Yeremi 7:23 - NQAARIIT NE ROOG

²³ Kaa kañ keeke heblum a den: Nan-gilooxyo o ñuxur es, too xam ref Roog nuun, nu ndef xeet es. Ñaaƴyo na ƭat ake simuuma a nuun fop, ndax nu ƭaay.

Yeremi 7:23 Referans Kwoze

A sutax ale 15:26

Keeke mat a layu: «Nu nan-gilooxangaam, mi o Yaal oxe Roog nuun, mbi cofu mbaambir es, ngay kebil es, nanan bargal es, xawitkiim a nuun a cir ake xawtuuma Miimisira we, yaam mi refu o baawaadin nuun, mi o Yaal oxe.»

A cangatin ale 5:33

Fat nu ndeef deŋ a ƭat ale o Yaal oxe Roog nuun a fiisanna a nuun, ndax nu ñoow, ƭaay soo nquuɗ kam saax le nu njegkaa.»

Yeremi 42:6

Ta ref paax mbaat paaxeer, xan i nanan o ñuxur no Yaal oxe Roog in, me no xe i luloonga in fa qoox in. Neene, xan i sawar, yaam ne i nananna o ñuxur no Yaal oxe Roog in.»

Hebre 5:9

Neene a ñaktu sik, boo a refat a cur a muc a pagkeer ale no we nananuuna fop.

A cangatin ale 6:3

Nuun Ii-isra’el we boog, fat nu nan-giloox a den, ngay a den ndax nu ndeef a den. Neene, xan nu ƭaay too siw tigi kam saax le fo sis fo suum a ndaxritaa, ne o Yaal oxe Roog fee no daan nuun a laytuuna a nuun.

A cangatin ale 30:20

Mbexyo o Yaal oxe Roog nuun, nanan o ñuxur um soo ndamoox no ten, yaam no keene o ñoow nuun fo o xuuɗ-o-ñis nuun a ngaɗooxu, too neene nu mbaagkaa o ngenit kam saax le o Yaal oxe a daaɓooxna fo daan nuun Abraham fa Isaak fa Yakoob ee xan a ci’in a den.»

A cangatin ale 13:4

ba nu nan-giloox fa lay um. Fat nu and ee o Yaal oxe Roog nuun na ɗeetloortan a nuun boo a and, ndax nu mbexaan na qeeñ nuun fop fo na xa laaw nuun fop.

Yeremi 11:4

Dalnanaam a den daan nuun a koom alaa suttuuma a den no saax laa Misira, a kaleera cawir celem ale, lay ee: Nan-gilooxyo o ñuxur es too mbi fop ke dalnanuuma a nuun, yaaga xan nu ndef xeet es, soo um ref Roog nuun.

A cangatin ale 5:29

Kaa rek, a njeg’angaa xeeñ leene boo kili, a niwaam soo a ngay kebil es fop, a ƭaaykooga boo faw, den fo xa taan den.

2 Korint 10:5

nduguñaa a magnandax aluu na yaqanaa o and a Roog, soo tañ-tañnaa a qalaat akuu ndefna ndax da nanan a Kiristaa.

A cangatin ale 30:2

Nu nomtooxiidangaa no Yaal oxe Roog nuun, nuun fo xa ƥiy nuun, nanan o ñuxur um na qeeñ nuun fop fo na xa laaw nuun fop, ndeefandin no fop ke um heblaa a nuun xaye,

Yeremi 11:7

Yaam kaam maƭooxoogu daan nuun no kaa xotitna a koom alaa suttuuma a den no saax laa Misira, a gar fa xaye. Kaam maƭooxoogu a den roog fuu feedna yee: Nan-gilooxyo o ñuxur es!

A cangatin ale 30:8

Nuun o mat, xan nu nomtooxiid no Yaal oxe, nanan o ñuxur um soo ngay kebil ke ten fop um cooxaa a nuun xaye.

O leetar ole Pool a bindna GIMU WE NGENNA ROM 16:26

Ndiiki, kaa feeñlel kam a safe ke no duleer we, ne Roog fee na refkaa boo faw a heblituuna. Keene koy kaa andnoorel qeet ke fop, ndax da ngim, too a nanan.

A cangatin ale 4:10

Ba nu mbeecit ñaal ne nu ngeenoox’ina mbaambir no Yaal oxe Roog nuun maaga Horeb, ye o Yaal oxe a layaxama yee: ‹Fokati xeet fee mbaambir es, ndax um daawin a den fa lay es. Neene, xan da niwaam no ñoow den fop too xan a njangnin xa ƥiy den.›

Yeremi 31:33

Kaa koy, keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Maaga, xam ref Roog den, da ndefat xeet es. Mi o Yaal oxe layun.

A cangatin ale 11:27

Xan nu mbarke’el, yaa nu ndeefna kebil ke no Yaal oxe Roog nuun, um cooxaa a nuun xaye.

