Biblia Todo Logo
Bib sou entènèt

- Piblisite -




Yeremi 7:20 - NQAARIIT NE ROOG

20 Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Gade chapit la Kopi




Yeremi 7:20
35 Referans Kwoze  

Yaam keeke o Yaal oxe Roog fee Isra’el Hupna fop a layu: ‹Ne fuux es fo o say es a njuumoorna took no we ngenna Yeerusaleem, neene a yenitkaa took nuun, nu ndetangaa Misira. Xan nu ndef saloor fo o njaq, qeefel fo cednooxu, too nu nga’katee saax lene muk.›


Kaa koy, nu nan-gilooxangiraam, nu tedlandangee bes fee na ñootnax ale, ndoxondoox toq soo ndokit no tokand ke Yeerusaleem na bes fee na ñootnax ale, maaga xam heƥand fiɗel no tokand ke ten, ta raaɓ pind mosu ke Yeerusaleem, too ñufkee boo muk.»


Ten taxu o Yaal oxe a fudin took xeet um fuux ɗomu le ten fa xire fa ƭomu. Ƈulfaan kaa mbidin muu refna, ndaa taxee ta and, o dox ole a daawin, ndaa haaliran.


Ndi an waagu geenoox, yaa ta fuuxna? An waagu waag o foñ fuux ɗomu le ten? Ngañak ne ten kaa biltooxaa nen fiɗel, soo a ƥil ake a qaacooxaa mbaambir um.


Ne xaaliis a naayniteel a ndeer ndoxand, neene nu naaynitkeel a ndeer fuux le mi kam Yeerusaleem, too xan nu and ee mi refu o Yaal oxe, na ɓaxaa fuux es took nuun.»


O Yaal oxe a ɗaxda fuux um, a bilit fuux ɗomu le ten. A heƥanda fiɗel kam Siyoŋ, ta raaɓ boo na per ake ten.


Maaga, o say es fo fuux es a njuumooxa, a ndaaɓ teeru ke Yudaa fo ped ke Yeerusaleem. Teeru keene a ndefata juum kefatin, a mbes a pec, ne ta waageena o ga’it xaye.


«Maaga, a sutooxangaa, xan a nga’aa xa tal axe no wiin we siiknoor’ina fa mi. Ngusax ne na ŋereñaa a den xonkee, fiɗel le na raaɓaa a den ñufkee muk, too xan a sibdoox no pindeef ke fop.»


Feek kaa mbaasaam pelek, a ƥoxotaa cuuraay roog lakas ke, a mbuuxnoortaam a pi den fop, ten taxu fuux le mi a biltooxan o mbiñ onqene too ɓooskee.›


oxaaga kiin xan a yer na biiñ fee no fuux le Roog. Biiñ feene koy julaand tus, too Roog kaa yipan no feeƭ ole saqna fuux le ten. We na mbesooraa neene koy, xan a toroxandel kam fiɗel laa fo nqeen kaa mbaambir malaaka tedu ke fo mbaambir no Mbaal onqe.


Ii-isra’el we fop ne da mbodeena a ƭapa kebil of, a nduux a koƥ, a mbañ o nan-giloox o ñuxur of. Kaa i tooñong boo a tax a salax ake mbindeena no kebil ke Moyiis fee o tag of a yen took in.


Xeet fee da ndaawinna yegnit padafuleer den o mat xan a ndeɓel no ped ke Yeerusaleem yaam o ngar fo biim le fa xire fee. Jegkee o leng oxaa gasna a den na mboy, den oo rew den oo, xa ƥiy xa koor den fo xa ƥiy xa tew den. Neene, xam fudin took den paaxeer ke da mbi’na.


Saax le kaa refkaa neeke na naqad boo a mban, soo daaƭ le na koƥ ale fop ee ŋayam? Ƥaaɓaan ke fo tiiƭ ke no saax le a sooƴa, yaam kañaan ne no we ngenna teen. Kaa da layaa yee: «Roog ga’ee ke na dalkaa a in.»


A saqa o lang no ɓay um, too xan a fees bele fee ten soo a geek pep ke. Xan a dox ñaax le kam fiɗel laa ñufkeerna boo muk.»


O Yaal oxe refna a Qoolaand ale Isra’el xan a refat fiɗel, o Tedu xe ten a refat aal laa na doxkaa soo a raaɓ takar-ñiig ke fo tomb ke Asuur no ñaal leng kut.


Kaam may muut fo fuux le no Yaal oxe, hatlatinum muk. O Yaal oxe a laya yee: «Ɓaxi fuux le mi boog took xa caaƈ xa tutuuñ axe no ped ke fo took teɓandoong ke fop. Goor fo rew, nogoy fo we ñaamna jamaane den, den fop xan a ƥisel.


Pind den xan a ndaawnel wiin lakas, xa qol den fo rew den fop, yaam xan o ɓay es a dal took no we ngenna no saax le. Mi o Yaal oxe layun.


O Yaal oxe kaa tee: «Xam ɓoor a den, too ndaxar biiñ ne saqkatee o rim o leng, ndun ne jegkatee o run o leng, a naf ake xan a leeƥ. Xam coox a den waa na ñafaƭooxkaa a den.»


O Yaal oxe kaa xoyoogong «Ndaxar oliiw neepu ne, xa tim axe a mbelna lool». Te paam koy, kam fangax maak, xan a heƥand teen fiɗel, soo a naaq ake ten a ƥolel.


Xan nu ñak lam ne ci’’uuma a nuun. Xam fi a nuun faɗ no fañ nuun no saax laa nu andeerna. Yaam nu ngeƥanda fuux le mi, too xan a kaƥaa boo kili.»


Wo o Yaal oxe koy, andaa kukir ke den fop, ndax da mbarnooraam. Ba o waasan a den tooñ den too ba o forit bakaad den mbaambir of. Yaasam da maafel na kid of! Ɓeki a den o ɓay yaa fo fuux of!»


nuun mbind Dawid! «Nqes nuu nu ngate’aa, ngate’ityo o cofel, suqit oxe na toroxandeel na xa ƥay no ñaañagadil oxe, ndik fuux es a biltoox nen fiɗel, a doxaa too waagkaand o ñuf, yaam a pi a paaxeer ake nuun! Mi o Yaal oxe layun.


O Yaal oxe kaa tee: «Xam watin fop ke refna took lanq ke.


mi itam oo, xam siiknoor fa nuun kam fuux es, too xam xawrandahin boo a caf ɓetaa ƭaq a qaw ale no pakaad ke nuun.


Hap fee xe garaa, bes fee a matiidaa! Baa o ciijik oxe a felakinoox, baa o ciijikax oxe a ɗomatoox, yaam fuux ɗomu le a biltooxana faan le na teeru fee.


A luuƥ ale a jiba, fop a jagandooxanel, ndaa o leng retee na xire, yaam fuux ɗomu le mi a biltooxana faan le fop.»


Xam moocand wiin we fo muumeen ke, tiiƭ ke fo liƥ ke, luƈit soxodu we. Kaam ee xam moocand wiin we took lanq ke. Mi o Yaal oxe layun.


A saƭkanda a qeeñ den koŋ nen jamaa, ndax nan-gilooxkee a cangin es fo fa lay es, mi o Yaal oxe Hupna fop, lultiiduuma na pexey Yiif es, reefandin no duleer we yaaga. Keene garu fo fuux ɗomu le mi, mi o Yaal oxe Hupna fop.


Swiv nou:

Piblisite


Piblisite