel xa saaku.

Yeremi 47:5

We Gaasa a nduusooxa a ƥula, a ndef no ñaawax, Askalon a naag yereŋ. Nuun yoqatin we na yulanq ale den, kaa nu mbugko ñaasooxaa boo a mban, ndax nu lalit naqad nuun?

2 Maad we 17:20

Ten taxu o Yaal oxe a deɓ xa taan axe Isra’el fop ne da mbodeena, a neewand a den soo a ɓoxot a den na xa ƥay no we njangaloogna a den boo a paf o deɓ a den maa goƭuuna.

A cangatin ale 32:5

Xeet fene kaa laawoox, o ndef xa ƥeem a jombata a den. Kaa mbuulnooraa ƭool, a ndef suk yaqooxu naa ngalafna.

Esayi 22:12

A koom, o Yaal oxe na refkaa boo faw Hupna fop kaa sim’u a nuun nu lool, ƭomatoox, nduusoox soo nderoox xa saaku,

Yeremi 3:2

Deɓi a kid of farna fo xa coong axe naangna halit too ɗeet, ndax a jega teen maa wondoortaandee’oona. Kaa o moofoogu na ƭat ake, cungaa a den, nen o molaan kam a koƥ-a-ƥor, na cungaa kaa ta damna. Xoolaƭarandtaa saax le njaga of fo a pesoorooƭ of a paaxeer.

Yeremi 3:21

O ñuxur ole nannooxaa took xa coong axe naangna halit: Ii-isra’el we yoo, na loolaa soo a ƈufginooxaa, yaam kaa ƭap a ƭat den, a mbeecit o Yaal oxe Roog den.

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Yeremi 12:7

O Yaal oxe kaa tee: «Waasaam mbind es, pilid xeet fee jeg’uuma. Ɓoxotaam oxe fex’uuma fex na xa ƥay no fañ um.

Yeremi 14:19

O Yaal oxe, ndax kaa o deɓ a Yudaa wol? Ndax kaa Siyoŋ a maasong ƴam? Xar taxu o gaañ a in boo i mbaagatee o mbod? Jam i yaakaaroogu, ndaa jegee dara kaa faaxna. Kaa i cungoogu mbodandel, ndaa diid soom refu meen.

A ƭomatax ake 5:22

Ndi toox kaa o deɓkaa a in boo xoo, fuuxan a in boo ta hup?

Amos 5:1

«Nuun mbind Isra’el, nan-gilooxyo a ƭomatax es took nuun.

Yeremi 9:16

Keeke o Yaal oxe Hupna fop a layu: «Nqalaatyo a paax ke layuuma! Nqoyyo rew we na ƭomatooxaa, da ngar! Nqoyniidyo rew waane’u we!»