Yeremi 7:16 - NQAARIIT NE ROOG

¹⁶ «Wo Yeremi, ba o xeɗan xeet fene. Ba o loolooxan mbaat o xeɗooxan a den. Ba o ƴufginoox paam es, yaam nan-gilooxkiroong.

Yeremi 7:16 Referans Kwoze

Yeremi 11:14

Wo Yeremi koy, ba o xeɗan xeet fene. Ba o loolooxan mbaat o xeɗooxan a den, nan-gilooxkiim a den, yaa da ƈufginooxaxam yaa fa taamaala fee den.»

Yeremi 15:1

O Yaal oxe a layaxam ee: «Moyiis fa Sami’el sax a ngeenoox’angaa mbaambir es, yirimkoogiim xeet feene. Raxi a den da ngoƭaam, fat a ndet!

A sutax ale 32:10

Ndiiki koy, xaƴaam fa den, xam fuuxan a den, xuuf xa ñis den soo sutit na wo xeet fa maak.»

Yeremi 18:20

Ndax paax a naaga rabditeel paaxeer? Yaam a mbaqanaxam gamb, ndax da njang o ñis es. Wetandooxi yee geenoox’aam mbaambir of, ndax um lay na den paax, ɓoosdand fuux of fa den.

Esayi 1:15

Nu ndekangaa xa ƥay tee kaa nu nqeɗaa, kaam fesaa a nuun o log, yaam ndik um hel o ga a nuun. Kuu nu ndupataa ndupat a qeƭ nuun oo, nan-gilooxkiim, yaam xa ƥay axe nuun kaa yedin.

1Saŋ 5:16

Boo o kiin a ga’na o pog um a fi’aa bakaad faa naageerna o ɓisaa na fa nqon, fat a xeɗanin. Neene, xan a coox o pog um oxaaga o ñoow ole. O ñoow oleene, xan we mbi’na bakaad faa naageerna o ɓisaa na fa nqon a ndaawin. A jega itam bakaad faa na ɓisaa na fa nqon. Layiim a nuun nu nqeɗan bakaad feene.

Mise 3:4

Ten taxu, yaa da ƈufginooxkaa o Yaal oxe, jaaɓkee a den, ndaa xan a ɗasin a den mukit um, yaam kaa da mbi paaxeer.

A cangatin ale 9:14

Ndiiki koy, xaƴaam um saŋik a den, ñuf a kon den ɗuƭ ɗuga asamaan fee soo sutit na wo xeet faa moƴna o jeg doole, a moƴ o may xeet feeke.›

2 Sami’el 8:18

Benaya fee o ƥiy Yehoyada a adooxan Keekeret we fo Peepelet we yetooxoogna o maad oxe, soo xa ƥiy axe Dawid a kelfa weene fop.

Yeremi 7:17

Ndax kaa ga’iro ke da mbi’aa kam teeru ke Yudaa fo no ped ke Yeerusaleem?

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Yeremi 4:28

Ten taxu lanq ke a ñaawooxaa, soo asamaan fee a niifaar maaga took, yaam layaanum, fosooxin. Ricooxkinum, nomtooxkiim teen a cinj.»