Yeremi 7:24 - NQAARIIT NE ROOG

²⁴ Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

Yeremi 7:24 Referans Kwoze

Yeremi 8:5

Xar taxu xeet fene na Yeerusaleem a ƭap a ƭat ale, a moƴ o mudaa no ngore’aƭar? Kaa da saaƭoox no naanaxir, a mbañ o nomtooxiid me mi.

Yeremi 7:26

Kaa koy, nu nan-gilooxiraam, nu ndungee nof nuun. Kaa nu saƭik a qoox, moƴ o yedin daan nuun.

A cangatin ale 29:19

O Yaal oxe bugkee waasan oxeene kiin, ndaa fuux le fo naal ne ten xan a mbiltooxanin, too a salax ake fop mbindeena no safe lene xan a ndal took um, soo o Yaal oxe a ñuf gon um took lanq ke.

Heseki’el 20:13

Kaa koy, mbind Isra’el a siiknoora fa mi kam a koƥ-a-ƥor ale. Ndeefee bargal es, too a ndeɓa kebil es ke o kiin oxe a warna o fadin, ndax ta ñoowit na den. A maasanda pes a ñootnax ke mi, a mbañ o mbaas. Xalaataam o sayan a den kam a koƥ-a-ƥor ale, ndax um saŋik a den.

Yeremi 32:33

Kaa mbesaam ndiiñ, a mbañ o ƭeetaam. Ke aqatinuuma a den roog fuu feedna fop oo, nan-gilooxee, ndax da njaɓ a maƭax es.

Hoose 4:16

Feek Isra’el kaa ɓoow boo nen naak faafañ, o Yaal oxe xaƴkiran ta jeg a xoox um nen mbaal kam xa suufand xa yaaju.

Heseki’el 20:21

Kaa koy, xa taan axe a siiknoora fa mi. Ndeefee bargal es, ngayee too mbadnee kebil es ke o kiin oxe a warna o fadin ndax ta ñoowit na den. A maasanda pes a ñootnax ke mi. Xalaataam o sayan a den, fagiɗ fuux es tak took den kam a koƥ-a-ƥor ale.

Heseki’el 20:8

A siiknoora fa mi, a mbañ o nan-gilooxaam. O leng na den deɓee cakalaaru ke yul’ina a ngid um, too mbaasee pangool ke Misira. Maaga, xalaataam o sayan a den, fagiɗ fuux es tak took den a ndeer saax le Misira.

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Yeremi 3:17

Maaga, Yeerusaleem xan a xoyateel ‹uum-maamaad le no Yaal oxe›. Qeet ke fop xan a mbokatoor Yeerusaleem, ndax da mbaɗoox o Yaal oxe, too xan a mbaas o nqox no saƭik xoox ole den.

Yeremi 2:27

Kaa layaa a teex ale yee: ‹Wo refu faap es›, soo ɓil le da layin ee: ‹Wo rimaxam na adna fee!› Kaa mbesaam ndiiñ, a mbañ o ƭeetaam, mi o Yaal oxe. Kaa koy, taamaala a sagooxangaa a den, da ndamtaam ee: ‹Inooxi mucil a in!›

Nehemi 9:29

Maƭooxaa a den, ndax da nomtooxiid no kebil of, ndaa den o mat, a magnandooxooga, a mbañ o ndeef kebil of. A ƭapa bargal ke wo o kiin oxe warna o fadin, ndax ta ñoow. Kaa nquun yaam nanaƭar, a saƭik a qoox, a mbañ o nan-giloox.

Heseki’el 20:16

feek kaa nqeef’u kebil es, a mbañ o ndeef bargal es soo a maasand pes a ñootnax ke mi, yaam xeeñ den a saaƭoox no pangool ke den.

