Yeremi 7:25 - NQAARIIT NE ROOG

²⁵ No kaa xotitna no ñaal naa daan nuun a sutoorna no saax laa Misira, a gar fa xaye, kaam lultiidoogu a nuun duleer we dag es, roog fuu feedna um luliid a den.

Yeremi 7:25 Referans Kwoze

Yeremi 25:4

O Yaal oxe a lultiida a nuun duleer we dag um fop, roog fuu feedna ta luliid a den, ndaa nu nan-gilooxee, nu ndungee nof nuun, ndax nu nan.

2 Caloori ke 36:15

O Yaal oxe Roog fee no daan den a maƭoox’a a den teelu, a reefandin no duleer we ten, yaam a bug’u o yirim xeet um fo Ngenand ne ten.

Heseki’el 2:3

A layaxam ee: «Wo fee o ƥiy no kiin, mexe lulang me no Ii-isra’el we, xeet fa mbaafañ feene siiknoorna fa mi. Boo xaye, den fo daan den kaa ngodaam.

Yeremi 7:13

Ndiiki koy, mi o Yaal oxe, mexe layaa a nuun ee nu mbi’a a pi akeene fop. Roog fuu feedna um lay fa nuun, too nu nan-gilooxee, um xoy a nuun boo naag cat, too nu njaaɓee.

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

Nehemi 9:30

Muñanaa a den boo xa kiid xa mayu, maƭoorit a den Yiif of, na pexey duleer of, ndaa nan-gilooxee. Maaga, ɓoxotaa a den na xa ƥay no qeet can ke.

Esdaraas 9:7

No kaa xotitna no camaane kaa no daan in boo xaye tooñ in a magna lool, too pakaad in taxu i ƥoxotel, in fo maad in fo saasadax in, na xa ƥay no maad jan, ndax i mbarel, ƥisel took o hup doole, ngefel soo neewandel, ne ta maadna o refaa boo xaye.

A cangatin ale 9:7

«Mbetandooxyo too ba nu mbeecit muk ne nu mbuuxnoortoogna o Yaal oxe Roog nuun kam a koƥ-a-ƥor alaa. No kaa xotitna no ñaal naa nu sutooxna saax laa Misira boo neen nu mbadiidu o mbiñ onqene kaa nu siiknooraa fo ten.

YEGIL MBAAX NE YEESU ne Lik a bindtuuna 11:49

Ten taxu, oxe na xoyeel o Jeg-yiif ole Roog a laya yee: ‹Xam ɓisiid a den duleer fo apootar. Xan a mbar leng we, lakas we da ñagadil a den.›

2 Caloori ke 24:19

O Yaal oxe a lultiida a den duleer ndax weene a nomtiid a den me ten. Duleer we a ƥanja a den, ndaa a mbaña o nan-giloox a den.

Esayi 5:4

Ndax waag’aanum o fi’an kupu ke fi’uuma? Mexey yaakaarooga o jegit teen xa tim biiñ xa safu, soo ta dek a rimik kaa jaɓeerna no don.

Yeremi 11:7

Yaam kaam maƭooxoogu daan nuun no kaa xotitna a koom alaa suttuuma a den no saax laa Misira, a gar fa xaye. Kaam maƭooxoogu a den roog fuu feedna yee: Nan-gilooxyo o ñuxur es!

Yeremi 25:3

«No kaa xotitna no hiid xarɓaxay fo o hiid o dadkandeer ole no maat Yosiya fee o ƥiy Amon too a ref o maad Yudaa, a gar fa xaye, xa kiid qarɓeen ƭik fo xa kiid xa tadaq axey axaa um daawaa fa lay fee no Yaal oxe, yegnan a nuun roog fuu feedna, ndaa nu nan-gilooxee.

Yeremi 29:19

yaam nan-gilooxee fa lay es, den we um lultiidaa roog fuu feedna duleer we dag es. Nuun o mat oo, nu nan-gilooxee a den. Mi o Yaal oxe layun.›

Yeremi 35:14

Yoonadab fee o ƥiy Rekab a xañta xa taan um da yer biiñ, too a ngayaan. Boo xaye sax yeree biiñ, yaam a nananaa ke o taan den a heblitna. Mi o mat, layaam fa nuun roog fuu feedna, ndaa nu nan-gilooxiraam.

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Yeremi 44:4

Kaam gen no luliidaa a nuun duleer we dag es ñaal oo ñaal, ndax da lay a nuun ee: ‹Mbaasyo a pi a cednooxu leene sibuuma!›

Hoose 12:10

Mi refu o Yaal oxe Roog nuun sutitna a nuun Misira. Xam gennoorahin a nuun kam ƭiif, nen ye um garaa me nuun kam a koƥ-a-ƥor alaa.

Amos 2:11

doon teen sutit na xa ƥiy nuun duleer, xa taan nuun a ndef we nqaƴna fop a ƥoxotoox na mi. Ndax refee ndigil? Layaamoo, nuun we xa taan Isra’el! Mi o Yaal oxe layun.

Malaki 3:7

No kaa xotitna no camaane kaa no daan we nuun kaa nu ngoƭatir fo kebil es, mbañ o ndeef a den. Mi o Yaal oxe Hupna fop, kaam ee: Nomtooxiidyo me mi boog, too mi yoo xam nomtooxiid me nuun, ndaa kaa nu laamtaa yee: «Xar i mbi’u boo o layaa a in keene?»,

Hoose 11:7

Xeet es kaa nqar no mbesaam a cinj. Kaa nqoyel me na mi fee Took-ee-took, ndaa o leng na den inooxee.»