Yeremi 7:18 - NQAARIIT NE ROOG

¹⁸ Xa teɓandoong axe kaa ndaxanaa, paap ke a ngeƥandaa fiɗel le, soo rew we a nqiiwaa, ndax da mbi’an a Lingeer fee na asamaan xa kaf. Kaa njuuranaa roog can ke biiñ, ndax da mbuuxnooraam.

Yeremi 7:18 Referans Kwoze

Yeremi 19:13

Pind ke Yeerusaleem fo ke no maad we Yudaa xan a nqoolaƭar nen a Tofet, pind ke fop andoona yee xa qoor axe na asamaan a ƥoxotane cuuraay na xa tung-took axe den, soo roog lakas ke a njuuranel teen biiñ nen sadax.»

1 Korint 10:22

Ndax kaa i mbug o umb naal ne Roog? Kaa i moƴin o njeg doole!

1 Maad we 14:9

No we adooxoonga fop, wo moƴu o faaxaƭar teen a pesoorooƭ. Kaa o ret fi’an a xoox of roog lakas fo nitaal celem cawe, ndax o fuuxnooraam. Kaa o naagaam fir deɓaam.

Yeremi 32:29

Kaakalde we na songaa teeru fene xan a ndok teen, a ngeƥandin. Xan a ndoxin riw, ten fo pind ke Baal a doxantoogeena cuuraay na xa tung-took axe den, soo roog lakas ke a njuuranteel teen, ndax um fuuxnoorel.

Yeremi 25:7

Kaa koy, nu nan-gilooxiraam, ndaa kaa nu mbuuxnoortaam nitaal roog ke nu njaloodna, ndax nu or taamaala took nuun. Mi o Yaal oxe layun.›

Yeremi 11:17

O Yaal oxe Hupna fop jimb’oonga, a fosooxanaang taamaala yaam paaxeer ke wiin we Isra’el fo we Yudaa a mbi’na a qoox den. A mbuuxnooraan, ye da ndoxanna a Baal cuuraay.

Esayi 3:8

Yeerusaleem oxe gefaa tuƈ, soo Yudaa a naag junjang a lanq, yaam xa ƭelem den fo a pi den kaa njuumoor fo o Yaal oxe, da mbañ o magnel ole no ndam onqe ten.

1 Maad we 16:2

«Reeƭiro dara, um xotong, dalnong o ɗoxaa a Isra’el fee xeet es, ndaa kaa o reef o jaf Yerobowam, riñ a Isra’el fee xeet es no mbakaadaa, soo weene a mbuuxnoortaam pakaad den.

A cangatin ale 32:21

A njumbandta naal ne mi ke refeerna Roog, a mbuuxnoortaam pangool koɓong ke den. Mi o mat oo, xam jumbandit naal den xeet faa refeerna xeet fa ndigil, fuuxnoorit a den xeet faa fofeerna o and o leng.

A cangatin ale 32:16

A njumbandta fuux le ten roog can ke, a mbuuxnoortin a pi a cednooxu.

A cangatin ale 4:19

Nu ndaxaaƴooxangaa na asamaan fee, nga njeeƈ ne fo o nqool onqe fo xa qoor axe, tig oo tig ke na asamaan fop daal, baa riñ a nuun nu ngungaa mbaambir den, mbaɗooxaa a den. O Yaal oxe Roog kaa xaƴan qeet lakas ke fop no lanq ke a pi akeene.

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Yeremi 44:25

Keeke o Yaal oxe Roog fee Isra’el Hupna fop a layu: Nuun fop, goor fo rew, nu mbi’a ke nu ndegitna. Kaa nu lay ee xan nu mbadin a tegit ake nuun, ta ref o ndoxan a Lingeer fee na asamaan cuuraay soo njuuranin. Ndamyo a paax boog ke nu layna, mbadin deŋ ke nu ndegitna!

Esayi 65:11

Nuun we mbaasaxama koy, soo mbeecit o joong o tedu le mi, nuun we na ndoxanaa a Gaad ñaamel soo ƥoxotaa a Meni biiñ fa njaxase,

Esayi 65:3

Xeet faa na mbuuxɗandaxam kili a ndefu, too ƭasee teen dara. Kaa mbi’aa sadax kam a ƭing ake den, soo a ndoxaa cuuraay took xa sadaxand a muul.

Esayi 57:6

A kac a ƥodaxu ke na ƈufnand ale ndefu a las of, o ɗeg ole jegoona! Den o juuranaa biiñ fee nen sadax soo ɓoxotaa a den sadax tuufe-duufe! Ndax xam jaɓ keene?

A kim a tedu ke 16:4

We na ƈufginooraa pangool ke, coono den soom a ƥaataa. Mi o mat, ɓoxotkiim a den sadax fo’oy, ne’kiim a kon den sax.

Yeremi 7:17

Ndax kaa ga’iro ke da mbi’aa kam teeru ke Yudaa fo no ped ke Yeerusaleem?

Yeremi 17:2

Neene, xa ƥiy den xan a mbetandoox xa sadaxand axe den fo xa taaƴ axe da lupanna a Asera paam taxar saqtu ke, took a ñaang a ciig ake

A ƭomatax ake 5:13

Mbes ke kaa serel o mbirlaa a ƥil a unir ake, soo xa koor axe a tolofaa yaam toq ke na xa cuuƭ axe.

Heseki’el 8:17

A laamtaxam ee: «Wo fee o ƥiy no kiin, ndax ga’aa keene? Ndax kaa mbind Yudaa ndeyƭooxee no mbi’aa cednooxu ke da mbi’aa mene? Kaa da mayƭandtaa saax le ngiin fo’oy soo a ndefahin no tooñaxam. Den oo weene a mbaƭa a naaq ngeec no ñis den.

Heseki’el 16:26

Jaga’aa fo Miimisira we, gentand of weene cer ke a poŋkilna soo mayƭand njaga of ndax o fuuxnooraam.

Yeremi 1:16

Neene, xam fadin kate es took no we ngenna no saax le yaam paaxeer ke da mbi’na fop: kaa mbaasaam pelek, a ƥoxot cuuraay roog lakas, a ngungaa mbaambir ke xa ƥay den a njalna.

Yeremi 44:4

Kaam gen no luliidaa a nuun duleer we dag es ñaal oo ñaal, ndax da lay a nuun ee: ‹Mbaasyo a pi a cednooxu leene sibuuma!›

Heseki’el 8:16

Maaga, a ɓisaxam farna fo o maax-kam olaa no Mbind ne no Yaal oxe. No ndokand ne no Mbind ne no Yaal oxe, ndeer o ndambalaan onqe fo o sadaxand ole, a jeg’a ngap goor qarɓeen ƭik fo goor ɓetuk waa mbes’ina Mbind ne no Yaal oxe ndiiñ, a ngung farna fo batand, a mbaambir fo njeeƈ ne.