Yeremi 7:15 - NQAARIIT NE ROOG

¹⁵ Xam deɓ a nuun maa goƭaxama ne deɓtuuma fog we nuun fop, we mbaqaqoorna na carind ale Efrayim.»

Yeremi 7:15 Referans Kwoze

Yeremi 15:1

O Yaal oxe a layaxam ee: «Moyiis fa Sami’el sax a ngeenoox’angaa mbaambir es, yirimkoogiim xeet feene. Raxi a den da ngoƭaam, fat a ndet!

Yeremi 52:3

Keene a xewa, yaam ne o Yaal oxe a fuuxanna a Yeerusaleem fa Yudaa boo a deɓ a den maa goƭuuna. Sedekiya a siiknoora fo o maad oxe Babilon.

2 Maad we 17:23

boo neen o Yaal oxe a deɓu a den maa goƭuuna, ne ta layit’uuna a reefandin no duleer we dag um. Neene, took o hup doole Ii-isra’el we a ƥise Asuur maa goƭna saax den, too maaga a maadu boo no ñaal roog ne xaye.

Hoose 12:1

O Yaal oxe kaa tee: «Efrayim kaa widaam fo xa maaƥ, mbind Isra’el a ndeeraam fo naanaxir ƥor, Yudaa a maad o siiknooraa fa mi, mi fee o Tedu xe gore’na.

Hoose 9:9

Nu njimbooxa no laawax nen ñaal kaa Gibe’a. O Yaal oxe weecee tooñ nuun too xan a xaw pakaad nuun.»

Hoose 9:3

Efrayim yoqkee kam saax le no Yaal oxe, ndaa xan a nomtoox Misira, a ñaam kam Asuur ñaamel qoolaƭaru.

Hoose 1:4

O Yaal oxe a laya a Hoose yee: «Ne’een ‹Yisre’el›, yaam a yoqa o ndik rek, xam inooxan mbind Yehu, xuuf maat ne kam Isra’el yaam fo’oy le ta ɓaxna kam Yisre’el.

Yeremi 23:39

xam waas a nuun pelek, deɓ a nuun maa goƭna mukit es, nuun fa teeru fee coox’uuma a nuun fo daan we nuun.

Yeremi 3:8

Ke raxuuma rax a Isra’el fa ngore’aƭaru fee fop oo yaam ceeq ke ten soo cooxin a kayit a pinde laa lalitna yee waasaanum, ga’aam ee o pog um o tew Yudaa fa ngoohod fee saɗaree keene too a jaga’ka ten itam.

2 Caloori ke 15:9

Ii-isra’el mayu na carind ale Efrayim fo na le Manaase fo na le Simewon a nqaƴa saax den, a ngat Yudaa yaam ne da nga’na yee o Yaal oxe refu Roog fee Aasa too a reeƭa fo ten. O maad oxe a xoyna Yuuyudaa we fo Beebensame we fo we ngat’atna no saax um fop.

2 Maad we 24:20

Keene a xewa, yaam ne o Yaal oxe a fuuxanna a Yeerusaleem fa Yudaa boo a deɓ a den maa goƭuuna. Sedekiya a siiknoora fo o maad oxe Babilon.

A kim a tedu ke 51:11

Uupi pakaad es, forit tooñ es fop.

Esayi 7:16

Kaa koy, boo o njaaƈ onqe a helko fo waagaa fañ paaxeer soo a jil ke faaxna, xan xa cegel axe no maad ɗik weene na ndiidlandang a mbes a pec.»

Yeremi 9:19

Nuun rew we, nan-gilooxyo boog fa lay fee no Yaal oxe, mbet nof nuun no ke ta layaa! Aqatinyo xa ƥiy xa tew axe nuun a ƭomatax, oxuu refna a jangin o tew o kend um ƭomatax nene:

Heseki’el 23:31

Reefaa o jaf no maag of o tew, too mexe doonaa o feeƭ ole ten no ɓay of.

Hoose 7:13

Sabab took den, yaam kaa ƈuf, a ngoƭaam! Fat da mbes a pec, yaam kaa siiknoor fa mi! Ndax kaa da mboog ee xam wat a den, mi fee da maaɓanaa?

Hoose 9:13

Ye ga’uuma a Efrayim kaa nandtoogu a ƭing keec alaa jimbeena no mbiñ o nequ, ndaa xan a ɓis xa ƥeem me no xaa na warkaa a den.»

Yoona 2:4

Deɓaxamo kam o maag ole, no xooɗ-ee-xooɗ le no foofi le. A yaand ake wo fop owe mbidaxam, a yag-ee-yag ake wo a palaƈaa took es.

Yeremi 23:33

O Yaal oxe a laya a Yeremi yee: «Boo xeet fene mbaat o tuleer mbaat o saasadax a laamtoonga yee: ‹Fa lay fum o Yaal oxe a gadnu a in ndiiki nen a toq?› fat o doon a den ee: ‹Nuun ndefu a toq ale kañ. Ten taxu xam waas a nuun pelek.›

Heseki’el 33:25

Yaaga koy, layi a den ee: Keeke o Yaal oxe na refkaa boo faw a layu: Kaa nu ñaamaa med, ƭeetaa farna fo nitaal roog cakalaaru ke nuun, ƥaxaa fo’oy, soo koy nu mbug o ndef we njegna saax le!