A cangatin ale 5:16

Niwi a faap of fa ya of, ne heblitoonga o ten, ndax o xuuɗ too ɗaay kam saax le um ci’kang, mi o Yaal oxe Roog of.

A sutax ale 16:32

Took kaaga, Moyiis a laya yee: «Keeke o Yaal oxe a heblu: ‹Njangyo o nqandi o leng, yipin maan bo ta may, ngeekanin xa taan nuun, ndax da nga mbuuru ne ñaamnooruuma a nuun kam a koƥ-a-ƥor ale, a cinj ye sutuuma a nuun saax laa Misira.› »

1 Sami’el 15:22

Sami’el a layaan ee: «Ndax sadax toxel ke fo sadax lakas ke o Yaal oxe a moƴu o bug ee o nanan fa lay um? Nanan ne moƴanun sadax ke, njaɓan ne a moƴanin neebam fee na suk paal ake.

A kim a tedu ke 40:6

O Yaal oxe Roog es, jegiro o nand muk. A pi katil ake fi’anoona a in a maya lool, too ke yuuɓanoona a in a magna. Bugaam o layit a den fop soo yegnit a den, ndaa koy, kaa da may boo mbaagaand o lim.

A kim a tedu ke 81:13

Maaga, xaƴaam a den no ŋaj den, da ndeefan yuuƥ ke den.

Esayi 3:10

Layyo o cofu xe yee a ɗaaya, yaam xan calel um a ndef muud um.

Yeremi 13:11

Yaam kat, ne o koor a humnoortaa o kumnoor no ndet um, neene humnoorit’um maat ne Isra’el fop fo ne Yudaa fop, ndax da ndef xeet es, o niwel es, a simat es fo kelax es. Kaa koy, nan-gilooxee.» O Yaal oxe layun.

Yeremi 22:3

Keeke o Yaal oxe a layu: Ñaaƴinyo a ƭat fo o cofel, suqit oxe na toroxandeel na xa ƥay no ñaañagadil oxe! Ba nu toroxand o gataakoon ole mbaat o waan ole mbaat o ñaaw oxe, ba nu ñagadil a den too ba nu ƥax no mbiñ onqene fo’oy jaambuur.

Yeremi 24:7

Xam ci a den yiif laa da anditna yee mi refu o Yaal oxe. Xan a ndef xeet es, soo um ref Roog den, yaam xan a nomtooxiid me mi fo a qeeñ den fop.

Yeremi 38:20

Yeremi a doonaan ee: «Ɓoxotkaandee. Nan-gilooxi o ñuxur no Yaal oxe ne laytoonga o ten, yaaga xan a malong, too xan o mucil o ñis of.

Sofoni 3:2

Nan-gilooxee o ñuxur o leng, a ƭat um yongee no soqanqol, doonee a koolax um no Yaal oxe, matiidee a Roog um.

Sakari 6:15

Xan wiin a inoor koƭu soo a njal no maq ne no Mbind ne mi. Maaga, xan nu and ee o Yaal oxe Hupna fop lulaxam me nuun. Keene xan a jeg, nu nan-gilooxangaa no ndigil o ñuxur no Yaal oxe Roog nuun.

Sakari 7:7

Ndax keene refee fa lay fee o Yaal oxe a layna a reefandin no duleer we yaaga, ye Yeerusaleem a geneena too a ref no yaadax, ten fo teeru ke mbiduuna, soo o jegel ole no ɓemb-roog o ñamaak fo ole na yulanq ake a ngenel itam?

A cangatin ale 4:40

Fat nu ngay bargal um fo kebil um ke um cooxaa a nuun xaye, ndax nu ƭaay, nuun fo xa taan nuun too nquuɗ no saax le o Yaal oxe Roog nuun a ci’na a nuun boo kili.»

A cangatin ale 13:5

O Yaal oxe Roog nuun soom nu mbaɗooxkaa, saɗarin, ngay kebil um, nanan o ñuxur um, njalanin soo ndamoox no ten.

Ke bindeena no xe ne’eena YOB 36:11

A nan-gilooxangaa soo a nanan, xan a muukit xa yeng den baneex, a paangit xa kiid den kam o ɗaay.

A kim a tedu ke 119:3

Weene naangee o mbi’aa paaxeer leng, ndaa kaa ñaaƴaa na ƭat um.

Yeremi 22:21

Lay’aam fa wo yaaga dara jaaxɗandirang, ndaa o doonaam ee: ‹Nan-gilooxkiim.› Keene refu a pesoorooƭ of no kaa xotitna no ndeƥandoong of, yaam nan-gilooxiro o ñuxur es.

Yeremi 32:23

A ndoka teen, a njangin, ndaa nan-gilooxee o ñuxur of, ndeefee kebil of, mbi’ee dara no ke hebil’oona a den da mbi. Ten taxu, o sag a den taamaala feeke fop.