Yeremi 23:17

Kaa ngen no layaa we nqeefaxama yee: ‹O Yaal oxe kaa tee: Xan nu njeg jam.› Kaa layaa fop we na ndeefaa o saƭik xoox ole den ee: ‹Paaxeer leng dalkee a nuun.›

Yeremi 9:14

Ten taxu o Yaal oxe Roog fee Isra’el Hupna fop a lay ee: «Xam ñaamnoor xeet feene qaaɗu, soo yernoor a den foofi laa jegna ndoxar.

Yeremi 13:11

Yaam kat, ne o koor a humnoortaa o kumnoor no ndet um, neene humnoorit’um maat ne Isra’el fop fo ne Yudaa fop, ndax da ndef xeet es, o niwel es, a simat es fo kelax es. Kaa koy, nan-gilooxee.» O Yaal oxe layun.

Yeremi 16:12

Nuun koy, nuun moƴu o mbi paaxeer daan nuun. Oxuu refna na nuun oxey a xoxa no saƭik xoox um, a fañ o nan-gilooxaam.

Yeremi 17:23

Kaa koy, daan nuun nan-gilooxee, ndungee nof den, a saƭik a qoox, ndax nan-gilooxkiraam soo a mbañ a cangin es.»

Yeremi 18:10

Kaa koy, boo xeet feene a fi’na paaxeer na kid es, a fañ o nan-giloox o ñuxur es, maaga xam ricoox paax ke yuuɓan’anuuma.

Yeremi 18:12

Kaa koy, kaa layaa yee: ‹Ɗaxee dara! Xan i ñoowtaa naa felitna a in! Oxuu refna na in xan a xox no saƭik xoox o faaxeer um.› »

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Hoose 10:6

Xan a ɓisel Asuur, ndax ta ref ɗang no maad o maak oxe. Xan gaci a dam a Efrayim, Isra’el a sed ɓot no yuuƥ ke ten.

Mise 6:16

Kaa nu ndeefaa o jaf Omri, laalaa a pesoorooƭ ake Ahab fee o ƥeem fo xa taan um fop, ndeefaa xa as den. Ten taxu xam ɓoxot teeru fee nuun, ta gefel, soo nuun we ngenna teen, um fi a nuun calat. Xan nu nqeefel a ndeer qeet ke fop.»

A kim a tedu ke 81:13

Maaga, xaƴaam a den no ŋaj den, da ndeefan yuuƥ ke den.

Yeremi 3:13

Anddilooxi tooñ of rek, jaɓ ee siiknooraa fo o Yaal oxe Roog of. Kaa o siipanoogu muu refna, me no roog can ke, yoora ndaxar nquƥu nuu refna, too nan-gilooxiraamo.› » O Yaal oxe layun.

Yeremi 6:16

Keeke o Yaal oxe a layu: «Ngeenooxyo ƭeet me nu nqotaa, laamit a qal ake yaaga. Mbaaƭyo a ƭat a paax ale soo ñaaƴ teen. too xan o laaw nuun a ñootnoox. Kaa koy, nu ndoona yee: ‹I ñaaƴkee teen.›

Yeremi 13:10

Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.

Yeremi 17:9

Xeeñ no kiin moƴu o naɗoox kuu refna, too waagaand o wodand! An waagun o and?

Yeremi 22:21

Lay’aam fa wo yaaga dara jaaxɗandirang, ndaa o doonaam ee: ‹Nan-gilooxkiim.› Keene refu a pesoorooƭ of no kaa xotitna no ndeƥandoong of, yaam nan-gilooxiro o ñuxur es.

Yeremi 32:23

A ndoka teen, a njangin, ndaa nan-gilooxee o ñuxur of, ndeefee kebil of, mbi’ee dara no ke hebil’oona a den da mbi. Ten taxu, o sag a den taamaala feeke fop.

Dañel 9:6

I nan-gilooxee duleer we dag of layanoogoonga fo maad we in fo kelfa ke in fo daan we in fa xeet fa muum fee no saax le.

Sakari 7:11

Kaa koy, a mbaña o nan-giloox, a nquun soo a sux nof den, ndax nankee.